Yoꞌeeli 3:10 - Kafa Linguistics Project

¹⁰ Ittoshi maaneshoo goraadoon ittoshi magaadoo ginoon bi tunemmoyich qicote! Yeexere ashoo “Ta kuppho taane” gete.

Yoꞌeeli 3:10 ပူးပေါင်းရင်းမြစ်များ

2 Kiinoo 25:8

Tunebaani, ‘Koyoochaa taan kupphiyemminaꞌone’ iyaa gabaꞌa ne hamigaata, gaachee wodiyoyich woyee kochii dichoyich hakkoo beeto Doono Yeerich bi tunetoyich, Doono Yeeri ne etteenaꞌo aafooch neen dichemmone” iye.

Isiyaasi 2:4

Biyoo aageteenaꞌo daggooch nalliree, meeti asheenaꞌo daggooch beeti kaaroon aalliyemmone; boonoshiyoo, boonoshi goraadoon maaneshooch, boonoshi ginoonoo magaadooch wochiree qiccemminaꞌone. Ikke aagetoo bi goraadoon tiijjiree bare aagetoona koyeyaachemmone; aroyee gubb, ginee koyoon doyaachemminaꞌone.

Erimiyaasi 51:11

“Ittoshi shangeenaꞌon hachibote; ittoshi gaacheenaꞌonoo qanniibote; Doono Yeerichi gaboo Baabloonin aalliyooch bi tunetoyich, Meedee taateenaꞌochi mulloon shuurikkitone; ebiyoo Doono Yeeri bi yaafee kechi nichoon kichemmo bi tunetoyichiye.

Mikiyaasi 4:3

Biyoo meeti aageteenaꞌo daggooch nalliree, katinoonaa wohonooch beeti, giidechi taatee showeenaꞌo daggooch beeti kaaroon, aalliyemmone; boonoshiyoo, boonoshi goraadoon maaneshooch, boonoshi ginoonoo magaadooch wochiree qiccemminaꞌone. Ikke aagetoo bi goraadoon tiijjiree bare aagetoona koyeyaachemmone; aroyee gubb, ginee koyoon doyaachemminaꞌone.

Zakaariyaasi 12:8

Ebiyooba Doono Yeeri ta, Yerusaalemi beetinaꞌoyich deebo tunemmo taane; boonoshi daggoochee hakka guutoo Daawitiyoommi kupphoon tunemmone. Daawitichi kechi asheenaꞌo Nuggishoommon woyee ta maraakoommon tuneree asheenaꞌon yaabi qeejjemminaꞌone.

Luqaasi 13:12

Yesuusiyoo hini are ureen ciinniꞌi, “Haane, ta waan wobe” iye. Bi waammona, “Ne biiyoochee wodibe” iye.

Luqaasi 22:36

Biyoo “Ittoshich gettoye: ‘Gondeenaꞌona tookkii haddeehe’ getaa Yaafe Macaafooch kooreeto taanna ceenaanoon echeyaachemmone; ta toommooch tunemmi mooyo ceenn bedditone. Ebich and gijjee kollecho bi kolloon yeshiree hambe; shohee kojjechoo ebiyoommon wotta bi shohee kojjoon yeshiree hambe; goraado biich aallo bi kutoon kemiree kemebe” iye.