Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yoꞌeeli 3:8 - Kafa Linguistics Project

8 Ittoshi anaami bushiishoonaa maache bushiishoona Yihudee asheenaꞌoyich beshiitaa boonoshi kechemmoyich tuniyemmo taane. Boonoshiyoo wohooch beeti Sheebee asheenaꞌoyich kemmemminaꞌone. Ebin getteto Doono Yeeri taane.

အခန်းကိုကြည့်ပါ။ ကော်ပီ




Yoꞌeeli 3:8
12 ပူးပေါင်းရင်းမြစ်များ  

Sheebee asheenaꞌo waa kochiꞌi, gijjeenaꞌon boggii daammiyeete. Shuunechinaꞌonoo goraadoona wuxiyeete. Ta ikkeeto baach muriccaꞌa ebin neech getta waahoye” iye.


Tarisheshinaa buure showeenaꞌonochi taateenaꞌo biich gibiroon qoceete; Sheebinaa Arabinochi taateenaꞌo wojjoon deebeete.


Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.


“Ebich neen qooxxito bulli qoochemmone; ne etteenaꞌo bulla boonoshi ikkikkoona kecaa hammemminaꞌone; neen boshetinaꞌo bosheyemminaꞌone; neen boggitinaꞌo bokkemminaꞌone.


Amoyich ixaano Sheebee showoochee, gaawe cinnechi shitto wohi showoochee, taach waahe? Micciibeeti ittoshi deejjoon deꞌaachemmo taane; bare ittoshi deejjoo taan emirikkaanoone” iye.


“Buraaqiibeeti asheenaꞌochi qaaro boonoshi guudoona beetone; barahoochee waati mashechinaꞌo boonoshina tookkii beetinaꞌone; ebi mashechinaꞌo boonoshi kishooch shagaamoon, boonoshi qelloochoo gaawe gubbichoon geddiyeete.


Sheebinaa Dedaanina, Tarisheshee giixechinaꞌonaa bi gafeenaꞌo bullina neech ishichemminaꞌone: “Kecoon daamma waanne? Bogoon ne boggemmoyich, birewoonaa aachoonon daamoyich, gaare gijjoonaa qiicoonon wodde kecoon daamoyich, meeti ne asheenaꞌon kicinne?” gettemminaꞌone, itone’ gete.


Ikke ginee naayo hume Israꞌeelee ginee naayinaꞌon yookkiye; gutte ginee naayinaꞌo wotta aashire hume Israꞌeelee ginee naayinaꞌon kochii wochiyeete. Ebiyoo bi tuneto, boonoshi Xaqqee Inderoo boonoshin bi duppitoyichiye; Doono Yeeri boonoshin bi qajjitoyichiye.


Ebina Doono Yeeri kaaro Israꞌeeleenaꞌo toommooch cufiye; biyoo boggemmi bokkeenaꞌo kishooch boonoshin beshiiꞌi immiye. Boonoshi guudoona beeti boonoshi etteenaꞌo kishooch boonoshin beshiiꞌi immiye. Ebich boonoshi etteenaꞌo aafooch kuppheꞌi neexoon mawiiheete.


Ebich Doono Yeeri boonoshin Hatsoori katemoochaa tuneꞌi qeejjiibeeti Kanaanee taatoo Yabiinichi kishooch beshiiꞌi immiye. Yabiinichi ginee iraashoo, bi beeyi xaaꞌoon Harosheet Hagoyimi katemooch tuniiti Siseerine.


Diibooriyoo biich “Tunebe; neenna tookki hammemmi taane. Tunebaani ebi tunegaata, Doono Yeeri Siseerin maachee kishooch beshiiree immemmo bi tunetoyich, ebi mooyona neech oogo daneyaachemmone” iyan. Ebina Diiboori Baraaqina tookkaa Qedeesh tiyaa hammahan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