Yowannisi 11:4 - Kafa Linguistics Project

⁴ Yesuusiyoo ishin waayeꞌi ishichiye: “Hini biiyo Yeerichi Bushoo ebina bi oogemmoyich Yeerichi oogoyichani, qitooch bechemmo toonoone” iye.

Yowannisi 11:4 ပူးပေါင်းရင်းမြစ်များ

Keyo 16:7

Biyoo bi toommooch ittoshi guruuxiti guruuxoon waayetone; ebich yaach maaddoona bi oogee yiiroon beeggemmo ittoshine. Halla no toommooch ittoshi guruuxito, koni no tunetenane?” iyeete.

Yowannisi 10:38

Tunetaa ta shuunegaata, taanolla ittoshi iberiyoo qayigaata, Nihoo Yeeri taanna tookkii bi tunoon, tawoo Nihoo Yeerina tookkii ta tunoon xiishiree ittoshi ariyemmoyich, ta shuunoon iberiibote” iye.

Yowannisi 11:40

Yesuusi “ ‘Ta getteton ne iberiigaata, Yeerichi oogee yiiroon beeggemmi neene’ getaachote?” iye.

Yowannisi 12:28

Ta Nihoocho, ne shigoon oogiibe!” iye. Arooba shimaayoochee “Oogiito taane; andoo oogiyemmo taane” immi qaaro waayeehe.

Yowannisi 17:1

Yesuusiyoo bi dabbeenaꞌoyich ebi bullin bi gettitoyee gubb, kaama shimaajj ciinniꞌi ishichiye: “Ta Nihoocho, saato shaggitone; ne Bushoo ta neen oogiyemmoyich taan oogiibe.

Yowannisi 17:10

Taacho tuneto bulli neechone; neecho tunetoo taachone; tawoo boonoshina oogeto taane.

Yowannisi 17:5

Ta Nihoocho, alemo halleyaan beetaa, neenna tookkaa ta beehooba taan ne oogiyoommon andoo ne beetoochaa taan oogiibe.

Yowannisi 2:11

Yesuusi hini malletoon shiichiꞌi Galiilee showooch beeti Qaani katemoochaa tuniihe; arooba bi oogee yiiroon bekkiihe. Ebich bi dabbeenaꞌo boonoshi mulloon bi toommooch tooꞌiiheete.

Yowannisi 8:54

Yesuusi ishichiꞌi boonoshich wochiye: “Ta, ta qelloon ta oogiigaata ta oogo duuboone. Taan oogiibeeto, ittoshi ‘No Nuggishoone’ ii beeti ta Nihoone.

Yowannisi 9:24

Ebich aaf doogo tuneꞌi beebee and ciinniti uroon wochinnoon ceeggiꞌi, “Yeerichi oogoyicha getiree iberoon yibbaatebe; hini uro axaaxecho bi tunoon no ariibeeto noone” iyeete.

Yowannisi 9:3

Yesuusiyoo ishichiꞌi wochiye: “Hini uro aaf doogo tuneꞌi bi shiijjeto, Yeerichi shuunoo biinna bi bekkemmoyichalli, bi woyee biin shiyitinaꞌo axaaxoon shuunetoyich toonoone.

Roomi 11:11

Illa “Israꞌeeleenaꞌo tepheeꞌi ciroona dihitinaꞌone, getone?” iyoye. Toonoone! Tunebaani qanaatoona boonoshi miccemmoyich boonoshi xuꞌee naboona Aageteenaꞌoyich wodoo tunetone.

Filipphisiyoosi 1:20

Kashoona ta beemo Kiristoosichiye; ta qitenoo gaacechi mooyone. Ebich kashoona ta beetaa woyee ta qititaa, ikke mooyonona yeelleyaanoon aafoon kupphaꞌa gettaabee ebiyee aafichoommon andoo wotta ta tuniyaabeeti mooyo bullina Kiristoosin oogiyoo ta qaatoonaa ta gibenoonane.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.

1 Pheexiroosi 4:14

Kiristoosicho ittoshi tunetoyich ittoshin boonoshi naaggitaa, diireeto ittoshine; ittoshi diireetoo, oogee yiiree Ayaano, ebiyoo Yeerichi Ayaano, ittoshi toommooch bi beetoyichiye.