Yowannisi 1:45 - Kafa Linguistics Project

⁴⁵ Aroo Naatinaꞌeelin daneꞌi, “Muusi bi Sheeree Macaafooch, keemechinaꞌo wotta biichon boonoshi kooriti Yooseefichi bushoo, Naazireetechi Yesuusin daneto noone” iye.

Yowannisi 1:45 ပူးပေါင်းရင်းမြစ်များ

Halloo 22:18

Showee toommeexi aageteenaꞌo bulliyoo ne shiijjereenaꞌochi gommona diireyemminaꞌone. Ebi tunemmo, ta qaaroon ne waayetoyichiye” iye.

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

Isiyaasi 4:2

Arooba Doono Yeerichi michi qaakko mallet gaawoonaa oogechona tunemmone; showoochee daneebeeti aafo, muriccii woditi Israꞌeeleenaꞌoyich geecoonaa oogoonon tunemmone.

Isiyaasi 53:2

Ebi maddecho, shuuꞌi showooch cammon awureti, maayi colloochoommon, bi aafooch, dicciye; bi waan no ciinnemmoyich, gaawoo woyee yiiroo biich aalloone; biin no shunnemmoyich, malleto biich aalloone.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Zakaariyaasi 6:12

Biichoo Beshe Mawe Doono Yeeri ishichiye: ‘Bi shigo Ato getteeti asho hinine; biyoo bi xaaꞌoochaa gafgappemmone. Doono Yeerichi yaafee kexonoo haggemmone.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Maatiyoosi 10:3

Filipphoosi, Baritelemoosi, Toomaasi, gabiyee guudo Maatiyoosi, Ilfiyoosichi bushoo Yaaqobi, Taadiyoosi,

Maatiyoosi 13:55

Hini uro anaaxoochi bushoo toone? Bi indee Maariyami tooneene? Bi maneenaꞌo Yaaqobi, Yooseefi, Simooninaa Yihudina tooneenaꞌone?

Maatiyoosi 2:23

Naazireeti katemooch kotehe. Ebich Yeerichi keemechinaꞌona “Kiristoosi Naazireetecho getteyemmone” iꞌi bi gettito ceenniye.

Maatiyoosi 21:11

Dofee asheenaꞌoo “Hini Galiilee showooch beeti Naazireeti katemoochee waati keemechi Yesuusine” iyeete.

Maariqoosi 14:67

Pheexiroosi qaaqqoon kachii bi beetaa beeggaꞌa, giddaa manjii ciinnahan. Biyoo “Ne Naazireetechi Yesuusina tookkii beeto neene” iyan.

Maariqoosi 6:3

Hini uro anaaxoo toone? Maariyamichi bushoo toone? Bi maneenaꞌo Yaaqobi, Yoosi, Yihudinaa Simoonina tooneenaꞌone? Wotta bi maache maneenaꞌo noonna tookkii beetinaꞌo tooneenaꞌone?” iꞌi hoxeheete.

Luqaasi 18:37

Asheenaꞌoo “Naazireetechi Yesuusine beshee hammiibeeto” iꞌi biich gettiyeete.

Luqaasi 2:4

Yooseefi wotta Daawitichi yaroonaa yoodoona bi tunetoyich, Galiilee showooch beeti Naazireetee tiyiꞌi, Yihudee showooch beeti Beetilehemi getteebeeti Daawiti Katemooch,

Luqaasi 2:48

Yooseefinaa Maariyamina boonoshi bushoon beeggiꞌi worganeheete. Bi indeyoo “Ta bushoochoo, amoyich ebi shaahoon noon iritiinne? Ne nihoonaa taanna xuuxaꞌa neen qaawaan toone no beeto?” iyan.

Luqaasi 24:27

Aroyee gubb Muusichi macaafoo bulliichee tiijjiꞌi keemechinaꞌochi macaafoo bulliich beddaahaa kooreeti bi hajjee mooyon biichiꞌi boonoshich gettiye.

Luqaasi 24:44

Boonoshichoo “Ittoshina tookkaa beebee, ‘Muusichi Sheeroonaa keemechinaꞌochi macaafoonooch, Shoddee macaafoochoo kooreeti ta mooyo bulli ceeno echeyaachemmi mooyone’ ta ito ebiniye” iye.

