Yowannisi 10:36 - Kafa Linguistics Project

³⁶ ‘Yeerichi Bushoo taane’ ta itoyich Nihoo Yeeri yaafiton, alemoochoo bi deejjiton ‘Naagahine’ iyote?

Yowannisi 10:36 ပူးပေါင်းရင်းမြစ်များ

Shoddo 2:2

Showee taateenaꞌo tiyiyeete; Doono Yeerinaa bi huuttiti taatoonochi toommooch, iraasheenaꞌoo ikkittinoona koceeheete; ishichiinoo iyeete:

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Isiyaasi 42:3

Kopheeti shombeqoon tiishaachemmone; taha bedditi ceechoonoo takkaachemmone; tunebaani gibeneeton tuneree ashi yaroo bullich dayinnetoon daniyemmone.

Isiyaasi 55:4

Biin aageteenaꞌoyich miixoo, wulloonaa iraashoonon tuniito taane.

Erimiyaasi 1:5

“Ne indee maacooch neen ta halloyee shiichaa neen ariito taane; ne shiijjoyee shiichaa neen yaafito taane; aageteenaꞌoyich keemecho neen tuniito taane” iye.

Maatiyoosi 27:43

Yeerin gibenetone; wotta ‘Yeerichi Bushoo taane’ itone. Illa Yeeri biin shunniibeeto bi tunegaata, and wodiibe” iyeete.

Maatiyoosi 27:54

Areegaata balle ginee iraashoonaa biinna tookkii Yesuusin quyee beetinaꞌona showee qewoonaa tuneti mooyonon beeggiꞌi, “Iberoon hini uro Yeerichi Bushoone!” iꞌi oogichii shattiyeete.

Luqaasi 1:35

Wotta hini are maraakoo wochiꞌi ishichiye: “Yaafe Ayaano ne toommooch woyemmone; Beshoo Yeerichi giidoo ne toommooch yiiremmone; ebich wotta ne shiyemmi bushoo yaafoo getteyemmone; ‘Yeerichi Bushoo’ getteyemmone.

Yowannisi 10:35

Yaafe Macaafee qaaro shaddeyoon hakkaache; hini bi qaaroon waayetinaꞌon, Yeeri ‘Ittoshiyoo nuggishoo ittoshine’ bi itoyeena,

Yowannisi 17:18

Alemooch taan ne wochoommon, ebiyoommon tawoo alemooch boonoshin wocheto taane.

Yowannisi 17:21

Ta qollaabeeto, boonoshi bulli ikkottemmoyichiye; taan ne deejjoon alemo iberiyemmoyich, ta Nihoocho, ne taanna ne beemoommon, tawoo neenna ta beemoommon, ebiyoommon wotta boonoshi noonna beebeete.

Yowannisi 17:8

Ebiyoo taach ne getteto bullin boonoshich ta gettetoyichiye; boonoshiyoo waayetinaꞌone; ne waanee ta womon xiishoona ariitinaꞌone; taan wochaa ne deejjoonoo iberiitinaꞌone.

Yowannisi 19:7

Ayihudeenaꞌo wochiꞌi, “Nooch sheeroo beetone; bi qelloon Yeerichi Bushoo bi tuniitoyich, no sheeroochaa qita beddiye” iyeete.

Yowannisi 20:28

Toomaasi “Ta Doonocho, ta Nuggishoocho!” iꞌi wochiye.

Yowannisi 20:31

Tunebaani Yesuusi aroo Kiristoosi Yeerichi Bushoo bi tunoon ittoshi iberiyemmoyich, bi toommooch mulloon tooꞌiiree bi shigoona kashoon ittoshi danemmoyich, ebi kooreetone.

Yowannisi 3:17

Yeeri bi Bushoon alemooch bi deejjito, arooch beeti asheenaꞌon bi wodiyemmoyichalli, boonoshi toommooch bi nallemmoyich toonoone.

Yowannisi 3:34

Yeeri bi Ayaanoon bi immiibeeto qeelleꞌi tuno bi qajjitoyich, Yeeri wocheto, Yeerichi wochoon gettii beetone.

Yowannisi 5:30

Yesuusi daakkiꞌi ishichiye: “Ta, ta qelloona ikke mooyonona tuniyoon hakkaano taane; Yeer waanee ta waayetoniye ta nallaabeeto. Taan deejjitochi daaggoonalli, ta daaggoon qaawaano ta tunetoyich, ta nalloo tatoone.

Yowannisi 6:27

Bulli yemeenee kashoon immemmi maayoyich shuunebotalli, aallemmi maayoyich shuuneyaahote. Hini besheyaani koshon ittoshich immemmo Ashi Bushoone. Ebiyoo Nihoo Yeeri taanna bi emiroon bi miixetoyichiye” iye.

Yowannisi 6:57

Beeyechi Nihoo Yeeri taan wochetone; tawoo bi naboona beeyecho taane. Ebiyoommon taan maabeeto, ta naboona kashecho tuneree beeyemmone.

Yowannisi 6:69

Nowoo, Yeerichi Yaafoo ne tunoon iberiito noone; ariinoo ito noone” iye.

Yowannisi 8:42

Yesuusiyoo boonoshich ishichiye: “Ta Yeer waaneeniye ta waato. Ebich Yeeri ittoshi Nihoo gaata, taan shunnesho ittoshine. Bi taan wochetenalli, ta, ta aalla waataano taane.

Roomi 8:3

Meeno hakkaano bi tunetoyich, sheeroo tuniyoon hakkaani mooyon Yeeri hakkiye; Yeeri axaaxoon wokkiiya, bi hajjee Bushoon axaaxechi meechi shaahoona wocheꞌi, meenon hajjiibeeti axaaxee toommooch naxoon kindiihe.

Roomi 9:5

Qaabbechinaꞌochi yareenaꞌone; eboshichi daggoochee Kiristoosi meenona shiijjeꞌi waahe; biyoo bulliyee beshoone; bulli yemeenoonoo diireeti Nuggishoone. Ameena.

Galaati 4:4

Tunebaani Yeeri noon bi bushiishoon tuniiya iꞌi sheeroyich hajjeeꞌi beetinaꞌon biishe bi kichemmoyich, yemeeno shagiyooba bi Bushoon wochehe; wochee waa maachee waanee shiijjeꞌi sheeroyich deꞌa iibee beehe.