Yoꞌeeli 3:1 - Kafa Linguistics Project

¹ Doono Yeeri ishichiye: “Aroobee aaboonaa yemeenoonooch, Yihudee showoonaa Yerusaaleminochi kecoon wochemmo taane.

Yoꞌeeli 3:1 ပူးပေါင်းရင်းမြစ်များ

Shoddo 14:7

Israꞌeelin wodiyecho Tsiyoonee abo waashoo geta! Doono Yeeri bi asheenaꞌochi kecoon bi wochiyooba, Yaaqobi emiremmone; Israꞌeeli emiroona wucwuccemmone.

Shoddo 85:1

Doono Yeero, ne showoyich deꞌe mooyon tuniimmo neene; Yaaqobichi yaroon wochaꞌa gaanniimmo neene.

Shaahiyoo 1:23

Ta ciicoon waayebe; ta ayaanoon ittoshich ukkemmi taane; ta qaaroonoo ittoshi ariyemmoyich tuniyemmi taane.

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Erimiyaasi 16:15

Tunebaani ‘Israꞌeeleenaꞌon dambi-waaninaa bi yookkiti showoo bullinoochee wochii deebiti beeyechi Doono Yeeri beege’ getteyemmone; tawoo boonoshi qaabbechinaꞌoyich ta immeti boonoshi showooch boonoshin wochemmo taane” iye.

Erimiyaasi 29:14

Tawoo ittoshich danemmo taane” iye Doono Yeeri. “Ittoshi kecoon wochemmo taane; aagetoo bulliichee, ittoshin ta yookketi xaaꞌoo bulliichee wochemmo taane” iye Doono Yeeri. “Kecooch ittoshin ta daachiiti showoochee wochi deebemmo taane” iye.

Erimiyaasi 30:18

“Doono Yeeri ishichiye: Yaaqobichi duukkaanee kecoon wochemmo taane; bi beemi xaaꞌoyichoo ariqqemmo taane; katemoo wochinnoon bi xoobooch shuuneyemmone; taatee kexoo wonnee bi xaaꞌooch neexemmone.

Erimiyaasi 30:3

Ebiyoche ta asho tuneti Israꞌeeleenaꞌonaa Yihudee asheenaꞌonon ta wochemmi aabo woyemmone, iye Doono Yeeri. Boonoshi qaabbechinaꞌoyich ta immeti showooch boonoshin deebemmo taane; boonoshiyoo aroon wochinnoon hajjemminaꞌone, iye Doono Yeeri” iye.

Hiziqeeli 16:53

“ ‘Sodoominaa bi bushiisheenaꞌonochi kecoon, wottoo Shamaarinaa bi bushiisheenaꞌonochi kecoon wochemmo taane; ne hajjee kecoonoo boonoshi daggoochaa neech wochemmo taane.

Hiziqeeli 39:25

“Ebich Nuggishoo Doono Yeeri ta ishichiibeeto taane: And Yaaqobichi kecoon wochemmo taane; Israꞌeelee maccoo bullich ariqqemmo taane; yaafe ta shigoyich qanaatemmo taane.

Daaneeli 12:1

“Arooba ne asheenaꞌon quyeebeeti, giidechi maraakoo Mikaꞌeeli tiyemmone. Aroochee ne asheenaꞌo ikke aagetoon boonoshi tunetoochee tiijjiꞌi, tunee ariyaani xuuxee yemeeno tunemmone. Tunebaani arooba boonoshi shigo macaafooch kooree daneti ne asheenaꞌo bulli wodemminaꞌone.

Yoꞌeeli 2:29

Aroobee yemeenooch, guuninaꞌonaa gonneenaꞌonochi toommooch ta Ayaanoon woniyemmo taane.

Amootsi 9:14

Ta asheenaꞌo tuneti Israꞌeeleenaꞌon boonoshi showooch wochiree deebemmo taane; boonoshiyoo tiisheti katemeenaꞌon wochinnoon hagiree arooch kotemminaꞌone; woyinoon bechiree woyinee uyoon uchemminaꞌone; maayoon bechiree bi aafoon maayemminaꞌone.

Haddoo 11:29

Tunebaani Muusi biich, “Ta naboyich qaaqqaꞌaane? Doono Yeer asheenaꞌo bulli keemechinaꞌo boonoshi tunemmo gaata, Doono Yeeriyoo bi Ayaanoon boonoshi toommooch bi kindiimmo gaatoona, taach emiroone” iye.

Haddoo 12:6

Ishichiinoo iye: “Ta gettaa beeton waayebote. Ittoshi daggooch keemecho bi beegaata, Doono Yeeri ta, yaaꞌoona biich bekkaabeeto taane; gumonoo biich gettaabeeto taane.

Yibbaatoo 30:3

ne Nuggishoo Doono Yeeri neen wochinnoon gaanniyemmone; neech ariqqemmone; aageteenaꞌo bulli daggooch neen bi shaccitoochee, wochiree neen kicemmone.