Yowannisi 11:52 - Kafa Linguistics Project

⁵² Bi qitemmo, shaceꞌi baribare showooch beeti Yeerichi bushiisheenaꞌon wotta ikkooch bi kicemmoyichalli, Ayihudeenaꞌoyich baach toonoone.

Yowannisi 11:52 ပူးပေါင်းရင်းမြစ်များ

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

Shoddo 22:15

Ta giidoo shuuqqii gochoon shaahiye; ta heciyoo ta killooch xaaqqeehe; qitee buttooch taan duppehine.

Shoddo 22:27

Showee tuggooch beddaahaa beeti asheenaꞌo bulli Doono Yeerin gabemminaꞌone; bi waanoo wottemminaꞌone; aageteenaꞌochi shiijjereenaꞌo bulli bi aafooch goyinnemminaꞌone.

Shoddo 72:19

Ooge bi shigo bulli yemeenoon diireebe! Bi oogee yiiroo showoo bulliich ceene. Ameena, ameena.

Isiyaasi 49:18

Ne aafoon kaachiree, ne guudoona ciine; ne bushiisheenaꞌo kiceeree ne waan woyemminaꞌone. Doono Yeeri ta, beeyecho ta tunoona wogehoye; eboshi bullin shashoochoommon shashemmi neene; woꞌechoommon tahemmi neene.

Isiyaasi 55:5

Israꞌeelee Yaafoo, ne Nuggishoo Doono Yeeri ta, neen ta oogiitoyich, ne ariyaani aageteenaꞌon ceeggemmo neene; neen ariyaani aageteenaꞌo ne waan wocibee woyemminaꞌone” iye.

Isiyaasi 56:8

Shaceti Israꞌeeleenaꞌon kiciibeeti Nuggishoo Doono Yeeri ishichiye: “Kiceetinaꞌoyee bareenaꞌon ittoshi waan kicemmo taane” iye.

Isiyaasi 60:4

“Ne aafoon kaachiree, ne guudoona ciine; eboshi bulli ikkittinoona kiceeree ne waan woyemminaꞌone; ne anaami bushiisheenaꞌo wohoochee woyemminaꞌone; ne maache bushiisheenaꞌo tiqqetaa woyemminaꞌone.

Hiziqeeli 34:12

Qiddoo bi bageenaꞌo daggoochee aalletinaꞌon bi qaawoommon ta bageenaꞌon qaawemmo taane; quboobinaa dunne manderoobina boonoshi aalleti xaaꞌoochee boonoshin wodiyemmo taane.

Hosee'i 1:10

“Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.

Luqaasi 15:8

Yesuusiyoo daakkiꞌi ishichiye: “Wotta aashire shilinkechi ure ikke bi shilinko aallegaata, ceechoon ceechaꞌa kexon hidaabee bi danemmi wottoon manjiiree qaawaachehane?

Yowannisi 1:12

Tunebaani Yeer waanee bi womon iberiiꞌi boonoshi mulloon bi toommooch tooꞌiitinaꞌo bullich Yeerichi bushiishoo tunee hakkoon immiye.

Yowannisi 1:29

Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!

Yowannisi 10:16

Hini maggooch giyaani bare bageenaꞌo taach beetinaꞌone. Boonoshinoo wotta deebo taach qaawiihe; ta qaaroonoo waayemminaꞌone; ikke qiddoo boonoshin ikkochiree quyemmone.

Yowannisi 12:32

Tawoo showoochee ta tiijjeehooba, asho bullin ta waan yeepphemmo taane” iye.

Roomi 3:29

Halla Yeeri Ayihudeenaꞌo ikkeetochi Nuggishoo baachiye? Aageteenaꞌoyichoo wotta Nuggishoo toone? Eeha, boonoshich wotta Nuggishoone.

Efesooni 1:5

gaawe bi daaggoona Yesuus Kiristoos waanaa biich bushiishoo no tunemmoyich shiichiꞌi gabii maacciye.

Efesooni 3:11

bulli yemeenoyee aaf Yeeri biich beeti ebi gaboon Kiristoos Yesuusi no Doonona ceechitone.

Yaaqobi 1:1

Yeerinaa Doono Yesuus Kiristoosinochi guuno tuneti Yaaqobi waanee, Showee toommooch shaceꞌi beeti, aaraa gutte yoodeenaꞌoyich: Diggoo ittoshich tunebe.

1 Pheexiroosi 1:1

Yesuus Kiristoosichi mishiraachechi Pheexiroosi waanee, Faantoosee showooch, Galaatee showooch, Qephadooqee showooch, Isiyee showoonaa Bitaaniyee showoonooch beeti katemoo bulliich shiqqoo tunee shaceꞌi beeti, Yeerina kaacheti asheenaꞌoyich,

1 Yowannisi 2:2

Biyoo Yeeri no axaaxoon nooch bi maariibeeti deejjoone; no axaaxoon baach tuneyaanoon ashoo bullichi axaaxoon bi maariibeeti deejjoone.

1 Yowannisi 3:1

“Yeerichi bushiishoo” getaa no ceekkemmoyich, Nihoo Yeeri aabichiꞌi noon bi shunnito gaata beegote! Iberoon Yeerichi bushiishoo noone. Ebich hini alemeexi asheenaꞌo Yeerin ariyoon boonoshi qajjitoyich, noon ariyaacheete.

1 Yowannisi 3:10

Yeerichi bushiisheenaꞌonaa daabiloosichi bushiisheenaꞌona ebina bariꞌi arichee beetinaꞌone: Cadiqee shuunoon shuuneyaano, bi manoonoo shunaano, Yeerichi bushoo toonoone.

1 Yowannisi 3:2

Ta shunechinaꞌote! And Yeerichi bushiishoo noone; gubbich amo no tunemmo gaata batt aricheyaanoone. Tunebaani Kiristoosi waataa xiishi ciinnemmo no tunetoyich, biin shaahemmo no tunoon ariibeeto noone.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;