Yoꞌeeli 2:26 - Kafa Linguistics Project

²⁶ Ittoshi qettee wottoon maaree michemmo ittoshine; ittoshich worganikkiti shuunoon shuuneti, ittoshi Nuggishoo Doono Yeeri taan galletemmo ittoshine. Ta asheenaꞌo ciroona wochinnoon yeelleyaachemminaꞌone.

Yoꞌeeli 2:26 ပူးပေါင်းရင်းမြစ်များ

Halloo 33:11

Yeeri bi deꞌittinoona taach qaawiibeeto bullin ceechiꞌi immitone. Doogena neech ta giddiiti mattaayoon deꞌe” iye. Yaaqobi qollee iritiitaa, Esayi ebi mattaayoon deqqiye.

Nehimi 9:25

Xaqqee uxerechi katemeenaꞌonaa qeemi showoonon kochii yechiyeete; gaawe qiicoona ceenniti kexinaꞌon, iicheti aachi oppeenaꞌon, woyinee goyoonaa zayitee mixonon, wotta aafeebeeti wodde mixon deqqiyeete; boonoshi michimmi wottoon maaheete; aangiyeete; oogeti ne deꞌittinoona emiriyeete.

Shoddo 103:5

booyochoommon ne gurimaashittino bi andiremmoyich, gaawe mooyon imona ne qaatoon ceechiibeeto, biine.

Shoddo 116:7

Doono Yeeri neech bi gaawetoyich, ta kasheene, ne tooꞌi xaaꞌooch wottebe.

Shoddo 13:6

Taach deꞌo bi tunetoyich, Doono Yeerich shoddemmo taane.

Shoddo 22:26

Girechinaꞌo maaree michemminaꞌone; Doono Yeerin qaawii beetinaꞌo biin galletemminaꞌone; ittoshi mullo bulli yemeenoon emiroona beebe.

Shoddo 37:19

Gonde yemeenooba yeelleyaachemminaꞌone; shaacee yemeenooboo michemminaꞌone.

Shoddo 67:5

Yeero, macceenaꞌo neen galletebeete; macceenaꞌo bulli neen galletebeete.

Shoddo 72:18

Bi ikkeeto baach worganeeti mooyon tuniibeeti, Israꞌeelee Nuggishoo Doono Yeeri diireebe!

Shaahiyoo 13:25

Cadiqo bi qettee wottoon maahe; tunebaani gonde asho shaacaa beehe.

Solomooni 5:1

Ta manee ta woꞌeene, ta budooch waato taane; ta hareboonaa ta qimaamoonon macito taane; ta eeyon bi neechoona maato taane; ta woyinee uyoonaa ejjoonon ucheto taane. Nuucheenaꞌote, maa uyote; shunechinaꞌote, ittoshi michimmi wottoon uyote.

Isiyaasi 25:1

Doono Yeero, ne ta Nuggishoo neene; wonna wonna yameeti, worganikkiti mooyinaꞌon, gibeneyoona ne tuniitoyich, neen oogiihoye; ne shigoonoo galletehoye.

Isiyaasi 29:22

Ebich Abrahamin biishee wodiiti Doono Yeeri Yaaqobichi yareenaꞌochon ishichii beetone: “Yaaqobi ebiyee bekk yeelleyaachemmone; yeelleree ceelleyaachemmone.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Isiyaasi 49:23

Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Isiyaasi 54:4

“Yeelleyaachemmi neene, shattaahine; cooneyaachimmi neene, keqqiyaahine. Ne bushittinooba ne toommooch shaggiti yeelloon battemmi neene; xuumittinee naagoon ebiyee bekk gabaachemmi neene.

Isiyaasi 55:2

Maayo tuneyaani mooyoyich ittoshi gijjoon ittoshi shacciibeeto amoyichiye? Michiyaani mooyoyich ittoshi giidoon ittoshi ciichiibeeto amoyichiye? Ta waanee waayebote, waayebote! Gaawe mooyon mamote; awuyon mamona emiribote.

Leweenaꞌo 25:19

Showoo maayoon shakkiyemmone. Ittoshiyoo maaree michemmo ittoshine; aroochoo keqqaalloon diggoona beeyemmo ittoshine.

Leweenaꞌo 26:26

Maayoon ittoshi danemmi gommon ta kuxxetoyee gubb, aashire genneenaꞌo ikke midaadooch koshon kachiyemminaꞌone. Ebi aroon ittoshich tiishi boonoshi qoodaa maayemmo ittoshine; tunebaani miyaachemmo ittoshine.

