Yowannisi 12:19 - Kafa Linguistics Project

¹⁹ Ebichi naboona Fariseenaꞌo boonoshinaa boonoshina “Andoo ikke mooyonona tuniyoon hakkaachone. Ebin beegote! Ashoo bulli bi waan wottetone” iyeete.

Yowannisi 12:19 ပူးပေါင်းရင်းမြစ်များ

Shoddo 22:27

Showee tuggooch beddaahaa beeti asheenaꞌo bulli Doono Yeerin gabemminaꞌone; bi waanoo wottemminaꞌone; aageteenaꞌochi shiijjereenaꞌo bulli bi aafooch goyinnemminaꞌone.

Shoddo 49:1

Macceenaꞌote, ittoshi bulli ebin waayebote; showee toommooch beetinaꞌote, ellebote.

Isiyaasi 27:6

Woyemmi yemeenooch, Yaaqobi mixochoommon cammon awuremmone; Israꞌeeli bungiree aafemmone; bi aafoo showoo bulliich ceennemmone.

Maatiyoosi 21:15

Tunebaani qeeshee ukkireenaꞌonaa Muusichi Sheeree dojjechinaꞌona Yesuusi tuniiti worganikkiti mooyonaa yaafee kexoochaa “Hosaana! Daawitichi Bushoyich oogo tunebe” iibee cookiibeeti bushiisheenaꞌonon beeggiꞌi ippeheete.

Yowannisi 12:18

Ebich hini malletoon bi tuniyoon waayeti dofee asheenaꞌo wotta biin giijjiya kechiyeete.

Yowannisi 12:20

Ebi baarooba Yeerich goyinneya Yerusaalem hammiti asheenaꞌo daggooch ikkikke Giriikeenaꞌo beeheete.

Yowannisi 17:21

Ta qollaabeeto, boonoshi bulli ikkottemmoyichiye; taan ne deejjoon alemo iberiyemmoyich, ta Nihoocho, ne taanna ne beemoommon, tawoo neenna ta beemoommon, ebiyoommon wotta boonoshi noonna beebeete.

Yowannisi 3:26

Hini bi dabbeenaꞌo Yowannis waan waaꞌi, “Dojjechocho, Yoordaanoosi aachee beqach neenna tookkii beebee echeto, newoo biichon ne miixeto, ebiyoche, asheenaꞌon aacona afaallii beetone; asho bulli bi waan hammii beetone” iyeete.

Mishiraachechinaꞌo 17:6

Tunetaa qaawii mucceꞌi tiyii, Yaasooninaa bare kittinnee maneenaꞌona daggoochee ikkikkeenaꞌon katemee ukkireenaꞌo waan geechii deebiyeete. Cookeebee, “Showoo bullin shuurikkii beetinaꞌo eboshi hini katemooch wotta waatinaꞌone;

1 Yowannisi 2:2

Biyoo Yeeri no axaaxoon nooch bi maariibeeti deejjoone; no axaaxoon baach tuneyaanoon ashoo bullichi axaaxoon bi maariibeeti deejjoone.