Yoꞌeeli 3:17 - Kafa Linguistics Project

¹⁷ “Arooba, yaafeeti Tsiyooni ta geppooch beeti, ittoshi Nuggishoo Doono Yeeri ta tunoon ariyemmo ittoshine. Ebiyooba Yerusaalemi yaafeeti tunemmine; dallaaweenaꞌo biin koyi wochaachemminaꞌone.

Yoꞌeeli 3:17 ပူးပေါင်းရင်းမြစ်များ

Iyoobi 15:19

Showoo boonoshich baach ichetone; bare showee asheenaꞌo boonoshi daggooch giyaaneenaꞌone.

Shoddo 76:2

Bi kexon Saalem, bi beeyi xaaꞌoon Tsiyoon tuniihe.

Shoddo 9:11

Tsiyoon beeti Doono Yeerich galletee shoddoon shoddebote; bi shuunoon macceenaꞌo daggooch yibbaatebote.

Keyo 16:12

“Israꞌeeleenaꞌo guruuxiti guruuxoon waayeto taane. Ebin boonoshich gete: ‘Mayi xum, aabe gimooch, meenon maayemmo ittoshine; bi dechara maaddoona koshon maa michemmo ittoshine; ebina ittoshi Nuggishoo Doono Yeeri ta tunoon ariyemmo ittoshine’ gete” iye.

Isiyaasi 11:9

Yaafeeti ta guudo bulliichaa qaaꞌi iritoon, woyee aalloon shakkiyaachemminaꞌone; aacoo baharooch ceenoommon, showoo bulli Doono Yeerin ariyoona ceennemmone.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 35:8

Arooch gommo kechemmone; ebiyoo Yaafee Gommo getteyemmone; xalleyaaneenaꞌo aroona besheyaachemminaꞌone; aroona hammemminaꞌo Yeer asheenaꞌo baachiye; tuusheenaꞌo aroona hamaachemminaꞌone.

Isiyaasi 4:3

Tsiyoon echetinaꞌo, Yerusaalem beetinaꞌo, kashoona boonoshi beeyemmoyich kobereetinaꞌo bulli, yaafeetinaꞌo getteyemminaꞌone.

Isiyaasi 46:13

Ta cadiqoon deebaabeeto taane; ebiyoo woho toonoone; ta wodiyoo yagaachemmone; Tsiyoonin wodiyemmo taane; ta oogoonoo Israꞌeelich immemmo taane” iye.

Isiyaasi 52:1

Tsiyoone, tibe, tibe! Giidoon tahoochoommon tahebe. Yaafeeti katemee Yerusaaleme, kitte ne tahoon tahebe. Ebiyee bekk dokireyaanoonaa eeꞌoona, ne waan giyaachemmone.

Isiyaasi 56:7

“Yaafeeti ta guudooch boonoshin deebemmo taane; ta corootee kexoochaa boonoshin emirikkemmo taane; ta deejjee gudee toommoochaa boonoshi giddiibeeti micciibeeti deejjoonaa bare deejjoonon deqqemmo taane; ebiyoo ta kexo asheenaꞌo bullich corootee kexo getteyemmo bi tunetoyichiye” iye.

Erimiyaasi 31:23

Israꞌeelee Nuggishoo Beshe Mawe Doono Yeeri ishichiye: “Boonoshi kecoon ta wochiyooba, Yihudee showoonaa bi katemoo bullinoochaa, ‘Cadiqee beemi xaaꞌoocho! Yaafee geppoocho! Doono Yeeri neen diiribe’ wochinnoon getteyemmone.

Erimiyaasi 31:40

Dubenee bamboo bulli, tulloo duppeebeeti bamboo bulli, Qedirooni aacooch beddaahaa, aabi-keyo waan beeti Hareshee Kellee danooch beddaahaa beeto bulli Doono Yeeri taach yaafeeto tunemmone. Ebiyee bekk bulli aabooch Yerusaalemi waacheyaachemmine; happeyaachemmine” iye.

