Yoꞌeeli 2:17 - Kafa Linguistics Project

¹⁷ Doono Yeerich maddeebeeti qeesheenaꞌo, deejjee gudoonaa yaafee kechi godoonochi gutte daggoochaa eefeete! “Doono Yeero, ne hajjee asheenaꞌoyich ariqqebe. Aageteenaꞌo ‘Boonoshi Nuggishoo aaye?’ geti boonoshi coonemmonaa hoxemmonoyich tuniyaahine” geteete.

Yoꞌeeli 2:17 ပူးပေါင်းရင်းမြစ်များ

1 Taateenaꞌo 6:3

Are kechi kelli waan beeti gaaddaafee gidoo kechi maacoona tate hiye hiroone; ebiyoo kexoyee maach aashire hiroone.

1 Taateenaꞌo 9:7

Israꞌeeleenaꞌon boonoshich ta immeti showoochee aalliyemmo taane; ta shigo arooch bi beeyemmoyich ta yaafiti, hini yaafee kexon duppemmo taane; Israꞌeeleenaꞌo asho bulli daggooch cooqqiree tocheyemminaꞌone.

2 Kiinoo 7:20

ittoshich ta immeti showoochee ittoshin waaxxemmo taane; ta shigo arooch bi beeyemmoyich ta yaafiti hini yaafee kexon duppemmo taane; aageteenaꞌo bulli ebi mooyon tochibee cooqqiremmoyich tuniyemmo taane.

2 Kiinoo 8:12

Solomooni yaafee kechi aafooch bi shuuniiti Doono Yeerichi deejjee gudooch micciibeeti deejjoon Doono Yeerich deejjiye.

Nehimi 9:36

“Ebiyoche, hanaachoo guuno tuneto noone. Aroochee daneebeeti aafoonaa gaannoonon boonoshi maayemmoyich, no qaabbechinaꞌoyich ne immeti showoochaa guuno tuneto noone.

Shoddo 115:2

Aageteenaꞌo amoyich, “Boonoshi Nuggishoo aaye?” geteeta?

Shoddo 42:10

Ta etteenaꞌo wochii wochii, “Ne Nuggishoo aaye?” iibee taan coonemmona, ta shaawusho tiishehe.

Shoddo 42:11

Ta kasheene, ne ayinaabeeto amoyichiye? Ta maacaa ne xuuxaabeeto amoyichiye? Yeerin gibenebe; taan Wodiyechonaa ta Nuggishoonon galletemmo taane.

Shoddo 42:3

Asheenaꞌo wochii wochii “Ne Nuggishoo aaye?” boonoshi immona, xumoonaa areddoonon, ta acimo taach maayoon tunehe.

Shoddo 42:4

Dofee asheenaꞌon dabbiyaꞌa, boonoshina tookkaa Yeerichi kexooch ta hamon, ililiibee galletee shoddoona baaroon no baaroon, ebi mooyon ta gabimmona ta mullo tiishehe.

Shoddo 74:10

Yeero, etteenaꞌo cooqqiremmo aati wottooniye? Bulli yemeenoon ne shigoon naagi beebeeta?

Shoddo 79:10

Aageteenaꞌo amoyich “Boonoshi Nuggishoo aaye?” geteeta? Ufeti ne guuninaꞌochi damee nichoon ne gaacon, no ciini beetaa aageteenaꞌoyich arichiibe.

Shoddo 79:4

No giyeenaꞌo noon naaggitinaꞌone; no guudoona beetinaꞌo noon coonee congetinaꞌone.

Shoddo 89:41

Aroona beshemmo bulli biin boggiye; bi giyeenaꞌonoo cooneehe.

Shoddo 89:51

Doono Yeero, ne etteenaꞌo ne huutteton naaggiyeete; bi hammimmo bulliichaa biin cooneheete.

Keyo 34:9

ishichiinoo iye: “Ta Doonocho, ne aafoochaa gidoon ta danegaata, hini asheenaꞌo babbereenaꞌo boonoshi tunetaanoona, ta Doonocho, noonna tookki hambe. No xuꞌoonaa no axaaxoonon maaribe. Ne hajjee aagetoon tuniiree noon ciine” iye.

Isiyaasi 22:12

Arooba Beshe Mawe Nuggishoo Doono Yeeri, qelloon cakke dookoon taheree, eefi ittoshi cookemmoyich ittoshin ceeggitone.

