Yowannisi 10:10 - Kafa Linguistics Project

¹⁰ Gaayo bi waabeeto gaayoyich, guuroonaa aalliyoonoyichalli, baroon halloyich toonoone. Tunebaani ta waato, kashoon boonoshi danemmoyich, ebiyoo ceeni kashoon boonoshi danemmoyichiye.

Yowannisi 10:10 ပူးပေါင်းရင်းမြစ်များ

Isiyaasi 56:11

Boonoshiyoo bi maataa miyani, woddelle kunaanoomminaꞌone; shalligaalli qiddeenaꞌone; boonoshi kaatti kaatta wottetinaꞌone; bulliyona boonoshi gaacoon qaawiyeete.

Hosee'i 7:1

“Ta asheenaꞌon kecoochee wochiya ta iyooba, Israꞌeeleenaꞌon wodiiya ta iyooba, Efreemichi axaaxoo, Shamaari katemee asheenaꞌochi gonde shuunoo bekkehe. Boonoshinaa boonoshina kootoon yibbaateheete; kexon tiichii giyiꞌi gaajjiyeete; bokkoo tuneꞌinoo gommoochaa boggiyeete.

Maatiyoosi 18:10

“Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.

Maatiyoosi 18:11

“[Ashi Bushoo waato, aalleton wodiyoyichiye.]

Maatiyoosi 20:28

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheebeete iꞌi waataanoone” iye.

Maatiyoosi 21:13

Wotta asheenaꞌoyich “Yeeri ‘Ta kexo corootee kexone getteyemmone’ iꞌi bi gettito Yaafe Macaafooch kooreetone; tunebaani ittoshi bokkeenaꞌochi gofoon tuniito ittoshine” iye.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Maariqoosi 11:17

Aree hillooch ishichiꞌi dojjiye: “Yeeri ‘Ta kexo “Aageteenaꞌo bullichi corootee kexo” getteyemmone’ iꞌi bi gettito Yaafe Macaafooch kooreyaanoone? Tunebaani ittoshi bokkeenaꞌochi gofoon tuniito ittoshine” iye.

Luqaasi 19:10

Ashi Bushoo bi waato, aalleton qaawoonaa wodiyoonoyichiye” iye.

Yowannisi 10:1

“Iberoon ittoshich gettoye: Bageenaꞌochi maggooch kelloona giyaano, bare gommona capphiꞌi giyimmo, aroo gaayoonaa bokkoonane.

Yowannisi 10:11

“Deꞌe qiddoo taane. Deꞌe qiddoo bi bageenaꞌo keroyich qitemmone.

Yowannisi 12:47

“Alemoon wodiyoyichalli, bi toommooch nalloyich waataano taane. Ebich koniyoona ta qaaroon waayeꞌi ebi bi waayeti qaaroon quyo bi qayigaata, bi toommooch nallemmo ta toono taane.

Yowannisi 12:6

Ishin bi gettito, gaayo bi tunetoyichalli, girechinaꞌoyich ariqqeꞌi toonoone; gijje yeshe kolloon kalleꞌi kollee daggooch kicee beetoochee bi qellich bi deqqii beetoyichiye.

Yowannisi 3:17

Yeeri bi Bushoon alemooch bi deejjito, arooch beeti asheenaꞌon bi wodiyemmoyichalli, boonoshi toommooch bi nallemmoyich toonoone.

Yowannisi 5:40

Tunebaani kashoon danoyich ta waan womoyich shunaachote.

Yowannisi 6:33

Ebiyoo Yeeri immiibeeti kosho, shimaayoochee kindiꞌi alemooch beeti asheenaꞌoyich kashoon immii bi beetoyichiye” iye.

Yowannisi 6:51

Shimaayoochee kinditi, kashoon immiibeeti kosho taane. Asho hini koshoochee bi maagaata, bulli yemeenoon beeyemmone. Showee toommooch beetinaꞌo kashoon boonoshi danemmoyich ta immemmi kosho ta meenone” iye.

Roomi 2:21

illa bareenaꞌon dojjaa beetocho, ne qelloon dojjaachenne? Gaajjaahine getiichi, gaajjenne?

1 Ximootiyoosi 1:15

“Axaaxechinaꞌon wodiyoyich Kiristoos Yesuusi hini alemooch waahe” ii beeti qaaro iberoone; asho bulliyoo iberiiꞌi yech bede mooyone. Axaaxechinaꞌo bulliyee beshe axaaxecho taane.

Hibireena'o 6:17

Ebich Yeeri gibenikkiti mooyon danemminaꞌoyich, bi gabiti gaboon shaddaachemmo bi tunoon xalla bekkiiya bi qaawitoyich, bi gibenikkiti gibenee toommooch wogoon daakkiye.

Hibireena'o 7:25

Biyoo boonoshicha iꞌi shoobba bulli aaboon kashoona beetone; ebich wotta bi waanaa Yeer waan giddee beetinaꞌon andoo bulli yemeenoonoo wodiyoon hakkiye.

2 Pheexiroosi 1:11

Ebina no Doononaa noon Wodiyechonon tuneti Yesuus Kiristoosichi bulli yemeenee taatittineech gimi hakkoo ittoshich ichemmone.