Hiziqeeli 20:40

Yaafeeti ta geppoochaa, Israꞌeelee genje guudoochaa Israꞌeelee maccoo bulli, hini showoochaa taach goyinnemminaꞌone; aroochaa boonoshin taacho tuniyemmo taane; aroochaa ittoshi buuroonaa ittoshi cilloonon, ittoshi kichiti yaafeeti mooyo bullinoo ittoshi waanee qaawemmo taane.

Hiziqeeli 37:6

Maqqoonaa meenonon ittoshich imiree achee gooqqoona qeremmo taane; ittoshi kashooch kashee hiinnoon giijjemmo taane; kashoonoo beeyemmo ittoshine; ta, Doono Yeeri ta tunoon ariyemmo ittoshine’ gete” iye.

Hiziqeeli 43:12

“Yaafee kechi sheeroo ebine: Guudi toommooch yaafee kechi guudoona beeti xaaꞌoo bulli oogichii yaafeeton tunemmone; yaafee kechi sheeroo ebine” iye.

Hiziqeeli 44:9

Ebich Nuggishoo Doono Yeeri ishichiye: Boonoshi mulloona, boonoshi achoonoo dokireyaani ashi showee asheenaꞌo, Israꞌeeleenaꞌo daggooch kotetinaꞌolla tunetaa ta yaafee kexooch giyaayeete.

Hiziqeeli 48:35

“Bi guude gawo aaraa shimitte hume hiroo tunemmone; are aaboochee tiijji ebi katemee shigo Doono Yeeri Arooch Beeti Katemoo getteyemmone” iye.

Daaneeli 11:45

Ogooge bi taatee duukkaaneenaꞌon baharoonaa yaafee kexo beeti geppoonochi gutte daggooch xogemmone. Tunebaani ciiroochaa aallemmone; koniyoona biin gaacheyaachemmone.

Daaneeli 9:16

No axaaxee naboonaa no qaabbechinaꞌochi xuꞌee naboona no guudoona beeti bare yoodee asheenaꞌo ne katemoo Yerusaaleminaa ne asheenaꞌonon qallayitinaꞌone. Ta Doonocho, ebich ebiyee aaf ne shuuneti cadiqee shuunoommoona, ne yaafee geppoo tuneti Yerusaalemi toommoochee ne kaaroon wochibe!

Yoꞌeeli 2:27

Israꞌeelee asho ittoshi daggooch ta beemon, Doono Yeeri ta, ittoshi Nuggishoo ta tunoon, tayee bare nuggishoo aallo bi tunoon, ariyemmo ittoshine. Ta asheenaꞌo ciroona wochinnoon yeelleyaachemminaꞌone” iye.

Yoꞌeeli 3:21

Hanaach beddaahaa ta gaacaani, xalle ashi damee nichoon kichemmo taane; Doono Yeeri ta, Tsiyoon beeyemmo taane” iye.

Mikiyaasi 4:7

Baata sheqeenaꞌon curo tuneꞌi echetinaꞌo, xukkeꞌi bare showooch hammitinaꞌonoo aricheti aagetoo tuniyemmo taane. Aroobee aaboochee tiijjiree bulli yemeenoon, Tsiyooni guudi toommoochaa boonoshi toommooch taatemmo taane” iye.

Naahoomi 1:15

Illa ebiyoche, mishiraachoon gettecho, diggee woroonoo awaajjecho, guudi toommooch shaggitone; Yihudee asheenaꞌote, baaroon baaribote; ittoshi mookketon Yeerich imbote. Gonde asheenaꞌo ciroona hidaa aalletinaꞌone; illa ittoshi showoon kocha wochinnoon waataachemminaꞌone.

Zakaariyaasi 8:3

Doono Yeeri ishichiye: “Tsiyooni katemooch wottemmo taane; Yerusaalem beeyemmo taane; Yerusaalemiyoo Gibeneeti Katemee, getaa ceekkemmine. Beshe Mawe Doono Yeeri ta guudo Yaafeeti Guudo getaa ceekkemmone” iye.

Yaaꞌoo 21:27

Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.