Yowannisi 1:49 - Kafa Linguistics Project

⁴⁹ Naatinaꞌeeli wochiꞌi, “Dojjechocho, ne Yeerichi Bushoo neene! Ne Israꞌeelee taatoo neene!” iye.

Yowannisi 1:49 ပူးပေါင်းရင်းမြစ်များ

Shoddo 110:1

Doono Yeeri ta Doonoyich ishichiye: “Ne etteenaꞌon ne baatee dechiich ta tuniimmi wottoon ta qannooch kotebe” iye.

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Daaneeli 9:25

“Ebin ariibe; shalligibe! Yerusaalemin andiriyoonaa wochinnoon hagonoyich awaajjo kechitoochee tiijjiꞌi, Huutteto, Taatoo, waammi wottoon, shabaatte kaallee shabaatte nato tunemmone. Aroochee shichaa gutte kaallee shabaatte nati wottoon Yerusaalemi mishigoonaa bi gommona wochinnoon shuuneyemmone; tunebaani ebi bi tunemmo, xuuxee yemeenoochiye.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Sofoniyaasi 3:15

Doono Yeeri ittoshi toommooch nalleeti nalloon tiijjitone; ittoshi etteenaꞌon yookkii kichitone. Israꞌeeleenaꞌochi Taatoo Doono Yeeri ittoshina tookkii beetone; ebich, ittoshi shattemmi gonde mooyo amolla aalloone.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Maatiyoosi 14:33

Markabee toommooch beetinaꞌo “Iberoon Yeerichi Bushoo neene” iꞌi Yesuusich yittii goyinneheete.

Maatiyoosi 2:2

“Katinoon shiijjeti Ayihudeenaꞌochi taatoo aabiichiye? Bi xojjenoon aabi-keyoochaa beeggaꞌa, biich goyinneya waato noone” iyeete.

Maatiyoosi 23:7

gabiyee godoochaa showooch qebonee diggiyoonaa dojjechocho getaa ceekkoonon qaawiyeete.

Maatiyoosi 23:8

“Tunebaani ittoshi dojjecho getaa ceekkeyaahote. Ittoshich ikke Dojjecho baach bi beetoyich, ittoshi bulli ikke manoo ittoshine.

Maatiyoosi 27:11

Arooba Yesuusi Yihudee iraashoo aafooch neexehe; Yihudee iraashoo “Ne Ayihudeenaꞌochi taatoo neene?” iꞌi echehe. Yesuusi wochiꞌi, “Newolla gettaa beetine” iye.

Maatiyoosi 27:42

“Bareenaꞌon wodiito bi qelloon wodiyoo mawiihe! Israꞌeelee taatoo bi gaata, eke and masqaloochee kindibe. Bi kindi gaata, biin iberiyemmo noone.

Maatiyoosi 4:3

Arooba daabiloosi giddeꞌi, “Yeerichi Bushoo ne gaata, hini xaqqeenaꞌon ‘Koshon tunebote’ gete” iye.

Maariqoosi 15:32

Beegiree no iberiyemmoyich Israꞌeelee taatoo Kiristoosi eke and masqaloochee kindibe” iyeete. Arooba biinna tookkii yooddeti bokkeenaꞌo wotta biin naaggiyeete.

Luqaasi 1:35

Wotta hini are maraakoo wochiꞌi ishichiye: “Yaafe Ayaano ne toommooch woyemmone; Beshoo Yeerichi giidoo ne toommooch yiiremmone; ebich wotta ne shiyemmi bushoo yaafoo getteyemmone; ‘Yeerichi Bushoo’ getteyemmone.

Luqaasi 19:38

“Doono Yeerichi shigoona waabeeti taatoo diireebe! Shimaayooch diggoo, shimaajji shimaayooch beeti Yeerich oogee yiiroo, tunebe!” ii beeheete.

Yowannisi 1:18

Yeerin bi aafoona beeggito koniyoona aalloone; tunebaani bi Nihoochi sheenooch beeti ikke bi Bushoo kindiꞌi bekkiitone.

Yowannisi 1:34

Tawoo ebin ta aafoona beeggeto taane; biyoo Yeerichi Bushoo bi tunoon miixeto taane” iye.

Yowannisi 1:38

Biin dabbiibeeti asheenaꞌon Yesuusi gubb wottee ciinniꞌi, “Amooniye ittoshi qaawiibeeto?” iye. Boonoshiyoo “Rabbo, ne beeto aabiichiye?” iꞌi echeheete. Rabbi geto “Dojjecho” getone.

Yowannisi 1:50

Yesuusi wochiꞌi, “ ‘Balaasee michi yiirooch kotaa ne beetaa, neen beeggoye’ iyaꞌa ta gettetoyich iberiinne? Gubb ebiyee beshe mooyon beeggemmo neene” iye.

Yowannisi 18:37

Phelaaxoosi “Ishigaata, taatoo neene?” iye. Yesuusi wochiꞌi, “Taatoo ta tunoon newolla gettaa beetine. Ta, ibereechon miixeya ebich shiijjeto taane, alemoochoo waato taane. Iberoochee tuneto bulli ta qaaroon waayemmone” iye.

Yowannisi 4:31

Ebi tunee beetaa, bi dabbeenaꞌo “Dojjechocho, maayoon mame” iꞌi ataalliyeete.