Yowannisi 1:14 - Kafa Linguistics Project

¹⁴ Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 1:14 ပူးပေါင်းရင်းမြစ်များ

Shoddo 2:7

Doono Yeerichi getoon awaajjemmo taane; biyoo taach ishichitone: “Ne, ta bushoo neene; hanaach neen shiyeto taane.

Shoddo 45:2

Ne, ashoyee beshe malletecho neene; ne noonoochee shaawi yibbaatoo kechiye; ebich Yeeri bulli yemeenoon neen diiritone.

Shoddo 85:9

Iberoochaa bi wodiyoo biin shattii beetinaꞌoyich katinoone; ebich bi oogee yiiroo no showooch ceennemmone.

Isiyaasi 40:5

Doono Yeerichi oogo bekkemmone; ebin gettito Doono Yeeri bi tunetoyich, asho bulli ikkotteree ebin beeggemmone” iye.

Isiyaasi 53:2

Ebi maddecho, shuuꞌi showooch cammon awureti, maayi colloochoommon, bi aafooch, dicciye; bi waan no ciinnemmoyich, gaawoo woyee yiiroo biich aalloone; biin no shunnemmoyich, malleto biich aalloone.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Hiziqeeli 37:27

Ta beeyi xaaꞌoo boonoshina tookki tunemmone; ta boonoshi Nuggishoon tunemmo taane; boonoshiyoo taach ta asheenaꞌon tunemminaꞌone.

Maatiyoosi 1:16

Yaaqobi Yooseefin shiyihe; Yooseefi Kiristoosi getteebeeti Yesuusin shiyeti Maariyamin shaagga maakkiiti uroone.

Luqaasi 2:11

Hanaach Daawiti Katemooch Wodiyecho ittoshich shiijjetone; biyoo Kiristoosi getteeti Doonone.

Luqaasi 2:7

Aroochaa bi qaabbe bushoonoo shiyahan. Arooba iibbeenaꞌoch kexooch boonoshi qeyemmi xaaꞌoo aalletoyich, gaggeroon buroommi qoreddoona caaccaꞌa yegillooch tokketiihan.

Luqaasi 9:32

Tunebaani Pheexiroosinaa biinna tookkii beetinaꞌona geepphirona daadeeꞌi tokketeheete; tokketoochee tiyiꞌi Yesuusichi oogee yiiroonaa biinna tookkii neexeebeeti gutte asheenaꞌonon beeggiyeete.

Yowannisi 1:1

Shiichiꞌi Qaaro beehe; hini Qaaro Yeer waan beehe; biyoo bi qelloona Yeerine.

Yowannisi 11:40

Yesuusi “ ‘Ta getteton ne iberiigaata, Yeerichi oogee yiiroon beeggemmi neene’ getaachote?” iye.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Yowannisi 14:9

Yesuusi biich ishichiye: “Haano Filipphooso, meeti aaboon neenna tookkaa koteto taane; hanaach beddaahaa taan ariyaachine? Taan beeggito Nihoo Yeerin beeggitone. Aabichaꞌa, ‘Nihoo Yeerin nooch bekkiibe’ inne?

Yowannisi 17:22

Nowoo ikkoo no tunoommon boonoshi ikkottemmoyich, taach ne immeti oogee yiiroon tawoo boonoshich immeto taane.

Yowannisi 17:24

“Ta Nihoocho, alemo halleyaan beehooba, taan ne shunnetoyich, oogee yiiroon taach immehine; hini oogee yiiroon boonoshi beeggemmoyich, ebi taach ne immeti asheenaꞌo wotta taanna tookki ta beetooch boonoshi beeyemmoyich shunnoye.

Yowannisi 18:37

Phelaaxoosi “Ishigaata, taatoo neene?” iye. Yesuusi wochiꞌi, “Taatoo ta tunoon newolla gettaa beetine. Ta, ibereechon miixeya ebich shiijjeto taane, alemoochoo waato taane. Iberoochee tuneto bulli ta qaaroon waayemmone” iye.

Yowannisi 2:11

Yesuusi hini malletoon shiichiꞌi Galiilee showooch beeti Qaani katemoochaa tuniihe; arooba bi oogee yiiroon bekkiihe. Ebich bi dabbeenaꞌo boonoshi mulloon bi toommooch tooꞌiiheete.

Yowannisi 3:16

“Mulloon bi Bushoo toommooch tooꞌiibeeto bulli, bulli yemeenee kashoon bi danemmonaa bi aalleyaachemmonoyich, Yeeri ikke bi Bushoon bi immimmi wottoon alemoon oogichii shunniye.

Yowannisi 3:18

Bi mulloon bi Bushoo toommooch tooꞌiibeeto toommooch nallaachemmone; tunetaa bi Bushoo toommooch mulloon tooꞌiyaano, ikke mixxe bi Bushoo toommooch mulloon tooꞌiyoo bi qajjitoyich, wond bi toommooch Yeeri nallitone.

Yowannisi 6:51

Shimaayoochee kinditi, kashoon immiibeeti kosho taane. Asho hini koshoochee bi maagaata, bulli yemeenoon beeyemmone. Showee toommooch beetinaꞌo kashoon boonoshi danemmoyich ta immemmi kosho ta meenone” iye.

