Yowannisi 10:16 - Kafa Linguistics Project

¹⁶ Hini maggooch giyaani bare bageenaꞌo taach beetinaꞌone. Boonoshinoo wotta deebo taach qaawiihe; ta qaaroonoo waayemminaꞌone; ikke qiddoo boonoshin ikkochiree quyemmone.

Yowannisi 10:16 ပူးပေါင်းရင်းမြစ်များ

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

Shoddo 86:9

Ta Doonocho, ne halliti aagetoo bulli waaree, ne aafooch goyinnemmone; ne shigoonoo oogiyemmone.

Dojjecho 12:11

Shalligechochi yibbaatoo guxechi gumboommone; bi kiciti shaahiyeenaꞌoo aci misimaaroomminaꞌone. Eboshi ichetoo ikke Qiddoo waaneeniye.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 43:6

Ta anaami bushiishoonaa ta maache bushiishoona wohi showoochee, showee toommo bulliichee boonoshi woyemmoyich, dambi-waani showee asheenaꞌon, gawukkibote, deshi-waani showee asheenaꞌonoo bajjaahote, gettemmo taane.

Isiyaasi 52:10

Doono Yeeri yaafe bi mochoon, aageteenaꞌo bullich bekkiyemmone; showee tuggeenaꞌo no Nuggishoochi wodiyoon beeggemminaꞌone.

Isiyaasi 56:8

Shaceti Israꞌeeleenaꞌon kiciibeeti Nuggishoo Doono Yeeri ishichiye: “Kiceetinaꞌoyee bareenaꞌon ittoshi waan kicemmo taane” iye.

Hiziqeeli 34:12

Qiddoo bi bageenaꞌo daggoochee aalletinaꞌon bi qaawoommon ta bageenaꞌon qaawemmo taane; quboobinaa dunne manderoobina boonoshi aalleti xaaꞌoochee boonoshin wodiyemmo taane.

Hiziqeeli 34:23

Boonoshi toommooch ikke qiddoon tiijjemmo taane; biyoo boonoshin quyemmone; ebi aroo ta guuno Daawitine; biyoo boonoshich qiddoo tuneree boonoshin quye maanjemmone.

Hiziqeeli 34:6

Ta bageenaꞌo guudo bullinaa geppoonooch yallyallimitinaꞌone; showoo bulliichoo shacetinaꞌone; boonoshin qaawiibeeto aalloone.

Hiziqeeli 37:22

Showee toommooch, Israꞌeelee guudoochaa boonoshin ikke ashoon tuniyemmo taane; ikke taatoo boonoshi bulli toommooch taatemmone; ebiyee bekk gutte aagetoon tuneyaachemminaꞌone; gutte taatee showoon tune qoodeyaachemminaꞌone.

Hiziqeeli 37:24

“ ‘Ta guuno Daawiti boonoshi toommooch taatemmone; bullichona ikke qiddoo tunemmone; ta geteenaꞌon dabbemminaꞌone; ta qociyeenaꞌonoo gaawichi quyemminaꞌone.

Hosee'i 1:10

“Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.

Zakaariyaasi 2:11

Ebiyoobee aabooch meeti aageteenaꞌo Doono Yeer waan wottemminaꞌone. Bi asheenaꞌonoo tunemminaꞌone. Biyoo ittoshi daggooch beeyemmone. Ittoshiyoo ittoshi waan taan wocheto Beshe Mawe Doono Yeeri tunoon ariyemmo ittoshine.

Maatiyoosi 17:5

Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.

Luqaasi 15:8

Yesuusiyoo daakkiꞌi ishichiye: “Wotta aashire shilinkechi ure ikke bi shilinko aallegaata, ceechoon ceechaꞌa kexon hidaabee bi danemmi wottoon manjiiree qaawaachehane?

Yowannisi 10:11

“Deꞌe qiddoo taane. Deꞌe qiddoo bi bageenaꞌo keroyich qitemmone.

Yowannisi 10:2

Tunetaa kelloona giyimmoo bageenaꞌochi qiddoone.

