Yoonaasi 1:9 - Kafa Linguistics Project

⁹ Biyoo “Ta Hibiree asho taane. Baharoonaa showoonon halliti, shimaajji Nuggishoo Doono Yeerichiye ta goyinnaabeeto” iye.

Yoonaasi 1:9 ပူးပေါင်းရင်းမြစ်များ

Halloo 1:10

Yeeriyoo hini are shuuꞌi xaaꞌoon, “showoo”, ikkooch kiceeti aaconoo, “baharo” ii shigiihe. Yeeri ebi gaaweto bi tunoon ciinniꞌi emiriye.

Halloo 14:13

Aroochee muricciti ikke uro waaꞌi, tuneti mooyo bullin Hibiree asho Abraamich gettiye. Arooba Abraami beeto, Amooree asho Mamirichi goree gaꞌoochiye. Mamiri, bi maneenaꞌo Eshikoolinaa Aneerina gino tiyiyooba ikkottee gaacheyoyich, Abraamina tookkii wogoon giyiti asheenaꞌone.

Halloo 24:7

Ta nihoo kexoochee, ta shiijjee showoochee taan kichiti, ‘Hini showoon ne shiijjereenaꞌoyich immemmo taane’ ii wogee gibenikkiti shimaajji Nuggishoo Doono Yeeri, bi maraakoon ne aaf daachiyemmone; ta bushoyichoo mecheen aroochee deebemmo neene.

Halloo 39:14

bare gaddireteenaꞌon ceeggaa boonoshich ishichiyan: “Ebin beegote! Ta keno deebiti, ebi Hibiroo noon coonii beetone. Taan giidoona yeshi qeya, ta beetooch waa giyiye; tunebaani ta qaaroon oogichaꞌa uukkiyoye.

2 Taateenaꞌo 17:25

Batti batt arooch boonoshi kotehooba, Doono Yeerin shataaneenaꞌone. Doono Yeeriyoo daahereenaꞌon boonoshi daggooch deejjiye. Daahereenaꞌoo boonoshi daggoochee ikkikke asheenaꞌon wuxiyeete.

2 Taateenaꞌo 17:28

Ebina Shamaaree showoochee keccii boonoshi deebiti, ikke qeeshoo waaꞌi, Beeteel kotehe. Biyoo Doono Yeerich aabichi boonoshi shattemmo gaata boonoshich dojjiye.

Iziri 1:2

Faariisee taatoo Qiroosi ishichiye: “Shimaajji Nuggishoo Doono Yeeri showee toommooch beeti taatittino bullin taach immitone. Yihudee showooch beeti Yerusaalem yaafee kexon biich ta haggemmoyichoo taach gettitone.

Iziri 5:11

“Boonoshiyoo nooch ishichiꞌi wochiyeete: ‘No, showoonaa shimaayoonochi Nuggishoochi maddecho noone; ebi no shuunaabeeti kexo meeti yemeenoyee aaf hakkeeto, Israꞌeeleenaꞌochi ooge taatoo haggiꞌi qanniitoniye.

Nehimi 1:4

Ebi mooyon ta waayehooba, kotaachaa eeppeho; meeti aaboon muusheneho; shimaajji Nuggishoo aafooch coomaa corootaa beeho.

Nehimi 2:4

Taatoo “Ta waanee ne qollaabeeto, amooniye?” iye. Tawoo shimaajji Nuggishoo Yeer waan corootiyo.

Nehimi 9:6

Ne ikkeeto baach Doono Yeeri neene; shimaayoon, shimaayeexi shimaayoon, boonoshi daggoochoo beeto bullin, showoonaa bi toommooch beeto bullinon, baharoonaa bi daggooch beeto bullinonoo hallito neene; bullichona kashoon immaabeeto neene. Shimaayeexi halleenaꞌo bulliyoo neech goyinnee beetinaꞌone.

Iyoobi 1:9

Aroochee Sheexaanoo Doono Yeerich wochiꞌi ishichiye: “Iyoobi Doono Yeeri neech bi shattiibeeto baad cikkiiniye?

Shoddo 136:26

Shimaajji Nuggishoyich galletoon giddiibote; bulli yemeenoon shoodechone.

Keyo 1:15

Ikke areddoon Gibitsee taatoo Hibiree maacheenaꞌon yechii shiijjiibeeti, Shifiraahinaa Fuꞌaahina getteebeeti gutte genneenaꞌoyich ishichiye:

Keyo 2:13

Bi dechara wottee bi waahaa, gutte Hibireenaꞌo boonoshinaa boonoshina kaaree beetaa beeggiye. Biyoo “Amoyichiye ne hajjee xiboon ne yexxaabeeto?” iꞌi xuqqiti uroon echehe.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Mishiraachechinaꞌo 14:15

“Hini asheenaꞌote! Ebin amoyich shuunee beetote? No ittoshiyoommi asho noone. Hiniich no waato, hini duube mooyinaꞌoyich goyinnoochee shimaayoonaa showoonon, baharoonoo, boonoshi daggooch beetinaꞌo bullinoo halliti, beeyecho tuneti Yeer waan ittoshi wottemmoyich, mishiraachee qaaroon ittoshich gettaniye.

Mishiraachechinaꞌo 27:23

Ishichii ta beeto, biicho ta tuneti, biichoo ta maddaabeeti Yeeri deejjiti maraakoo yiichi xum ta gaꞌooch neexeꞌi,

Filipphisiyoosi 3:5

Ta shiijjeti shimitte qemona dokireeto, Israꞌeelee shiijjeroochee tuneto, Biiniyaami yoodo, Hibireenaꞌo daggeexi Hibiroo taane. Ayihudee sheeree doyeechon ittoshi echegaata, Farisoo taane.

Yaaꞌoo 11:13

Bekkech oogeti showee qewo tunehe; are katemeexi kexinaꞌo daggoochee aashiroochee ikke beeroo dihiye; ebi showee qewoona shabaatte hume asheenaꞌo qitiyeete; echetinaꞌoo keqqoona qeweheete; shimaajj beeti Yeerin oogiiheete.

Yaaꞌoo 15:4

Doonocho, neen shataanoonaa ne shigoon oogiyaanoona konine? Ne ikkeeto baach yaafoo neene; cadiqe ne shuunoo bullich bekketone; ebich aageteenaꞌo bulli waaree neech goyinnemminaꞌone” iyeete.

Yaaꞌoo 16:11

Boonoshi shooddetoyich, boonoshi acheexi mayo biijjii shachiritoyich shimaajji Nuggishoon naaggiyeetalli boonoshi gonde shunoon qajjii Yeer waan wotteyaaneenaꞌone.