Yowannisi 1:51 - Kafa Linguistics Project

⁵¹ “Iberoon ittoshich gettoye: Shimaayoo qecheetaa, Yeerichi maraakeenaꞌo Ashi Bushoo toommooch keyi kindi boonoshi beetaa, beeggemmo ittoshine” iye.

Yowannisi 1:51 ပူးပေါင်းရင်းမြစ်များ

Halloo 28:12

Gumonoo gummiye. Ebi gumona showooch neexeti, bi cilloo shimaajj tuggeti daqqelloon beeggiye; Yeerichi maraakeenaꞌoo ebi daqqelloona kechii kindii beeheete.

Hiziqeeli 1:1

Shaashinnee natooba, awuddinnee agenee uuchinnee qemooba Kebaari aachi gashooch, keccetinaꞌo daggooch ta beetaa shimaayoo qecheetaa Yeerichi yaaꞌoon beeggeho.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Maatiyoosi 25:31

“Ashi Bushoo bi oogee yiiroona maraakeenaꞌo bullina tookki waaree oogee yiiroo beeti bi taatee qeenooch kotemmone.

Maatiyoosi 26:24

Ashi Bushoo biicho bi kooreetoommon, qitemmone; tunebaani Ashi Bushoon beshiiree immemmi are uroyich woowo! Are uro shiijjeyaanoon bi dooggito gaata, biich gaawiye” iye.

Maatiyoosi 3:16

Yesuusi aacona bi afaalleetoyee gubb, bekkech aacoochee kechiye; areegaata shimaayoo [biichoo] qecheehe; aroochee Yeerichi Ayaano bi ashittinee halloo uggechoommon tuneꞌi, bi toommooch kindii kotoon beeggiye.

Maatiyoosi 4:11

Areegaata daabiloosi Yesuusin qajjii hammiye. Aroochee maraakeenaꞌo giddeꞌi Yesuusin deggiyeete.

Maatiyoosi 8:20

Yesuusiyoo “Boqqelleenaꞌoyich oppo, shimaajji kafeenaꞌoyichoo kexo beetone; ebi tunemmona Ashi Bushoyich giyi bi qeyemmi xaaꞌoo aalloone” iye.

Maatiyoosi 9:6

Tunetaa Ashi Bushoo hini showee toommoochaa ashi axaaxoon maaroyich hakkoo biich beemon ittoshi ariyemmoyich” iꞌi bi ashittino qititi uroon “Hini uroocho, and tiyi ne shaaꞌoon shaagiree ne kexooch hambe” iye.

Maariqoosi 1:10

Bekkech Yesuusi aacoochee bi kechimmona, shimaayoo qecheeꞌi Yaafe Ayaano bi ashittinee halloo uggechoommon tuneꞌi Yesuusi toommooch bi kindoon Yowannisi beeggiye.

Maariqoosi 14:62

Yesuusi wochiꞌi, “Eeha, taane. Ashi Bushoo Giidechi Yeerichi qanne badd bi kotetaa, wotta shimaajji qubee daggoona bi waataa beeggemmo ittoshine” iye.

Luqaasi 2:13

Bekkech meeti mattiqutte shimaajji maraakeenaꞌo are maraakoona tookkii bekkeheete; Yeerin galleteebee ishichiyeete:

Luqaasi 2:9

Doonochi maraakoo ebi qiddeenaꞌoyich bekkehe; Doonochi oogee yiiree bekko boonoshi guudoona waccii bekkehe; boonoshiyoo oogichii shattiyeete.

Luqaasi 22:43

Areegaata ikke maraakoo shimaayoochee kindii biich bekkeꞌi biin kupphiihe.

Luqaasi 22:69

Tunebaani hanaachin ikka getiree Ashi Bushoo Giidechi Yeerichi qannooch kotemmone” iye.

Luqaasi 24:4

Ebichi naboyich boonoshi shaammii beetaa, diqqich gutte asheenaꞌo phaqqiibeeti tahoon taheꞌi boonoshi gaꞌooch neexeheete.

Yowannisi 1:50

Yesuusi wochiꞌi, “ ‘Balaasee michi yiirooch kotaa ne beetaa, neen beeggoye’ iyaꞌa ta gettetoyich iberiinne? Gubb ebiyee beshe mooyon beeggemmo neene” iye.

Yowannisi 10:1

“Iberoon ittoshich gettoye: Bageenaꞌochi maggooch kelloona giyaano, bare gommona capphiꞌi giyimmo, aroo gaayoonaa bokkoonane.

Yowannisi 10:7

Ebich Yesuusi daakkiꞌi boonoshich ishichiye, “Iberoon ittoshich gettoye: Ta, bageenaꞌochi kello taane.

Yowannisi 13:16

Iberoon ittoshich gettoye: Guuno bi doonoyee beshaanoone; wocheetoo biin wochetoyee beshaanoone.

Yowannisi 13:38

Yesuusiyoo wochiꞌi ishichiye: “Iberoon taacha getiree qitenne? Iberoon neech gettoye: Keejje wottoon taan nookkeyaan ne beetaa, hanaach baakkoo kuuhaachemmone” iye.

Yowannisi 14:12

Iberoon ittoshich gettoye: Bi mulloon ta toommooch tooꞌiimmo ta shuunaabeeti shuunoon aroo wotta shuunemmone; ta, Nihoo Yeer waan hammaa ta beetoyich ebiyee beshe shuunoonolla shuunemmone.

Yowannisi 16:20

Iberoon ittoshich gettoye: Eeppemmo ittoshine; muushenemmo ittoshine; tunebaani alemo oogichi emiremmone. Ittoshi muushenemmo ittoshine; tunebaani ittoshi muusheno emirooch shaddeyemmone.