Yowannisi 10:27

Ta bageenaꞌo ta qaaroon waayee beetinaꞌone; tawoo boonoshin ariibeeto taane; boonoshiyoo taan dabbii beetinaꞌone.

Yowannisi 10:3

Biich kellecho qechemmone. Bageenaꞌoo bi qaaroon waayemminaꞌone; bi bageenaꞌon boonoshi shigi shigoona ceegiree kichemmone.

Yowannisi 10:4

Bi bageenaꞌo bullin bi kichitoyee gubb boonoshi aafooch shiichemmone; bi bageenaꞌoo bi qaaroon boonoshi arii beetoyich, biin dabbemminaꞌone.

Yowannisi 10:5

Tunebaani baroo waanee xuuppheheetani biin dabbaachemminaꞌone; ebiyoo baroochi qaaroon ariyaano boonoshi qajjitoyichiye” iye.

Yowannisi 11:52

Bi qitemmo, shaceꞌi baribare showooch beeti Yeerichi bushiisheenaꞌon wotta ikkooch bi kicemmoyichalli, Ayihudeenaꞌoyich baach toonoone.

Yowannisi 17:20

“Eboshi ikkeetinaꞌoyich baach tuneyaanoon, boonoshi gettiibeeti qaaroon waayoona ta toommooch mulloon tooꞌiyemminaꞌoyich wotta neen qollaabeeto taane.

Yowannisi 6:37

Shimaayoochee ta kindito, taan wocheti Yeerichi daaggoon tuniyoyichalli, ta daaggoon tuniyoyich toonoone. Ebich ta Nihoo Yeeri taach immito bulli ta waan woyemmone; ta waan waammo bullin cir maaxooch kichi dufaachemmo taane.

Mishiraachechinaꞌo 15:14

Yeeri shiichiꞌi Aageteenaꞌo daggoochee bi hajjoo tunemmi asheenaꞌon bi kichoona boonoshin bi shunon aabichiꞌi bi bekkiito gaata, Simooni and gettitone.

Mishiraachechinaꞌo 22:14

“Biyoo ishichiye: ‘No qaabbechinaꞌochi Nuggishoo bi daaggoon ne ariyemmoyich, Cadiqoonoo beegiree are Cadiqoochi noonoochee kechiibeeti qaaroon ne waayemmoyich, shiichiꞌi neen kaaccitone.

Roomi 11:25

Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

2 Tasaloonqi 2:13

Tunebaani Doonona shucheti no maneenaꞌote! Bulli aaboon ittoshi naboyich Yeerin galletehone; ebiyoo Yeeri bi Yaafe Ayaanoona ittoshin yaafiꞌi, iberee qaaroon iberiiree ittoshi wodemmoyich shiichiꞌi ittoshin bi kaaccitoyichiye.

Hibireena'o 13:20

Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,

1 Pheexiroosi 2:10

Ebiyee aaf Yeerichi yoodo toono ittoshine; tunebaani and Yeerichi yoodo tuneto ittoshine; ebiyee aaf Yeerichi ariqqittinoon ariyaano ittoshine; tunebaani and bi ariqqittinoon ariito ittoshine.

1 Pheexiroosi 2:25

Ebiyee aaf aalleti bagoochoommon yallyallimiibeeto ittoshine; tunebaani and ittoshi kashee Qiddoonaa Quyechona tuneti Kiristoos waan wotteto ittoshine.

1 Pheexiroosi 5:4

Ebi mooyinaꞌon ittoshi tuniigaata, Qiddeenaꞌochi Qiddoo bi waammi aabooba, aalleyaani oogee yiiree gubbichoon ittoshich immemmone.

Yaaꞌoo 3:20

Ebiyoche, kellooch neexaachaa kelloon qoppaabeeto taane; koniyoona ta qaaroon waayeꞌi bi kelloon bi qechigaata, bi waan giyemmo taane; biinna tookki gifiroon maayemmo taane; biyoo taanna tookki maayemmone.