Leweenaꞌo 26:5

Ittoshi maayo woddoochee tiyitona, maayoon ittoshi bushi beetaa, woyinee aafoon ittoshi macemmii gooroo shaggemmone; wotta woyinee aafoon ittoshi maci beetaa maayoon ittoshi shookkemmi yarimmoo shaggemmone. Maayoon miyiree maayemmo ittoshine. Ittoshi showoochoo keqqaalloon diggoona beeyemmo ittoshine.

Mikiyaasi 6:14

Maayoon maayemmo ittoshine; tunebaani miyaachemmo ittoshine; ittoshi shaacoo tooꞌaachemmone. Kicemmo ittoshine; tunebaani ittoshi kiciton wodiyoon hakkaachemmo ittoshine; ettoon daachiiree, ittoshi kotiiton bi aalliyemmoyich tuniyemmo taane.

Sofoniyaasi 3:11

Ebi arooba, ta toommooch hukkoon tiijjiꞌi ittoshi shuuneti shuunoyich yeelle beetaachemmo ittoshine. Geecoona ciixee beetinaꞌon ittoshi daggoochee aalliyemmo taane; ittoshiyoo yaafoo tuneti ta guudi toommoochaa ebiyee damba geecaachemmo ittoshine.

Zakaariyaasi 9:15

Beshe Mawe Doono Yeeri boonoshin quyemmone. Boonoshi etteenaꞌonoo aalliyemminaꞌone. Etteenaꞌochi xeppellee xaqqoon neexxemminaꞌone; woyinee uyoon uchii masheti ashichoommon cookemminaꞌone. Boonoshi etteenaꞌochi damoo, deejjee damoo saanooch ceenniꞌi ufoommon ufemmone.

Zakaariyaasi 9:17

Am shaahoon malletee gaaweheete! Arooch beeti maayoonaa woyinee uyoona, gurimaashe anaaminaꞌonaa maacheenaꞌonon uummiyemmone.

Roomi 10:11

Yaafe Macaafo “Bi toommooch mulloon tooꞌiimmo koniyoona yeelleyaachemmone” itone.

Roomi 5:5

Nooch icheti Yaafe Ayaanoona Yeeri bi shunoon no mullooch bi ceechitoyich hini gibeno noon yeelliyaache.

Yibbaatoo 11:15

Ittoshi gijjeenaꞌoyich tunemmi mocoon ittoshi showooch colliyemmone. Ittoshiyoo maa michemmo ittoshine.

Yibbaatoo 12:12

Aroochaa ittoshi anaami bushiishoonaa ittoshi maache bushiishoona tookki, ittoshi guuninaꞌonaa ittoshi gonneenaꞌona tookki, wotta boonoshi qoodeeti woyee woraashiti showoo aallo bi tunetoyich, ittoshi beeti katemeenaꞌooch koteti Lewee asheenaꞌona tookki, Doono Yeeri aafoochaa emiribote.

Yibbaatoo 12:18

Ne Nuggishoo Doono Yeeri kaaccimmi xaaꞌoochaa ne, ne anaami bushiishoonaa ne maache bushiishoona, ne guunonaa ne gonneena, ne beeti katemooch koteti Lewee asheenaꞌoo ne Nuggishoo Doono Yeeri aafoochaa maayemmo ittoshine. Ne kishoona ne shuuneti mooyo bullina ne Nuggishoo Doono Yeeri aafoochaa emiremmo neene.

Yibbaatoo 12:7

Ebi aroochaa, ittoshi Nuggishoo Doono Yeeri aafoochaa ittoshinaa ittoshi kechi asheenaꞌona maayemmo ittoshine. Ittoshi kishoona ittoshi shuuneto bullin Doono Yeeri diiritoyich ittoshi bulli oogichi emiremmo ittoshine.

Yibbaatoo 8:10

Maa miyiree, gaawe showoon neech bi immitoyich, Doono Yeerin galletemmo neene.

1 Ximootiyoosi 6:17

And hini yemeeneexi gaannechi kittinneenaꞌoyich ishichibe: “Qelloon yeepphaahote; bulli mooyon nooch ceechiꞌi bi imaa, ebina no emiremmoyich tuniibeeti Yeerin gibenebotalli, gibeneyaani gaannoon gibeniyaahote.

1 Yowannisi 2:28

Andoo ta shuni bushiisheenaꞌote! Kiristoosin no beegiyooba no shataachemmoyich, bi waahooba bi aafooch no yeelleyaachemmoyich, biinna tookkii ittoshich beeti ikkittinoona manjiree beebote.