Yowannisi 16:23

Arooba amoonolla taan echeyaachemmo ittoshine. Iberoon ittoshich gettoye: Nihoo Yeeri ta shigoona ittoshi qollemmo bullin ittoshich immemmone.

Yowannisi 21:18

Iberoon neech gettoye: Gurimaashoo ne beehooba, ne kishoona tahaꞌa ne shunnemmooch hammaa beehine. Tunebaani ne geenehooba, ne kishoon yaggemmo neene; baroo neech tajjemmone; ne shunaanooch neen daammemmone” iye.

Yowannisi 3:3

Yesuusiyoo wochiꞌi, “Iberoon neech gettoye: Koniyoona bi tunetaa, guttinnoon bi shiijjo qayigaata, Yeerichi taatittineen beegon hakkaachemmone” iye.

Yowannisi 3:5

Yesuusiyoo wochiꞌi ishichiye: “Iberoon neech gettoye: Koniyoona bi tunetaa, aaconaa Ayaanoonoochee shiijjo bi qayigaata, Yeerichi taatittineech gimon hakkaachemmone.

Yowannisi 5:19

Ebich Yesuusi wochiꞌi boonoshich ishichiye, “Iberoon ittoshich gettoye: Nihoo Yeeri tuniibeeto bullin bi Bushoo wotta biichoommon tunii beetone; ebich Nihoo Yeeri tuniitaa bi beeggitonalli, Bushoo bi qelloona amoonolla shuunoon hakkaache.

Yowannisi 5:27

Biyoo Ashi Bushoo bi tunetoyich, bi nallemmoyich, Nihoo Yeeri biin doonjiitone.

Yowannisi 6:26

Yesuusi wochiꞌi ishichiye: “Iberoon ittoshich gettoye: Taan ittoshi qaawiibeeto, koshon maaꞌi ittoshi michitoyichalli, malletoon ittoshi beeggitoyich toonoone.

Yowannisi 6:32

Yesuusiyoo “Iberoon ittoshich gettoye: Shimaayoochee ittoshich koshon immito, Muusi toonoone; tunebaani shimaayoochee ibere koshon ittoshich immiibeeto Yeeri ta Nihoone.

Yowannisi 6:47

Iberoon ittoshich gettoye: Bi mulloon ta toommooch tooꞌiibeeto, bulli yemeenee kashechone.

Yowannisi 6:53

Ebich Yesuusi boonoshich ishichiye, “Iberoon ittoshich gettoye: Ashi Bushoo meenon ittoshi mamo qayigaata, bi damoonoo ittoshi uyo qayigaata, ittoshi qelloona kasho ittoshich aalloone.

Yowannisi 8:34

Yesuusi ishichiꞌi boonoshich wochiye, “Iberoon ittoshich gettoye: Axaaxoon shuuneebeeto bulli axaaxee guunone.

Yowannisi 8:51

Iberoon ittoshich gettoye: Ta gettaa beeton ceechiibeeto koniyoona bi beegaata, cir qitaachemmone” iye.

Yowannisi 8:58

Yesuusiyoo “Iberoon ittoshich gettoye: Abrahami shiijjoyee aaf, ta beeto taane” iye.

Mishiraachechinaꞌo 10:11

Are yaaꞌoona shimaayoo qecheetaa, oogeti naxaloon shaahiibeeti mooyona awudde caappoona yecheeti qiico showooch kindiye.

Mishiraachechinaꞌo 7:56

Aroochee “Ebiyoche, shimaayoo qecheeꞌi Ashi Bushoo Yeerichi qanne badd neexeebeeto taach bekkeebeete” iye.

2 Tasaloonqi 1:7

and xuuxoon beeggiibeeti ittoshin ebi xuuxoochee kichiree noonna tookki kashiyemmone. Ebin bi tuniyemmo, Doono Yesuusi giidechi bi maraakeenaꞌona tookkii shimaayoochee bi waahoobane.

2 Tasaloonqi 1:9

Ebiyoommi asheenaꞌo Doono Yesuusi aafoochee, bi giidee oogee yiiroocheenoo bariree bulli yemeenee aalloona xuuxemminaꞌone.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

Hibireena'o 1:14

Maraakeenaꞌo bulliyoo Yeeri wodiyemmi asheenaꞌon boonoshi gaachemmoyich wochee beetinaꞌo, Yeerichoo maddeebeeti ayaaneenaꞌo tooneenaꞌone?

Yihudi 1:14

Addaamiichee tiijjiꞌi shabaattinnee shiijjeroo tuneti Henooki wotta eboshichon ishichii keemmiꞌi, “Ebiyoche, Doono Yeeri asho bulli toommooch nalliya, hukkechinaꞌo tuneꞌi boonoshi shuuneti hukkee shuunoo bullich, hukkechi axaaxechinaꞌoo bi toommooch boonoshi yibbaateti gonde mooyo bullich boonoshi bulli toommooch nalliya, wodde hume yaafeenaꞌona tookkii bi waa beetaa beego” iꞌi gettiye.

Yaaꞌoo 19:11

Shimaayoo qecheetaa beeggeho; ebiyoche nacce hareshoo bekkehe; aroon yebbeto Gibeneetonaa Iberoona getteehe; biyoo tachiꞌi nallii, bi shixechinaꞌonoo koyee beetone.

Yaaꞌoo 4:1

Aroyee gubb ciinneho; ebiyoche shimaajji taatee xaaꞌooch qecheeti kello beete; shiichaꞌa ta waayeti tiree qaaroommi qaaro, “Hach damba keyi wobe! Ebiyee gubb tunemmi mooyon neech bekkiyemmo taane” iye.