Yowannisi 10:1 - Kafa Linguistics Project

¹ “Iberoon ittoshich gettoye: Bageenaꞌochi maggooch kelloona giyaano, bare gommona capphiꞌi giyimmo, aroo gaayoonaa bokkoonane.

Yowannisi 10:1 ပူးပေါင်းရင်းမြစ်များ

Erimiyaasi 14:15

Ebich Doono Yeeri ta, ‘Hini showooch goraadoonaa shaacoona waataachemmone’ iꞌi, ta wocheyaanoon ta shigoona keemoon keemiibeeti keemechinaꞌochon ishichiyoye: Ebi keemechinaꞌo goraadoonaa shaacoona qitemminaꞌone.

Erimiyaasi 23:21

“Ta wocheyaanoon ebi keemechinaꞌo wocciyeete; boonoshich ta getaanoon keemoon keemmiyeete.

Erimiyaasi 23:32

“Koote gumon gummii maacciibee keemmiibeeti, aafee kupphoona kootoon keemmiibee ta asheenaꞌon muricooch yaabiibeeti keemechinaꞌo toommooch tiyeto taane” iye Doono Yeeri. “Boonoshin wocheyaano taane; boonoshin ukkiriyaano taane; ebi asheenaꞌoyich boonoshi gaaccemmo amolla aalloone” iye Doono Yeeri.

Yoꞌeeli 2:9

Katemoon tuqqemminaꞌone; uxeree toommona capphi beshemminaꞌone; kexinaꞌooch deshee damba kechemminaꞌone; gaayoochomonoo mallee kelloona giyemminaꞌone.

Maatiyoosi 7:15

“Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.

Yowannisi 10:7

Ebich Yesuusi daakkiꞌi boonoshich ishichiye, “Iberoon ittoshich gettoye: Ta, bageenaꞌochi kello taane.

Yowannisi 3:3

Yesuusiyoo wochiꞌi, “Iberoon neech gettoye: Koniyoona bi tunetaa, guttinnoon bi shiijjo qayigaata, Yeerichi taatittineen beegon hakkaachemmone” iye.

Roomi 10:15

Wocheyaanoon aabichiree getteheete? Ebiyoo “Mishiraachee qaaroon gettiibeeti asheenaꞌochi womo am shaahoon emirikkitone” getaa bi kooreetoommoniye.

Roomi 16:18

Ebiyoommi asheenaꞌo boonoshi maacoyich baachalli no Doono Yesuus Kiristoosich hajjeyaaneenaꞌone; gaaweto shaahii beetonaa maanjee yibbaatoona diqqe asheenaꞌochi mulloon dachii beetinaꞌone.

Titoosi 1:11

Eboshi cikki qajjemmoyich tuniyoo qaawiihee; ebiyoo yeelliibeeti gaboona gaacoon danoyich tuneyaani mooyon ashich dojjiibee kechi asheenaꞌo bullin boonoshi shuurikkii beetoyichiye.

Hibireena'o 5:4

Haroonin qeeshee guudo bi tunemmoyich kaaccito, Yeerine; Yeeri kaaccitoyee beshetaa, koniyoona qeeshee guudoon tunee oogoon bi qellich qaawi danemmo aalloone.

1 Pheexiroosi 1:10

Yeeri ittoshich immemmi wojjeechon keemmiti keemechinaꞌo ebi wodoon kupphiiꞌi maqqii qaawiibee kichii kindiiꞌi gabiyeete.

2 Pheexiroosi 2:1

Wonna Israꞌeeleenaꞌo daggooch kootoon keemmiibeeti keemechinaꞌo beetinaꞌone; ebiyoommon wotta koote dojjechinaꞌo ittoshi daggoochee tiyemminaꞌone. Eboshiyoo boonoshin biishee wodiiti Doono Yesuus Kiristoosin nookkeree, kittinneenaꞌochi mullee tooꞌiyoon aalliibeeti koote doyoon shokiibee giijjemminaꞌone; ebina kaatee aalloon boonoshi toommooch deebemminaꞌone.

2 Pheexiroosi 2:3

Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.

1 Yowannisi 4:1

Ta shunechinaꞌote! Meeti koote keemechinaꞌo showee toommooch boonoshi kechitoyich, ayaaneenaꞌo Yeer waanee boonoshi tunoonaa tunee qayonon xiishiree ariibotalli, ayaano bullin iberiyaahote.