Yowannisi 1:18 - Kafa Linguistics Project

¹⁸ Yeerin bi aafoona beeggito koniyoona aalloone; tunebaani bi Nihoochi sheenooch beeti ikke bi Bushoo kindiꞌi bekkiitone.

Yowannisi 1:18 ပူးပေါင်းရင်းမြစ်များ

Halloo 16:13

Haggaariyoo, “Iberoon taan beeggiibeeti Yeerin ta aafoona beeggaꞌa, kashoona beehote?” iyaa, biinna yibbaateti Doono Yeerin “El Rooꞌi” iyan.

Halloo 18:33

Doono Yeeriyoo Abrahamina tookkii yibbaatoon bi ciichitoyee gubb, hammiye. Abrahamiyoo bi kexooch wottehe.

Keyo 23:21

Gaawichi elleree bi gettii beeton waayebe. Bi toommooch hukkoon shuuneyaahine. Ta shigo bi toommooch beeto bi tunetoyich, bi toommooch hukkoon ne shuunegaata, neen maaraachemmone.

Keyo 24:10

Israꞌeelee Nuggishoon beeggiyeete. Bi baatee dechiich birooba shimaayoo xalloommon xalleti, sapiiree aaxxe xaqqoochee shuuneeti, godoommi mooyo beetone.

Shaahiyoo 8:30

ebiyooba bi gaꞌoochaa shuunoyich aafo taane; qemi qemona biin emirikkaa beeho; bulli aaboon bi aafoochaanoo emiraa beeho.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Shoosho 2:12

Kochee mayeti ashochoommon katemee gommoochaa naqareebee, boonoshi indeenaꞌochi sheenoochaa maayoon, uyoonoo boonoshi indeenaꞌon echeebee, boonoshi kasho kechiye.

Haddoo 12:8

Biinna tookkaa ta yibbaateebeeto baroon baroona danaꞌa, xallalli aashoona toonoone. Doono Yeeri ta shaahoonoo beeggii beetone. Ishigaata, aabichaa aafoon kupphaꞌa ta guuno Muusi toommooch yibbaatehote?” iye.

Maatiyoosi 11:27

Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.

Luqaasi 10:22

Aree hillooch “Ta Nihoo bulli mooyon taach immitone; Nihoo Yeeriyee damba Yeerichi Bushoo taan koni ta gaata ariibeeto aalloone. Yeerichi Bushoo tayee beshetaa, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeeri koni bi gaata biin ariibeeto aalloone” iye.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 12:41

Isiyaasi ishichiꞌi bi gettito, Yesuusichi oogee yiiroon shiichiꞌi bi beeggitoyichiye; wotta Yesuusichon gettiye.

Yowannisi 13:23

Bi dabbeenaꞌo daggoochee Yesuusi shunniibeeti ikkoo Yesuusichi gaꞌooch koteꞌi beehe.

Yowannisi 14:9

Yesuusi biich ishichiye: “Haano Filipphooso, meeti aaboon neenna tookkaa koteto taane; hanaach beddaahaa taan ariyaachine? Taan beeggito Nihoo Yeerin beeggitone. Aabichaꞌa, ‘Nihoo Yeerin nooch bekkiibe’ inne?

Yowannisi 17:26

Taanoo ne shunneti shunoona bareenaꞌon boonoshi shunnemmoyich, tawoo boonoshina ta beeyemmoyich neechon boonoshich arichiito taane; battoo arichiyemmo taane” iye.

Yowannisi 17:6

“Hini alemee daggoochee taach ne immeti asheenaꞌoyich ne shigoon arichiito taane. Boonoshi neechinaꞌone; newoo taach immehine; boonoshiyoo ne getteti qaaroon ceechitinaꞌone.

Yowannisi 3:11

Iberoon neech gettoye: No arii beeton gettehone; no beeggeton miixehone; tunebaani no miixeton iberiyaachote.

Yowannisi 6:46

Yeer waanee waatoyee damba, Nihoo Yeerin beeggito koniyoona aalloone; bi ikkeeto baachiye Nihoo Yeerin beeggito.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Yibbaatoo 4:12

Aroochee Doono Yeeri qaaqqee daggooch tuneechii ittoshich bi yibbaatetaa waayehote. Ittoshich bi yibbaatee beetaa waayehote; tunebaani bi shaahoo amoommo gaata beegaano ittoshine; ittoshi waayeto, qaaroon baachiye.

Qolaasiyaasi 1:15

Kiristoosi bekkeyaani Nuggishoochi shaahiyoone; halleetinaꞌo bulliyee shiichiꞌi beeti qaabboone;

1 Ximootiyoosi 1:17

Bulli yemeenee Taatoo, aalleyaano, bekkeyaano, bi ikkeeto baach tuneti Nuggishoyich galletoonaa oogee yiiroona bulli yemeenoon tunebe. Ameena.

1 Ximootiyoosi 6:16

Bi ikkeeto baachiye qitaano; koniyoona shago hakkaani wacciibeeti bekkoochiye bi beeto; aafoona biin beeggito koniyoona aalloone; biin beego ashich hakkeyaache. Oogoonaa giidoona bulli yemeenoon biich tunebe. Ameena.

Yaasi 5:13

Yaasi Yaariki katinooch beechii, kaama ciinniꞌi, goraadoon kaaccii yechiti, bi aafooch neexeebeeti ikke uroon beeggiye. Yaasiyoo uro waan giddeꞌi, “No daggeexo neenashi, no etteenaꞌo daggeexo neene?” iꞌi echehe.

1 Yowannisi 4:12

Bi aafoona Yeerin beeggito koniyoona aalloone; tunebaani noonnaa noonna no shunegaata, Yeeri noonna tookki beeyemmone; wotta bi shuno noonna ceeno tunemmone.

1 Yowannisi 4:20

Koniyoona “Yeerin shunnaabeeto taane” iibee bi manoon bi shixigaata, koottitone; bi beeggiti bi manoon shunaano, bi beegaani Yeerin shunon aabichiree hakkehe?

1 Yowannisi 4:9

Yeeri ikke bi Bushoon hini alemooch bi deejjito, bi Bushoo waanaa kashoon no danemmoyichiye. Ebina Yeeri noon bi shunon beeggeto noone.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.