Luqaasi 3:23

Yesuusi batti batt Yeerichi qaaroon dojjooch bi giyiyooba, bi eeno shaashe natt bedoone. Asheenaꞌoyich bi shaahito Yooseefichi bushoo, Eeli bushoo,

Luqaasi 4:22

Asheenaꞌo bulli “Bi gettito iberoone” ii beeheete. Bi noonoochee kechiibeeti yibbaatee shaawon worganeꞌi, “Hini uro Yooseefichi bushoo toone?” iyeete.

Yowannisi 1:44

Filipphoosiyoo Indiriyaasinaa Pheexiroosina beeti Beetisayidi katemeexi ashoone.

Yowannisi 12:21

Boonoshiyoo Galiilee showooch beeti Beetisayidechi Filipphoos waan giddeꞌi, “No doonocho, Yesuusin beegga qaawaabeeto noone” iyeete.

Yowannisi 14:8

Filipphoosi “Ta Doonocho, Nihoo Yeerin nooch bekkiibe; aroo nooch beddiye” iye.

Yowannisi 18:5

Boonoshiyoo “Naazireetechi Yesuusiniye” iꞌi wochiyeete. “Aroo taane” iye. Beshiiꞌi immiti Yihudi wotta boonoshina tookkii arooch neexee beetone.

Yowannisi 18:7

Wochinnoon Yesuusi “Koniniye ittoshi qaawiibeeto?” iꞌi echehe. Boonoshiyoo “Naazireetechi Yesuusiniye” iyeete.

Yowannisi 19:19

Phelaaxoosi wotta “Naazireetechi Yesuusi, Ayihudeenaꞌochi Taatoo” ii beeton kooriiꞌi masqalee toommooch xogiihe.

Yowannisi 21:2

Simoon Pheexiroosinaa Qaappoo getteebeeti Toomaasina, Galiilee showeexi Qaani katemoochee tuneti Naatinaꞌeeliyoo, Zebidiyoosi bushiisheenaꞌo, bi dabbeenaꞌo daggoocheenoo bare gutteenaꞌo eboshi tookkii beeheete.

Yowannisi 6:42

“Hini bi nihoonaa bi indeenon no ariibeeti Yooseefichi bushoo Yesuusi toone? Ishigaata, aabichiꞌi ‘Shimaayoochee kindito taane’ iye?” iyeete.

Yowannisi 6:5

Yesuusi kaama wottee ciinniꞌi, bi waan waabeeti dofee asheenaꞌon beeggiye. Ebich Filipphoosin “Eboshi bulli maayemmi koshon amoochee kemehone?” iye.

Yowannisi 6:7

Filipphoosi “Boonoshi qelli qelloona giishi giishecheenolla boonoshi maagaata, gutte balle diinaaroona kosho kemetaa boonoshich bedaache” iꞌi wochiye.

Mishiraachechinaꞌo 10:38

Yeeri Naazireetechi Yesuusin Yaafe Ayaanoona huuttiꞌi giidoon biich immiye; biinna tookkii Yeeri tunetoyich, Yesuusi deꞌoon shuuneebee daabiloosi hajjitinaꞌo bullin wodiibee guuddiye.

Mishiraachechinaꞌo 2:22

“Hini Israꞌeeleenaꞌote, andoo hini mooyon waayebote: Ittoshi qelloona ittoshi arii beetoommon, Naazireetechi Yesuusi koni bi tunoon, Yeeri biinna ittoshi daggooch bi shuuneti gaakkechi shuunoona, worganikkiti mooyonaa malletoona xiisheetone.

Mishiraachechinaꞌo 22:8

“Tawoo wochaꞌa, ‘Ta Doonocho, ne koni neene?’ iyo. “Biyoo ‘Ne duꞌiibeeti Naazireetechi Yesuusi taane’ iye.

Mishiraachechinaꞌo 26:9

“Ta, ta qelloona ‘Asheenaꞌo Naazireetechi Yesuusichi shigoon boonoshi ceegaachemmoyich, taach bi hakkeemmi wottoon qiiccemmo taane’ iyaꞌa gabaa beehoye.

Mishiraachechinaꞌo 3:6

Arooba Pheexiroosi “Ta kishooch amolla aalloone; tunetaa taach beeton immemmo taane. Naazireetechi Yesuus Kiristoosichi shigoona tiyiree shaꞌebe” iye.