Yowannisi 10:6 - Kafa Linguistics Project

⁶ Yesuusi ishin arooch beeti asheenaꞌoyich shaahiyoona gettiye; tunetaa bi gettito ama geto gaata boonoshich giyaanoone.

Yowannisi 10:6 ပူးပေါင်းရင်းမြစ်များ

Shoddo 106:7

No qaabbechinaꞌo Gibitsee showooch beebee, worganikkiti ne shuunoon shalligaaneenaꞌone; wodde ne shoodoon gabaaneenaꞌone; Ceelle baharoochaa ne toommooch tiyiyeete.

Shoddo 82:5

“Ittoshich ariyoo woyee shalligoo aalloone; showee koto bulli shuurii beetaa, ittoshi manderoona shaꞌee beehote.

Shaahiyoo 28:5

Gonde asheenaꞌo dayinnetoon shalligaacheete; tunebaani Doono Yeerich goyinnee beetinaꞌo gaawichiꞌi shalligiyeete.

Isiyaasi 56:11

Boonoshiyoo bi maataa miyani, woddelle kunaanoomminaꞌone; shalligaalli qiddeenaꞌone; boonoshi kaatti kaatta wottetinaꞌone; bulliyona boonoshi gaacoon qaawiyeete.

Daaneeli 12:10

Meeti asheenaꞌo boonoshi qelloon xalliyemminaꞌone; haattee kechitinaꞌonaa muricaalleenaꞌona tunemminaꞌone. Tunebaani gondeenaꞌo ebi mooyon shalligaaneenaꞌon tuneree, gondoon shuune beeyemminaꞌone. Tunetaa yiiteenaꞌo baach shalligemminaꞌone.

Maatiyoosi 13:34

Yesuusi dofee asheenaꞌoyich ebi bullin shaahiyoona gettiye; mooyon shaahiyaalloon getaanoone.

Maatiyoosi 13:51

Yesuusi bi dabbeenaꞌon “Ebi bulli ittoshi mullooch giyite?” iꞌi echehe. Boonoshiyoo “Eeha giyitone” iyeete.

Maariqoosi 4:34

Ikke mooyonona shaahiyaalloon getaanoone. Biinnaa bi dabbeenaꞌona ikkeeto tunehooba, shaahiyeenaꞌo bullin boonoshich biichiꞌi gettii beehe.

Yowannisi 16:25

“Hini mooyo bullin ittoshich ta getteto shaahiyoona bi tunetaanoona, Nihoo Yeerichon shaahiyoona tuneyaanoon kaacha ta gettemmi aabo woyemmone.

Yowannisi 16:29

Bi dabbeenaꞌo “And kaacha gettaabeeto neene; hini ne gettaabeeto shaahiyoona toonoone.

Yowannisi 6:52

Ebich Ayihudeenaꞌo “Hini uro bi meenon aabichiree nooch maanjoon hakkehe?” iꞌi boonoshinaa boonoshina hayeheete.

Yowannisi 6:60

Yesuusin dabbitinaꞌoochee meetinaꞌo ishin waayeꞌi, “Hini ashoon giiriibeeti yibbaatoone; hinin waayoon hakkemmo konine?” iyeete.

Yowannisi 7:36

Biyoo ‘Taan qaawemmo ittoshine; tunebaani daneyaachemmo ittoshine; ta beetoochoo womon hakkaachemmo ittoshine’ bi ii beeti hini bi yibbaatoo amoone?” iꞌi yibbaateheete.

Yowannisi 8:27

Arooba waayeti asheenaꞌo Nihoo Yeerichon boonoshich bi geton shalligaaneenaꞌone.

Yowannisi 8:43

Ta gettaa beeton amoyich shalligaachote? Ta qaaroon waayo ittoshi mawiitoyichiye.

1 Qorontoosi 2:14

Yaafe Ayaano biich aalli asho Yeerichi Yaafe Ayaanee mooyon duubo bi tunii beetoyich, danoon hakkaache; shalligoonoo hakkaache; shalligoon hakkoo bi qajjiibeeto, ebi moochi gaacoon maqqiꞌi ariyoon hakkemmo, Yaafe Ayaano biich beeti asho baach bi tunetoyichiye.

2 Pheexiroosi 2:22

“Kunaanoo bi cooyoon nappheya wottehe”; wotta “Gudini machaa bi itoyee gubb wochinnoon dengooch gedereya wottahane” ii beeti tochoo boonoshina iberetone.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.