Yowannisi 10:27 - Kafa Linguistics Project

²⁷ Ta bageenaꞌo ta qaaroon waayee beetinaꞌone; tawoo boonoshin ariibeeto taane; boonoshiyoo taan dabbii beetinaꞌone.

Yowannisi 10:27 ပူးပေါင်းရင်းမြစ်များ

1 Taateenaꞌo 18:21

Eliyaasi asheenaꞌo aafooch waaꞌi, “Mulloon guttiyoona shaami ittoshi beeyemmo, aati wottooniye? Nuggishoo, Doono Yeeri gaata, Doono Yeerich goyinne maddebote. Baꞌaalo gaata, Baꞌaaloyich goyinne maddebote” iye. Tunebaani asheenaꞌo ikke qaaroonona biich wochaaneenaꞌone.

Isiyaasi 66:22

“Ta hallemmi andire showoonaa andire shimaayoona ta aafooch manjiree beeyemmo bi tunoommon, ittoshi yaroonaa ittoshi shigoona manjiree beeyemmone.

Maatiyoosi 16:24

Arooba wotta Yesuusi daakkiꞌi bi dabbeenaꞌoyich ishichiye: “Bi kasheen wodiyoyich qaawiibeeto bulli muccemmone; tunebaani taacha iꞌi bi kasheen mucceebeeto bulli danemmone. Taan dabboon shunniibeeto koniyoona bi tunegaata, bi qelloon nookkebe; bi masqaloon shaagiree taan dabbibe.

Maatiyoosi 17:5

Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.

Maatiyoosi 25:12

“Tunetaa woꞌee keno wochiꞌi, ‘Iberoon ittoshich gettoye, ta cir ittoshin ariyaano taane’ iye.

Maatiyoosi 7:23

Arooba ‘Hini hukkechinaꞌote, ta waanee wohote. Ittoshin cir ariyaano taane’ getiree boonoshich xalla gettemmo taane” iye.

Maariqoosi 10:21

Yesuusiyoo hini are uroon ciinniꞌi biin shunniye. “Illa ikke mooyo neech shappitone; hamiree neech beeto bullin kemiree iriteetinaꞌoyich imbe; neech shimaajji kexooch kiceeree beeyemmone. Aroyee gubb waaree taan dabbibe” iye.

Maariqoosi 8:34

Ebiyee gubb, Yesuusi dofee asheenaꞌon bi dabbeenaꞌona tookkii ceeggiꞌi ishichiye: “Bi kasheen wodiyoyich qaawiibeeto bulli muccemmone; tunebaani taannaa ta mishiraachee qaaroonoyicha iꞌi bi kasheen mucceebeeto bulli danemmone. Taan dabboon shunniibeeto koniyoona bi tunegaata, bi qelloon nookkebe; bi masqaloon shaagiree taan dabbibe.

Luqaasi 13:27

“Biyoo ‘Ittoshich gettoye: Koni ittoshi gaata, amoochee ittoshi waato gaatoo ariyaano taane; hini hukkechinaꞌote, ittoshi bulli ta waanee wohote’ gettemmone.

Luqaasi 9:23

Wotta boonoshi bullich ishichiye: “Bi kasheen wodiyoyich qaawiibeeto bulli muccemmone; tunebaani taacha iꞌi bi kasheen mucceebeeto bulli danemmone. Taan dabboon shunniibeeto koniyoona bi tunegaata, bi qelloon nookkebe; bi masqaloon qemi qemona shaagiree taan dabbibe.

Yowannisi 10:14

“Deꞌe qiddoo taane. Nihoo Yeeri taan bi arii beetoommon, tawoo Nihoo Yeerin ta arii beetoommon ta bageenaꞌon ariibeeto taane; ta bageenaꞌoo taan arii beetinaꞌone; boonoshi keroyichoo qitemmo taane.

Yowannisi 10:16

Hini maggooch giyaani bare bageenaꞌo taach beetinaꞌone. Boonoshinoo wotta deebo taach qaawiihe; ta qaaroonoo waayemminaꞌone; ikke qiddoo boonoshin ikkochiree quyemmone.

Yowannisi 10:8

[Tayee aaf] waatinaꞌo bulli gaayeenaꞌonaa bokkeenaꞌonane; tunetaa bageenaꞌo boonoshi qaaroon waayeyaaneenaꞌone.

Yowannisi 12:26

Taach maddoon qaawiibeeto, taan dabbibe; ta beetooch hini are ta maddecho wotta beeyemmone; taach maddee beetoyich Nihoo Yeeri oogoon immemmone” iye.

Yowannisi 21:22

Yesuusiyoo “Wottaꞌa ta waammi wottoon bi beeyemmoyich ta shuni gaatochi, neen amo qaaqqiye? Ne taan dabbibe” iye.

Yowannisi 5:25

Iberoon ittoshich gettoye: Qititinaꞌo Yeerichi Bushoo qaaroon boonoshi waayemmi aabo woyemmone; ebiyoo andiye; waayemminaꞌo kashoon danemminaꞌone.

Yowannisi 8:12

Wotta Yesuusi asheenaꞌoyich “Ta alemee bekko taane; taan dabbimmoyich kashoon immemmi bekko bekkehalli, cir manderoona shaꞌeyaachemmone” iꞌi gettiye.

Yowannisi 8:43

Ta gettaa beeton amoyich shalligaachote? Ta qaaroon waayo ittoshi mawiitoyichiye.

Mishiraachechinaꞌo 3:23

Are keemecho getaa waayeyaani asho bullin Yeeri bi asheenaꞌo daggoochee bariiree aalliyemmone’ itone.

1 Qorontoosi 8:3

tunebaani koniyoona Yeerin bi shunigaata, are uro Yeerina arichetone.

Galaati 4:9

Tunebaani and Yeerin ariichii, beshoonoo Yeeri ittoshin ariichaa, giidaalli hoxeeti shiichee doyooch wochinnoon aabichiꞌi wottehote? Guunon tuneꞌi eboshich wochinnoon hajjeyoon shunniyote?

2 Ximootiyoosi 2:19

Tunebaani koniyoona shuurikkoo hakkaani kechi giimboon Yeeri neechitone; are giimboo “Yeeri biichinaꞌon arii beetone”, wotta “ ‘Ta, Doono Yeericho taane’ ii beeto bulli gondoochee wohe” ii beeti maatemechone.

Hibireena'o 3:7

Ebich Yaafe Ayaano gettii beetoommon, “Hanaach Yeerichi qaaroon ittoshi waayegaata,

Yaaꞌoo 14:4

Eboshiyoo shaagaaneenaꞌone; maacheena tookkiinoo daneyaaneenaꞌone; ebich eeꞌaalleenaꞌone. Eboshiyoo Bago hammiibeeti xaaꞌoo bulliich biin dabbii beetinaꞌone; asheenaꞌo daggoochee biisheetinaꞌone; Yeerinaa Bagoonoyich icheti cilleenaꞌone.

Yaaꞌoo 3:20

Ebiyoche, kellooch neexaachaa kelloon qoppaabeeto taane; koniyoona ta qaaroon waayeꞌi bi kelloon bi qechigaata, bi waan giyemmo taane; biinna tookki gifiroon maayemmo taane; biyoo taanna tookki maayemmone.