Yoonaasi 3:4 - Kafa Linguistics Project

⁴ Yoonaasiyoo katemee daggoona ikke qemi gommon hammiꞌi, “Aabbe qemoyee gubb, hini Nanawi katemoo tiishe aallemmone” iꞌi cookiye.

Yoonaasi 3:4 ပူးပေါင်းရင်းမြစ်များ

2 Taateenaꞌo 20:1

Ebiyooba Hiziqiyaasi biiyee mawiiꞌi qitooch beddiye. Amootsi bushoo keemechi Isiyaasi biin beegga waaꞌi, “Doono Yeeri: ‘Hini biiyoochee wodaachemmo neene; qitemmo neene. Ebich ne kexon tachibe’ itone” iye.

2 Taateenaꞌo 20:6

Ne eeni toommooch aaraa uuche naton daakkito taane; neennaa hini katemoonon Asooree taatoo kishoochee gaache wodiyemmo taane; ta oogoonaa ta guuno Daawitinoyicha getiree, hini katemoon wodiyoyich deeboon tunemmo taane” itone’ gete” iye.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Erimiyaasi 42:10

‘Ittoshi toommooch ta deebeti gonde mooyoyich ta ayinitoyich hini showooch ittoshi beegaata, ittoshi diccemmonalli ittoshi happeyemmon tuniyaache; ittoshin bechishalli ta gettemmo waaxaachemmo taane.

Yoonaasi 3:10

Yeeriyoo ebi boonoshi tuniiti mooyon beeggiye; boonoshi gonde qocoochee boonoshi wottoon beeggiye; biyoo boonoshich ariqqehe. Ebich boonoshin wuxi aalliiya bi gabiti gaboon qajjiye.

Maatiyoosi 12:41

Nallaa gallooba Nanawi katemeexi asheenaꞌo neexeree hini yemeeneexi asheenaꞌon taggemminaꞌone; ebiyoo Yoonaasi Yeerichi wochoon bi getaa waayeꞌi axaaxee gommoochee Yeer waan boonoshi wottetoyichiye. Andoo Yoonaasiyee besho hiniich beetone.

Luqaasi 11:30

Yoonaasi Nanawi katemeexi asheenaꞌoyich malletoo bi tunoommon, ebiyoommon Ashi Bushoo wotta hini yemeenee ashich malletoo tunemmone.

Luqaasi 11:32

Nanawi katemeexi asheenaꞌo nallaa gallooba neexeree hini yemeeneexi asheenaꞌon taggemminaꞌone; ebiyoo Yoonaasi Yeerichi wochoon getaa waayeꞌi, axaaxee gommoochee Yeer waan boonoshi wottetoyichiye. Ebiyoche, Yoonaasiyee besho hiniich beetone” iye.

Yibbaatoo 18:22

keemecho Doono Yeerichi shigoona getaa, are mooyo ceeno woyee iberoo tuno bi qayigaata, are mooyo Doono Yeeri ta getaani mooyone. Are keemecho aafee kupphoonane bi gettito; biin shattaahine” iye.