Yowannisi 8:32

iberoonoo ariyemmo ittoshine; iberoo guuchittinoochee ittoshin kichemmone” iye.

Mishiraachechinaꞌo 13:33

Guttinnee yaafe shoddoochaa ‘Ne, ta Bushoo neene; hanaach neen shiyeto taane’ getaa bi kooreetoommon, Yeeri qitoochee Yesuusin tiijjiꞌi, hini bi gibenikkiti gibenoon boonoshi bushiishoo nooch ceechitone.

Roomi 8:3

Meeno hakkaano bi tunetoyich, sheeroo tuniyoon hakkaani mooyon Yeeri hakkiye; Yeeri axaaxoon wokkiiya, bi hajjee Bushoon axaaxechi meechi shaahoona wocheꞌi, meenon hajjiibeeti axaaxee toommooch naxoon kindiihe.

Roomi 9:5

Qaabbechinaꞌochi yareenaꞌone; eboshichi daggoochee Kiristoosi meenona shiijjeꞌi waahe; biyoo bulliyee beshoone; bulli yemeenoonoo diireeti Nuggishoone. Ameena.

1 Qorontoosi 15:47

Wonnee asho showoochee halleetone; showee ashoone. Guttinnee asho shimaayoochee kinditone.

2 Qorontoosi 12:9

Tunebaani aroo wochiꞌi, “Ta wojjoo neech beddiye; ta giidoo kupphiiree bi shuunemmo, hakka guutoo tunoonaniye” iye. Ebich Kiristoosichi giidoo ta toommooch yiiremmoyich, aabiyeenona beshiiree oogeti emiroona hakka guutoo ta tunoona geecemmo taane.

Galaati 4:4

Tunebaani Yeeri noon bi bushiishoon tuniiya iꞌi sheeroyich hajjeeꞌi beetinaꞌon biishe bi kichemmoyich, yemeeno shagiyooba bi Bushoon wochehe; wochee waa maachee waanee shiijjeꞌi sheeroyich deꞌa iibee beehe.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.

Qolaasiyaasi 1:19

Yeeri ceeni bi Nuggishittino biinna bi beeyemmoyich emiroona daaggitone;

Qolaasiyaasi 2:3

Shalligee gaannoonaa ariyee gaannoona bulli aacheeꞌi bi beeto bi waaniye.

Qolaasiyaasi 2:9

Ceeni Nuggishittino bulla Kiristoosi taheti meechi ashittinooch beetone.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

Hibireena'o 1:3

Biyoo worganikkiti Yeerichi oogee yiiree bekkoonaa bi shuriyoonochi shaahoona tuneechii, bulli mooyon giidechi bi qaaroona deggii yechitone; no axaaxoon bi xalliitoyee gubb, shimaayooch Yeerichi oogee yiiree qannooch kotehe.

Hibireena'o 1:5

Maraakeenaꞌo daggoochee konichiye Yeeri, “Ne, ta Bushoo neene; hanaach neen shiyeto taane” bi ito? Wotta konichiye, “Ta biich Nihoo tunemmo taane; biyoo taach Bushoo tunemmone” bi ito?

Hibireena'o 10:5

Ebich Kiristoosi hini alemooch woya bi iyooba Yeerich ishichitone: “Deejjoonaa buuroonon qaawaano neene; tunebaani ashittinee quumoon qanniiꞌa taach immehine.

Hibireena'o 2:11

Yaafii beetonaa yaafee beetinaꞌo bullina ikke Nihoo Yeerichi bushiisheenaꞌone; ebichi naboyich Yesuusi “ta maneenaꞌo” iꞌi ceegoyich yeelleyaanoone.

Hibireena'o 5:5

Ebiyoommon Kiristoosi wotta “Qeeshee guudo tunebona” iꞌi bi qelloon oogiyaanoone; tunebaani Yeeri biich, “Ne, ta Bushoo neene; hanaach neen shiyeto taane” iye.

1 Yowannisi 4:14

Nihoo Yeeri bi Bushoon hini alemooch beetinaꞌon Wodiyecho bi tunemmoyich wochee bi deejjoon beeggeto noone; ebich miixaabeeto noone.

1 Yowannisi 4:9

Yeeri ikke bi Bushoon hini alemooch bi deejjito, bi Bushoo waanaa kashoon no danemmoyichiye. Ebina Yeeri noon bi shunon beeggeto noone.

2 Yowannisi 1:7

“Yesuus Kiristoosi asho tuneꞌi waataanoone” ii beeti meeti muricciyechinaꞌo hini alemooch kechitinaꞌone. Ebiyoommi asho Kiristoosina koyechonaa muricciyechonane.

Yaaꞌoo 19:13

Damoona muureeti tahoon tahetone; bi shigoo Yeerichi Qaaro getteehe.

Yaaꞌoo 21:3

Aree hillooch ooge qaaro qeenoochee kechiꞌi, “Ebiyoche, Yeerichi qeyi xaaꞌoo asheenaꞌo daggooch tunetone; boonoshina tookki beeyemmone; boonoshiyoo bi asheenaꞌo tunemminaꞌone. Yeeriyoo bi qelloona boonoshina tookki tuneree boonoshi Nuggishoo tunemmone.