Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yoonaasi 1:3 - Kafa Linguistics Project

3 Tunebaani Yoonaasi Doono Yeeri aafoochee maxxeya iꞌi, Tarishesh hamma tiyiye. Markaboon qaawiꞌi, baharee gashooch beeti, Yoopphi katemooch hammiye. Tarishesh hammiibeeti markaboon danehe. Doono Yeeri aafoochee maxxeya iꞌi, markabechinaꞌona tookki Tarishesh hamma gijjoon qocciꞌi markabooch giyiye.

အခန်းကိုကြည့်ပါ။ ကော်ပီ




Yoonaasi 1:3
35 ပူးပေါင်းရင်းမြစ်များ  

Showoo xumemmona, Nuggishoo Doono Yeeri becheeti michi daggooch shaꞌeebeeti, bi shaꞌee qaaroon waayeheete. Ebich Addaaminaa bi mecheena Nuggishoo Doono Yeeri aafoochee becheeti michi daggooch aasheheete.


Aroochee Qayeeli Doono Yeeri aafoochee kechii hammiye. Eden beeti mixinaꞌoochaa aabi-keyo waan beeti, Noodee showooch hammii kotehe.


Eliyaasiyoo shattiꞌi bi kasheen wodiyoyich, Yihudee showooch beeti Beershaab tiyii hammiye; bi aafee bushoon arooch echiihe.


Arooch beeti xaqqee gofooch shaggiꞌi, arooch qeyiye. Aroochee Doono Yeeri biich, “Eliyaaso, hiniich amooniye ne hallaa beeto?” iye.


“Andoo ta doono ne, ne gettetoommon teepphoon, sheqoon, woyinee uyoonaa zayitoonon ne guuno nooch deejjibe.


Nowoo ne qaawimmi wottoon mixon Libanoosi guudoochee kuxi cuyiree, baharee toommona deebi, Yoopphi katemooch beddaahaa bi shaggemmoyich tuniyemmo noone. Ebina newoo Yerusaalem bi hammemmoyich tuniyemmo neene” iye.


Taatoyich Kiraamichi asheenaꞌona tookkii Tarisheshee showooch hammiibeeti markabeenaꞌo beetinaꞌone. Ebi markabeenaꞌo keejj keejje natooch ikke wottoon, aachoon, birewoon, dangeyi gashoon, shakkoonaa sheexxoonon deebii beeheete.


Aroochee xaqqoon xarii tachii beetinaꞌonaa anaaxeenaꞌonoyich gijjoon immiyeete. Faariisee taatoo Qiroosi daaggitoommon, yigee mixon Libanoosee showoochee baharoona Yooppha boonoshi deebemmoyich, Sidoonee asheenaꞌonaa Xiroosee asheenaꞌonoyich maayoon, uyoonaa zayitoonon immiyeete.


Doono Yeeriyoo Sheexaanoyich, “Eke tunebe; biich beeto bulli ne kishoochiye. Tunebaani bi achooch baach shaggaahine” iye. Aroochee Sheexaanoo Doono Yeeri aafoochee kechii hammiye.


Aroochee Sheexaanoo Doono Yeeri aafoochee kechii hammiꞌi Iyoobin bi baatee madoochee tiijjiꞌi bi shimbooch beddaahaa shajjiriibeeti mayona yexxiye.


Ikkikkeenaꞌo baharee toommona markaboona hammiyeete; boonoshi shuunoonoo aroochaa shuuneheete.


Tarisheshi markabeenaꞌo bullinaa mallet gaawe aachi gooneenaꞌo bullinon bi aalliyemmi aabo beetone.


Xiroosichon Doono Yeer waanee getteeti wocho ebine: Tarisheshi markabeenaꞌote, eefote. Xiroosi tiishetine; bi kexonaa markabo neexee xaaꞌoona tiishee aalletone; Qoophiroosaa ittoshi waayemmi woroo ebine.


Tarisheshi asheenaꞌote, ittoshich bajjemmo aallo bi tunetoyich, Abbaayi aacochoommon ittoshi showooch tahee bullebote.


Buure showooch beetinaꞌote, woowo geti eefote; Tarisheshoo kimbote.


