Yowannisi 1:34 - Kafa Linguistics Project

³⁴ Tawoo ebin ta aafoona beeggeto taane; biyoo Yeerichi Bushoo bi tunoon miixeto taane” iye.

Yowannisi 1:34 ပူးပေါင်းရင်းမြစ်များ

Shoddo 2:7

Doono Yeerichi getoon awaajjemmo taane; biyoo taach ishichitone: “Ne, ta bushoo neene; hanaach neen shiyeto taane.

Maatiyoosi 11:27

Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.

Maatiyoosi 16:16

Simoon Pheexiroosi tiyiꞌi, “Ne Kiristoosi, beeyechi Yeerichi Bushoo neene” iye.

Maatiyoosi 17:5

Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.

Maatiyoosi 26:63

Tunetaa Yesuusi cikkii qajjiye. Wotta qeeshee guudo “Ne Yeerichi Bushoo Kiristoosi ne gaata, nooch ne gettemmoyich beeyechi Yeerina neen yecheto taane” iye.

Maatiyoosi 27:40

“Yaafee kexon happiichi wochiree keejje qemona haggeshocho! Eke ne qelloon wodiibe! Yeerichi Bushoo ne gaata, masqalee toommoochee kindibe!” iyeete.

Maatiyoosi 27:43

Yeerin gibenetone; wotta ‘Yeerichi Bushoo taane’ itone. Illa Yeeri biin shunniibeeto bi tunegaata, and wodiibe” iyeete.

Maatiyoosi 27:54

Areegaata balle ginee iraashoonaa biinna tookkii Yesuusin quyee beetinaꞌona showee qewoonaa tuneti mooyonon beeggiꞌi, “Iberoon hini uro Yeerichi Bushoone!” iꞌi oogichii shattiyeete.

Maatiyoosi 3:17

Wotta shimaayoochee “Biinna ta emiriti, ta shuni Bushoo hinine” ii beeti qaaro waayeehe.

Maatiyoosi 4:3

Arooba daabiloosi giddeꞌi, “Yeerichi Bushoo ne gaata, hini xaqqeenaꞌon ‘Koshon tunebote’ gete” iye.

Maatiyoosi 4:6

“ ‘Yeeri neen boonoshi quyemmoyich bi maraakeenaꞌon ne waan deejjemmone; ne baatoonolla xaqqo bi yexaachemmoyich, boonoshi kishoona neen tiijjemminaꞌone’ getaa Yaafe Macaafooch kooreetone. Ebich Yeerichi Bushoo ne gaata, eke, hiniichee dugilla awureeree kindibe” iye.

Maatiyoosi 8:29

Boonoshiyoo bekkech bunneꞌi, “Yeerichi Bushoocho, no mooyooch neen amo geddiye? Nallaa galloo waataan beetaa noon xuuxiiya hiniich waanne?” iibee cookiyeete.

Maariqoosi 1:1

Yeerichi Bushoo Yesuus Kiristoosichon miixeebeeti mishiraachee qaaro hinine.

Maariqoosi 1:11

Wotta shimaayoochee “Ta shuni bushoo neene; neenna emirito taane” ii beeti qaaro waayeehe.

Luqaasi 1:35

Wotta hini are maraakoo wochiꞌi ishichiye: “Yaafe Ayaano ne toommooch woyemmone; Beshoo Yeerichi giidoo ne toommooch yiiremmone; ebich wotta ne shiyemmi bushoo yaafoo getteyemmone; ‘Yeerichi Bushoo’ getteyemmone.

Yowannisi 1:18

Yeerin bi aafoona beeggito koniyoona aalloone; tunebaani bi Nihoochi sheenooch beeti ikke bi Bushoo kindiꞌi bekkiitone.

Yowannisi 1:49

Naatinaꞌeeli wochiꞌi, “Dojjechocho, ne Yeerichi Bushoo neene! Ne Israꞌeelee taatoo neene!” iye.

Yowannisi 10:30

Taannaa Nihoo Yeerina ikkoo noone” iye.

Yowannisi 10:36

‘Yeerichi Bushoo taane’ ta itoyich Nihoo Yeeri yaafiton, alemoochoo bi deejjiton ‘Naagahine’ iyote?

Yowannisi 11:27

Areyoo “Eeha, ta Doonocho, ne ‘Hini alemooch woyemmone’ getteeti Kiristoosi Yeerichi Bushoo ne tunoon iberiiti taane” iyan.

Yowannisi 19:7

Ayihudeenaꞌo wochiꞌi, “Nooch sheeroo beetone; bi qelloon Yeerichi Bushoo bi tuniitoyich, no sheeroochaa qita beddiye” iyeete.

Yowannisi 20:28

Toomaasi “Ta Doonocho, ta Nuggishoocho!” iꞌi wochiye.

Yowannisi 20:31

Tunebaani Yesuusi aroo Kiristoosi Yeerichi Bushoo bi tunoon ittoshi iberiyemmoyich, bi toommooch mulloon tooꞌiiree bi shigoona kashoon ittoshi danemmoyich, ebi kooreetone.

Yowannisi 6:69

Nowoo, Yeerichi Yaafoo ne tunoon iberiito noone; ariinoo ito noone” iye.

2 Qorontoosi 1:19

No, ebi geto Sillaasinaa taanna, Ximootiyoosiyoo, ittoshi daggooch no beehooba, Yeerichi Bushoo Yesuus Kiristoosichon ittoshich no getteto eeha ii beeti qaaroonalli, eeha iichii, wotta toonoone ii beeti gutte heciyoona toonoone.

Hibireena'o 7:3

Meleekitsedeqichi nihoonaa indeenocho, bi shiijjee yoodoochoo kooreeti mooyo aalloone; bi shiijjeti aaboonaa bi qititi aaboonon gettiibeeti mooyo kooreyaanoone; tunebaani Yeerichi Bushoona shaahiitaa bulli yemeenoon qeeshoo tuneree beeyemmone.

1 Yowannisi 2:23

Yeerichi Bushoon nookkeebeeto bullich Nihoo Yeeri aalloone; “Yesuusi Yeerichi Bushoone” iꞌi miixee beetoyich Nihoo Yeeri wotta beetone.

1 Yowannisi 3:8

Tunebaani axaaxoon shuuneebeeto daabiloosi magechone. Daabiloosi shiichoochee tiijjiꞌi axaaxoon shuunee beetone. Yeerichi Bushoo bi waato daabiloosichi shuunoon happoyichiye.

1 Yowannisi 4:9

Yeeri ikke bi Bushoon hini alemooch bi deejjito, bi Bushoo waanaa kashoon no danemmoyichiye. Ebina Yeeri noon bi shunon beeggeto noone.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.

2 Yowannisi 1:9

Kiristoosi dojjiti doyoochee kechiꞌi baroo waan hammii beetonaa manjaanoonoyich Yeeri aalloone; Kiristoosi dojjiti doyoona manjii beetoyich Nihoo Yeerinaa bi Bushoona beetinaꞌone.

Yaaꞌoo 2:18

“Tiyaxirooni kittinnee guuphi maraakoyich ishichi kooribe: Qaaqqee aaxxoon shaahiibeeti aafecho, qaaqqoona wociitaa shuuneeti gooshoochoommon wacciibeeti baatecho, Yeerichi Bushoo ishichiye: