Yoꞌeeli 2:22 - Kafa Linguistics Project

²² Kubbi cooxinaꞌote, shattaahote! Gaddeexi moceenaꞌo cammitinaꞌone; mixinaꞌo aafoon aafetinaꞌone; balaasee mixonaa woyinee qomboona woddii aafetone.

Yoꞌeeli 2:22 ပူးပေါင်းရင်းမြစ်များ

Halloo 4:12

Showoon ne goyaa, ebiyee bekk maayoon neech imaachemmone. Showee toommo bulliich ne kexon waaxi gooyi, yallyallimemmo neene” iye.

Shoddo 36:6

Ne cadiqittino ooge guudinaꞌoommone; ne dayinnetoo aachi dechi duchoommone; Doono Yeero, ashoonaa gijjoonon wodiihine.

Shoddo 65:12

Baraheexi miinji gaddo cammiye; geppeenaꞌoo emiroon taheheete.

Shoddo 65:13

Gaddeenaꞌooch bageenaꞌo ceenniyeete; bambeenaꞌoo maayo ceennitinaꞌo tuneheete; boonoshi bulliyoo ililiibee shoddeheete.

Shoddo 67:6

Showee maayoon immahane; no Nuggishoo Yeeri noon diiriye.

Isiyaasi 51:3

Doono Yeeri ta, Tsiyoonin, shokkoon echeti bi xaaꞌoonoo, goggiyemmo taane; bi barahoon Edeniyoommon, Doono Yeerichi bechee mixinaꞌo beeti xaaꞌoommonoo, tuniyemmo taane; bi waan emiroonaa wucwucona danemmone; galletee shoddo bi waanaa shoddeyemmone.

Hiziqeeli 36:30

Aageteenaꞌo daggoochaa shaacoona ittoshi cooneyaachemmoyich, ittoshi mixo aafemmonaa ittoshi maayo gaawichi shaggemmonoyich tuniyemmo taane.

Hiziqeeli 36:35

Asheenaꞌoo ‘Shokkoon echeti showoo Eden bechee xaaꞌoommon tunetone; happeeti, shokkoon echeti, aalleti katemeenaꞌo mishigechi beeyi xaaꞌoon tunetinaꞌone’ gettemminaꞌone.

Hiziqeeli 36:8

“ ‘Tunebaani Israꞌeelee guudinaꞌote, atoon atemmo ittoshine; katinoon woyemminaꞌo boonoshi tunetoyich, ta asheenaꞌo tuneti Israꞌeeleenaꞌoyich aafoon aafemmo ittoshine.

Yoonaasi 4:11

Ishigaata, qannoonaa yoochoonon barbariiꞌi ariyaani, balli hiye humoyee beshiti asheenaꞌonaa meeti gijjeenaꞌona beeti, ebi ooge katemoo Nanawich ariqqi bedaachote?” iye.

Haagi 2:16

Ikke asho “Gutte kuntaal bede maayoon danemmo taane” ii gabiibee, maayi gutooch hammiꞌi, ikke kuntaaloon baach danehe. “Balle neetiroon danemmo taane” ii gabiibee, woyino koteti sharooch hammiꞌi, aabboon baach danehe.

Zakaariyaasi 8:12

“Boonoshi maayi yaroon diggoona shookkemminaꞌone; boonoshi woyinoo aafemmone. Showoo maayoon shakkiyemmone; amiyo shimaayoochee dihemmone. Ebi bulli mooyon curo tuneꞌi echeti ta asheenaꞌo woraashemmoyich tuniyemmo taane.

1 Qorontoosi 3:7

Ebich shookketi yaroon colliiꞌi kaama eenniibeeto, Yeeriyalli, yaroon shookkito woyee aacon kittii uchito, bi halliti mooyo aalloone.