Yowannisi 1:40 - Kafa Linguistics Project

⁴⁰ Yowannis waanee waayeꞌi Yesuusin dabbiti gutteenaꞌoochee ikkoo Simoon Pheexiroosichi manoo Indiriyaasine.

Yowannisi 1:40 ပူးပေါင်းရင်းမြစ်များ

Maatiyoosi 10:2

Hini are aaraa gutte mishiraachechinaꞌochi shigo, batti batt Pheexiroosi getteebeeti Simooni, bi manoo Indiriyaasi, Zebidiyoosi bushiisheenaꞌo Yaaqobinaa Yowannisina,

Luqaasi 5:1

Ikke areddoon Yesuusi Genshareexee baharee gashooch neexee beehe; ebi baharee gashooch beeti gutte gishiishi markabeenaꞌon beeggiye. Haashe yesheenaꞌoo aroochee kindiꞌi boonoshi haashe yeshe dabboon aacona machii beeheete. Arooba arooch wotta dofee asheenaꞌo Yeerichi qaaroon waayoyich Yesuusin guuddiꞌi xuꞌee beeheete.

Yowannisi 1:39

Yesuusi boonoshin “Waaree beegote” iye. Boonoshiyoo hammiꞌi bi beeti xaaꞌoon beeggiyeete. Arooba boonoshi hammito aashire saati bedoochiye. Bi waanoo xumeheete.

Yowannisi 2:2

Yesuusinaa bi dabbeenaꞌona wotta are gaarooch ceekkeꞌi hammitinaꞌone.

Yowannisi 4:33

Ebich bi dabbeenaꞌo boonoshinaa boonoshina “Bi maayemmi maayoon asho biich deebiꞌi tunehe?” iyeete.

Yowannisi 6:8

Bi dabbeenaꞌo daggoochee ikkoo, Simoon Pheexiroosichi manoo Indiriyaasi tiyiꞌi,

Mishiraachechinaꞌo 1:13

Katemooch shaggiꞌi, boonoshi beeti, kechi toommeexi kexooch kechiyeete. Boonoshiyoo Pheexiroosi, Yowannisi, Yaaqobi, Indiriyaasi, Filipphoosi, Toomaasi, Baritelemoosi, Maatiyoosi, Ilfiyoosichi bushoo Yaaqobi, bi aagetoyich qanaatechi Simooni, Yaaqobichi bushoo Yihudi, eboshine.