Yoꞌeeli 2:19 - Kafa Linguistics Project

¹⁹ Boonoshichoo ishichiye: “Maayoon, woyinee uyoonaa zayitoonon ittoshich immemmo taane; ittoshiyoo michemmo ittoshine. Ebiyee bekk, aageteenaꞌo daggoochaa, ittoshi cooneyemmoyich tuniyaachemmo taane.

Yoꞌeeli 2:19 ပူးပေါင်းရင်းမြစ်များ

Erimiyaasi 31:12

Waaree Tsiyooni guudoochaa emiroona shoddemminaꞌone; Doono Yeerichi deꞌittinoona, maayoon, woyinee uyoonaa zayitoonon, emmishoonaa bagee baaddoonon, bariyoonaa gidereenon daneree emiremminaꞌone. Bedditi aacon daneti bechee budiyoommon tunemminaꞌone; ebiyee bekk ayinaachemminaꞌone.

Hiziqeeli 34:29

Qeemi showoon boonoshich qanniyemmo taane; ebiyee bekk showee toommoochaa shaacoona ciireyaachemminaꞌone; ebiyee bekk aageteenaꞌona naakkeyaachemminaꞌone.

Hiziqeeli 36:15

Ebiyee bekk aageteenaꞌochi diigee qaaroon neech waayiyaachemmo taane; aageteenaꞌochi naagoon shaagaachemmi neene. Ebiyee bekk ne asheenaꞌo tepheyemmoyich tuniyaachemmi neene; Nuggishoo Doono Yeeri ta, ebin getteto taane’ gete” iye.

Hiziqeeli 36:29

Ittoshi eeꞌo bulliichee ittoshin wodiyemmo taane; maayo ittoshich bi woddemmoyich geto beshiyemmo taane; ebiyee bekk shaacoon ittoshi toommooch deebaachemmo taane.

Hiziqeeli 36:30

Aageteenaꞌo daggoochaa shaacoona ittoshi cooneyaachemmoyich, ittoshi mixo aafemmonaa ittoshi maayo gaawichi shaggemmonoyich tuniyemmo taane.

Hiziqeeli 39:29

Ta Ayaanoon Israꞌeelee macceenaꞌochi toommooch ta woniitoyich, ebiyee bekk ta aafoon boonoshiyee badd wochaachemmo taane; Nuggishoo Doono Yeeri ebin getteto taane” iye.

Hosee'i 2:15

Aroochee bi woyinee goyoon biich immemmo taane; Akoori bamboonoo gibenee kello biich tuniyemmo taane. Aroochaanoo, Gibitsee bi keyiyooba, bi bushittinee aabooba, bi tuniitoommon, taach eekkemmine.

Hosee'i 2:21

Arooba ta, shimaayoyich wochemmo taane; shimaayoo showoyich wochemmone; showoo maayoyich, woyinee uyoonaa zayitoonoyich wochemmone; boonoshiyoo Yezireelich wochemminaꞌone. Ta asheenaꞌon showee toommooch bechemmo taane; ‘Ariqqeeyaaneenaꞌo’ getteetinaꞌon ariqqemmo taane; ‘Ta asheenaꞌo toono ittoshine’ getteetinaꞌon, ‘Ta asheenaꞌote’ gettemmo taane. Boonoshiyoo ‘Ne, no Nuggishoo neene’ getteminaꞌone” iye Doono Yeeri.

Yoꞌeeli 1:10

Maayo aalletoyich, woyinee qomboo shuuqqitoyich, zayitee mixoo shuuqqitoyich, goyee budo shokko echetoyich, showoo eefehe.

Yoꞌeeli 2:24

Maayi buchi xaaꞌeenaꞌooch maayeenaꞌo ceennemminaꞌone; woyino hiicheebeeti oppeenaꞌoo woyinee uyoonaa zayitoona ceeniree aphiremminaꞌone.

Leweenaꞌo 26:5

Ittoshi maayo woddoochee tiyitona, maayoon ittoshi bushi beetaa, woyinee aafoon ittoshi macemmii gooroo shaggemmone; wotta woyinee aafoon ittoshi maci beetaa maayoon ittoshi shookkemmi yarimmoo shaggemmone. Maayoon miyiree maayemmo ittoshine. Ittoshi showoochoo keqqaalloon diggoona beeyemmo ittoshine.

Zakaariyaasi 8:12

“Boonoshi maayi yaroon diggoona shookkemminaꞌone; boonoshi woyinoo aafemmone. Showoo maayoon shakkiyemmone; amiyo shimaayoochee dihemmone. Ebi bulli mooyon curo tuneꞌi echeti ta asheenaꞌo woraashemmoyich tuniyemmo taane.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Yibbaatoo 11:14

Ebin ittoshi tuniigaata, biyoo ittoshich naawee amiyonaa yoochi amiyonon bi goori gooroona bi dichaa, maayoon, woyinoonaa zayitoonon maci kicemmo ittoshine.

Ruuti 1:6

Naꞌoomi Moꞌabee showooch beechaa, Doono Yeeri bi asheenaꞌon maayoon immiꞌi diirito bi tunoon waayahan; ebich Israꞌeelee showooch wotteree hamma bi gutte naamecheenaꞌona tookkaa tiyahan.