Tarisheshinaa woheexi buure showee gashoonoochee tiyii ne asheenaꞌon deebiibeeti markabeenaꞌone. Aageteenaꞌo bulli bi asheenaꞌon oogiyemmoyich tuniiti, Israꞌeeleenaꞌochi Yaafoo tuneti Doono Yeerichi shigoon oogiya, birewoonaa aachoonon neech deebii beetinaꞌone.


Qicceti birewoo Tarisheshee, aachoo Ufaazee waahe. Eboshiyoo shuunee ariyechonaa aachee ukkechonochi shuuneenaꞌone; boonoshi taho shimaayitoonaa dameroonane; bulliyona ariyechochi shuuneenaꞌone.


“Ashi bushoocho, ta gettaa beeton waayebe; ebi hukkechi asheenaꞌochoommon hukkechon tuneyaahine; ne kookkoon gaxxibe; ta immaa beeton mame” iye.


“ ‘Ne gaannee woddoochee tiyitona, Tarisheshee asheenaꞌo neenna tookkii giixee beeheete; birewoonaa xuuroonon, shombeqoonaa budoonon deebii bare qiicoona shaddii beeheete.


Ayaano taan kaama tiijjiꞌi daammiye; tawoo caammeyoona, ippee gaameyoonoo hammo; Doono Yeerichi giidoo ta toommooch kupphehe.


Markabechinaꞌo oogeton keqqiyeete. Biinoo “Ebin aabichaa tuniinne?” iyeete. Ebiyoo Yoonaasi boonoshich getaa Doono Yeeri aafoochee maxxeebeeto bi tunoon boonoshi ariitoyichiye.


Doono Yeer waan ishichiꞌi corootiye: “Doono Yeero, ta showooch beechaa, ta getteto ebin toone? Kaataꞌa Tarishesh maxxiya ta tiyeto, ebichiye. Ne, ariqqechonaa deꞌe Nuggishoona, kaaroyich nibbecho, wodde shoodechonaa maarechona, naxoon kindiyoochee qajjaa wottaabeetoo ne tunoon ariito taane.


Tunetaa Yesuusi “Koniyoona gattee kashoon yechii gochiibee, gubb beeton ciinna wuuqqeechii gochiibeeto Yeerichi taatittineyich gaaccemmi asho toonoone” iye.


Tunetaa Phawuloosi boonoshina tookkii bi hamon shunaanoone. Ebiyoo ebiyee aaf Maariqoosi boonoshiyee bariꞌi Fenfulee showooch bi echetoyich, shuunoonoo boonoshina tookkii shuunoon bi qajjitoyichiye.


“Illa Taatoo Agrippho, shimaayoochee taach bekketi yaaꞌoon qajje getaano taane.


Arooba Yoopphi katemooch Xaabbiti getteebeeti, ikke Yesuusichi dabbee beehan. Bi shigo Giriikee noonoona Doriqi getteehe. Areyoo bulli aaboon deꞌe mooyon shuunaabee, iriteetinaꞌon gaachaabee beehan.


Liidi Yoopphi katemoyich katino bi tunetoyich Yooppha beeti Yesuusichi asheenaꞌo Pheexiroosi Liida bi beemon waayeꞌi, gutte asheenaꞌon wochee daachiiꞌi kaate boonoshi waan bi woyemmoyich Pheexiroosin qolleheete.


Ebiyee gubb, Yooppha beetinaꞌo bullich hini mooyo waayeehe. Ebina meeti asheenaꞌo boonoshi mulloon Doono Yesuusi toommooch tooꞌiiheete.


Pheexiroosiyoo Yooppha Simooni getteebeeti, gooqqoon quccechi ikke uroona tookkii meeti aaboon kotehe.


Mishiraachee qaaroon geto taach icheti echeyaani mooyone. Ebich ta geecemmi mooyo taach aalloone; mishiraachee qaaroon geto ta qayigaata, taach woowo!


Ebiyoommi asheenaꞌo Doono Yesuusi aafoochee, bi giidee oogee yiiroocheenoo bariree bulli yemeenee aalloona xuuxemminaꞌone.


Mejarikooninaa Rakooninane; wotta Yoopphi katemee guudooch beeti showoonoo geddiꞌiniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