Yowannisi 11:55 - Kafa Linguistics Project

⁵⁵ Ayihudeenaꞌo baariibeeti Beshee Baaroo katinniye. Dofee asheenaꞌo boonoshi qelloon boonoshi xalliyemmoyich, ebi Beshee Baaroyee shiichiꞌi boonoshi beeti showoochee Yerusaalem waaheete.

Yowannisi 11:55 ပူးပေါင်းရင်းမြစ်များ

Halloo 35:2

Ebich Yaaqobi bi kechi asheenaꞌonaa biinna tookkii beetinaꞌo bullinoyich ishichiye: “Ittoshi waan beeti dallaawe nuggisheenaꞌon ittoshi waanee wokkiibote; xallebote; ittoshi tahoon shaddibote.

Iyoobi 1:5

Gifiroo ciiretoyee gubb, Iyoobi maaddoona tiyii boonoshi ikkikkoochi haddoona micciibeeti deejjoon giddiiꞌi boonoshin yaafii beehe. Ebin bi tuniibeeto, “Diqq ta bushiisheenaꞌo axaaxoon shuune beeyemminaꞌone; boonoshi mulloonoo Doono Yeerin naagi beeyemminaꞌone” iꞌi bi gabii beetoyichiye. Biyoo ebin kuxaanoon tunii beehe.

Shoddo 26:6

Doono Yeero, ta xallittinoon bekkiyoyich, ta kishoon machemmo taane. Ne deejjee gudoonoo guudibee,

Keyo 19:10

Doono Yeeriyoo Muusich ishichiye: “Asheenaꞌo waan hamiree, hanaachinaa yaachinon boonoshin yaafibe. Boonoshi tahoon boonoshi machemmoyich gete.

Haddoo 9:10

“Israꞌeeleenaꞌoyich ishichi gete: ‘Ittoshi daggoochee woyee ittoshi shiijjereenaꞌo daggoochee, asho koniyoona dubenoon yeshona bi eeꞌegaata woyee wohi gommooch hammito bi tunegaata, Doono Yeeri taach Beshee Baaroon baaroo hakkiye.

Haddoo 9:6

Tunebaani boonoshi daggoochee ikkikkeenaꞌo dubenoon yeshona eeꞌetinaꞌo boonoshi tunetoyich, arooba Beshee Baaroon baaroo hakkaaneenaꞌone. Boonoshiyoo Muusinaa Haroonina waan hammiyeete.

Maatiyoosi 26:1

Yesuusi hini mooyinaꞌo bullin gettii ciichiꞌi tiyii, bi dabbeenaꞌon

Maatiyoosi 26:2

“Gutte qemoyee gubb Beshee Baaroo bi tunoon ariibeeto ittoshine; Ashi Bushoon yooddiyoyich beshiiree immemminaꞌone” iye.

Maariqoosi 14:1

Beshee Baaroonaa Shittoo Giyaani Kochi Baaroonon boonoshi baaremmi aabo katinniꞌi gutte qemo echehe. Qeeshee ukkireenaꞌonaa Muusichi Sheeree dojjechinaꞌona Yesuusin maroona yeshiree boonoshi wuxemmi gommon qaawiyeete.

Luqaasi 22:1

Ebiyee gubb, Beshee Baaroo getteebeeti Shittoo Giyaani Kochi Baaroo katinniye.

Yowannisi 12:1

Yesuusi, Beshee Baaroon shiritte qemooch geddiichii, qitoochee bi tiijjiti Alazaari beeti Bitaaniya hammiye.

Yowannisi 13:1

Beshee Baaroyee aaf, Yesuusi hini alemoochee Nihoo Yeer waan bi hammemmi aabo shagon ariihe. Hini alemooch beeti bi dabbeenaꞌon shunniye; ciirooch beddaahaanoo boonoshin shunniye.

Yowannisi 18:28

Yesuusin Qeyaaf waanee Yihudee iraashoo kibbooch daammiyeete. Showoo batt maaddoone; Ayihudeenaꞌo “Iraashoo kibbooch giyaꞌa no eeꞌegaata Beshee Baaree maayoon mamon hakkaachemmo noone” iꞌi boonoshi shattitoyich, iraashoo kibbooch giyaaneenaꞌone.

Yowannisi 2:13

Ayihudeenaꞌochi Beshee Baaroo katinniye. Ebich Yesuusi Yerusaalem hammiye.

Yowannisi 2:6

Ayihudeenaꞌo ceechiibeeti xallee doyoyich koteti shiritte xaqqee shareenaꞌo (gaaneenaꞌo) arooch beetinaꞌone; are shareenaꞌoo boonoshi qelli qelloona gutte woyee keejje geetee aacon yechii beetinaꞌone.

Yowannisi 5:1

Ebiyee gubb, Ayihudeenaꞌochi baaroo bi tunetoyich Yesuusi Yerusaalem hammiye.

Yowannisi 6:4

Ayihudeenaꞌo baariibeeti Beshee Baaroo katinniye.

Mishiraachechinaꞌo 21:24

Eboshin yeshiree boonoshina tookki xallebe; boonoshi xallemmi deejjee gijjoonoo boonoshich qoce. Arooba boonoshi qelloonoo cakkoon hakkemminaꞌone. Eboshi bullin ne tuniigaata, ne toommooch yibbaateebeeto kooto bi tunoon, ne qelloona Muusichi Sheeroon ne quyoon ariyemminaꞌone.

Mishiraachechinaꞌo 21:26

Aroochee Phawuloosi are awudde asheenaꞌon yechiꞌi bi yaachichi boonoshina tookkii xallehe. Biyoo boonoshi xallemmo aati wottoon gaata, wotta boonoshi qelli qellee deejjoon boonoshi giddiyemmo aata gaata arichiyoyich Yeerichi yaafee kexooch giyiye.

Mishiraachechinaꞌo 24:18

Xallaꞌa tiyaa yaafee kexooch giyaꞌa, ebin ta tuniyaa beetaa shaggiyeetani, asheenaꞌon kicaano taane; boonoshi dullemmoyich tuniyaano taane.

1 Qorontoosi 11:28

Ebich asho bi qelli qelloona shiichiree bi mulleexi mooyon xiishiichi, are koshoochee mame; xoofoocheenoo uye.

Yaaqobi 4:8

Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.

1 Saameeli 16:5

Saameeliyoo “Eeha, diggoone. Ta waato, Doono Yeerich deejjoon giddiyoyichiye. Ittoshi qelloon yaafiree, taanna tookki deejjee xaaꞌooch wobote” iye. Aroochee Iseyinaa bi bushiisheenaꞌonon yaafiye. Deejjee xaaꞌooch boonoshi woyemmoyichoo ceeggiye.