Yowannisi 1:38 - Kafa Linguistics Project

³⁸ Biin dabbiibeeti asheenaꞌon Yesuusi gubb wottee ciinniꞌi, “Amooniye ittoshi qaawiibeeto?” iye. Boonoshiyoo “Rabbo, ne beeto aabiichiye?” iꞌi echeheete. Rabbi geto “Dojjecho” getone.

Yowannisi 1:38 ပူးပေါင်းရင်းမြစ်များ

1 Taateenaꞌo 10:8

Ne asheenaꞌo am shaahe ixechinaꞌone! Bulli aaboon ne aafooch neexeꞌi, ariyoona ceenniti ne yibbaatoon waayeebeeti ne maddechinaꞌo am shaahe ixechinaꞌone!

Shoddo 27:4

Doono Yeerin ikke mooyon qollehoye; aroonoo qaawiyoye; ebiyoo, ta kashee yemeeno bullin Doono Yeerichi kexooch beemon, Doono Yeerichi gaawoon ciinnii worganoon, bi yaafee kexoochaanoo corootooniye.

Shaahiyoo 13:20

Mullechinaꞌona tookkii shaꞌeebeeto, mullechon tunehe; tunebaani mullaalleenaꞌona nuucheebeeto, gonde iritooch dihiye.

Shaahiyoo 3:18

Biin yechitinaꞌoyich kashoon immaabeeti mixiyoommone; biin tugetinaꞌo bulli diireyemminaꞌone.

Shaahiyoo 8:34

Ta waanee waayeebeeti asho, qemi qemona ta kellooch daneebeeti, ta kellee gaꞌooch taan quyeebeeto, diireetone.

Shoosho 5:19

Doono Yeero, ne, bulli yemeenoon taatemmo neene; ne taatee qeeno shiijjeroo bulliich manjoone.

Luqaasi 10:39

Biichoo Maariyami getteebeeti manee beetine. Maariyami Yesuusichi baatooch kotaachaa bi gettii beeton waayaa beehan.

Luqaasi 14:25

Dofee asheenaꞌo Yesuusina tookkii hammii boonoshi beetaa, Yesuusi boonoshi waan guuddii wotteꞌi ishichiye:

Luqaasi 15:20

“Bekkech tiyiꞌi bi nihoo waan hammiye; batt wohooch bi beetaa, bi nihoo ciinniꞌi oogichii ariqqehe; woccii hammii bi qettoona tiqqeꞌi shummiye.

Luqaasi 19:5

Bi kechitoyee gubb Yesuusi are caaree michi gaꞌooch shaggiichii kaama ciinniꞌi, “Zakiyooso, kaateree kindibe. Hanaach ne kexooch taan heechiyemmi mooyo beetone” iye.

Luqaasi 22:61

Doono Yesuusiyoo gubb wotteꞌi Pheexiroosin ciinniye; wotta “Hanaach baakkoo kuukkaahaa, keejje wottoon taan nookkemmo neene” iꞌi Doono Yesuusi biich gettiti qaaro bi mullooch tipphimiye.

Luqaasi 8:38

Yesuusi hamma bi tiyimmona, yinneenaꞌon bi toommoochee bi yookkiti uro “Neenna tookki beebona” iꞌi qollehe. Tunebaani Yesuusi

Yowannisi 1:37

Gutte bi dabbeenaꞌo Yowannisi ishichoon waayeꞌi Yesuusin dabbii hammiyeete.

Yowannisi 1:39

Yesuusi boonoshin “Waaree beegote” iye. Boonoshiyoo hammiꞌi bi beeti xaaꞌoon beeggiyeete. Arooba boonoshi hammito aashire saati bedoochiye. Bi waanoo xumeheete.

Yowannisi 1:49

Naatinaꞌeeli wochiꞌi, “Dojjechocho, ne Yeerichi Bushoo neene! Ne Israꞌeelee taatoo neene!” iye.

Yowannisi 12:21

Boonoshiyoo Galiilee showooch beeti Beetisayidechi Filipphoos waan giddeꞌi, “No doonocho, Yesuusin beegga qaawaabeeto noone” iyeete.

Yowannisi 18:4

Arooba Yesuusi bi toommooch woyemmi mooyo bullin ariiꞌi kechii, “Koniniye ittoshi qaawiibeeto?” iꞌi echehe.

Yowannisi 18:7

Wochinnoon Yesuusi “Koniniye ittoshi qaawiibeeto?” iꞌi echehe. Boonoshiyoo “Naazireetechi Yesuusiniye” iyeete.

Yowannisi 3:2

Biyoo xumoona Yesuus waan waaꞌi, “Dojjechocho, Yeeri biinna tookkii tunetoyee damba, ne tuniibeeti hini worganikkiti malleteenaꞌon tuniyoon koniyoona hakkaache. Ebich dojjecho tunaꞌa Yeer waanee ne womon ariibeeto noone” iye.

Yowannisi 3:26

Hini bi dabbeenaꞌo Yowannis waan waaꞌi, “Dojjechocho, Yoordaanoosi aachee beqach neenna tookkii beebee echeto, newoo biichon ne miixeto, ebiyoche, asheenaꞌon aacona afaallii beetone; asho bulli bi waan hammii beetone” iyeete.

Yowannisi 4:31

Ebi tunee beetaa, bi dabbeenaꞌo “Dojjechocho, maayoon mame” iꞌi ataalliyeete.

Yowannisi 6:25

Asheenaꞌo baharoyee beqach Qifirinaahaa Yesuusin daneꞌi, “Dojjechocho, hiniich ne waato aatoobane?” iyeete.

Mishiraachechinaꞌo 10:21

Aroochee Pheexiroosi tiyii asheenaꞌo waan kindiꞌi, “Ittoshi qaawiibeeti uro taane. Ittoshi waato, amoyichiye?” iye.

Mishiraachechinaꞌo 10:29

Ebich ittoshi wochoyich ta mulloon guttiyaanoon, ittoshi waan waato taane. Andoo amoyich taan ittoshi ceeggiito gaata ittoshin echehoye” iye.

Ruuti 1:16

Ruuti wochaꞌa, “Ne hammemmooch hammemmi taane; ne qeyemmooch qeyemmi taane; neyee bariree ta wottemmoyich qiicceyaahine. Ne asho ta asho, ne Nuggishoo ta Nuggishoo tunemmone;