Isiyaasi 37:20

Andoo no Nuggishoo Doono Yeero, showee taateenaꞌo bullichi Nuggishoo, Doono Yeeri ne ikkeeto baach ne tunoon boonoshi ariyemmoyich, bi kishoochee noon wodiibe” iye.

Hiziqeeli 20:9

Tunebaani boonoshina tookkii beeti aageteenaꞌo aafoochaa Israꞌeeleenaꞌoyich bekkaꞌa boonoshin Gibitsee kichoyich ta gibenikkitoyich, ta shigo qallayeyaachemmoyicha iyaꞌa ta shigoyich ebin tuniyaano taane.

Hiziqeeli 8:16

Aroochee taan Doono Yeerichi yaafee kechi maaci addibaabooch deebiye; ebiyoche Doono Yeerichi yaafee kechi godooch, gaaddaafoonaa deejjee gudoonochi gutte daggooch hiyaa uucha bede asheenaꞌo beeteete; boonoshi gubboon Doono Yeerichi yaafee kexo waan, boonoshi aafoonoo aabi-keyo waan wochiꞌi aabeyich guufee goyinnee beeteete.

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Yoꞌeeli 1:13

Maayi buuroonaa woyinee uyee deejjoona, ittoshi Nuggishoochi yaafee kexoochee bi kuxetoyich, qeesheenaꞌote, dookoon taheree eefote! Deejjee gudee aafooch maddee beetinaꞌote, cooki eefote! Ta Nuggishoochi maddechinaꞌote, dookoon tahe waaree qebote!

Yoꞌeeli 1:9

Maayi buuroonaa uyee deejjoona, Doono Yeerichi yaafee kexoochee kuxetone; Doono Yeeri aafooch maddeebeeti qeesheenaꞌo eefeheete.

Amootsi 7:2

Gechoo showee toommeexi mocoo bullin maa bi ciichoon beeggaꞌa, ishichaꞌa corootiyo: “Nuggishoo Doono Yeero, boonoshin ne maaremmoyich neen qollehoye. Israꞌeeleenaꞌo hakka guuteenaꞌo boonoshi tunetoyich, ebin aabichiree hakkeheete” iyo.

Amootsi 7:5

Tawoo ishichaꞌa corootiyo: “Nuggishoo Doono Yeero, ebin tuniyaahine! Israꞌeeleenaꞌo hakka guuteenaꞌo boonoshi tunetoyich, ebin aabichiree hakkeheete” iyo.

Mikiyaasi 7:10

“Ne Nuggishoo Doono Yeeri aaye?” iti ta etteenaꞌoo beeggemminaꞌone; oogichishoo yeellemminaꞌone. Gommeexi dengo koteeyoommon boonoshi kotee beetaa, tawoo ta aafoona beeggemmo taane.

Milikiyaasi 1:9

“Qeesheenaꞌote, ebiyoommi wojjoon Yeerich giddiichi, eke ittoshich bi ariqqemmoyich qollebote. Ebi wojjoon ittoshi kishoochee deꞌiree ittoshi qolloon waayemmo ittoshich shaahii beete?” iye Beshe Mawe Doono Yeeri.

Haddoo 25:6

Aroochee Israꞌeeleenaꞌo daggoochee ikkoo, Muusinaa Israꞌeeleenaꞌo bullinochi aafooch ikke Miidiyamee asheen yechii bi xibeenaꞌo waan waahe. Areegaata, Muusinaa Israꞌeeleenaꞌo bullina danee duukkaanee kellooch eeppii beetinaꞌone.

Maatiyoosi 23:35

Ebich cadiqo tuneti Abeelichi damoochee tiijjiꞌi, yaafee kexonaa deejjee gudee gutte daggoonoochaa ittoshi wuxiti Baraakiyichi bushoo Zakaariyaasichi damooch beddaahaa, showee toommooch ufeti cadiqeenaꞌo bullichi damee naboona echeyemmo ittoshine.

Maatiyoosi 27:43

Yeerin gibenetone; wotta ‘Yeerichi Bushoo taane’ itone. Illa Yeeri biin shunniibeeto bi tunegaata, and wodiibe” iyeete.

Yibbaatoo 28:37

Doono Yeeri neen bi shacciibeeti showooch beeti aageteenaꞌo bulli ebi ne toommooch shaggiti mooyon beegiree keqqemminaꞌone. Boonoshiyoo ne mooyon tochibee ne toommooch cooqqiremminaꞌone.

Yibbaatoo 32:27

tunebaani ittoshi etteenaꞌo geecaachemmoyich, “Boonoshin kochaa wochito noani; ebin tuniito Doono Yeeri toonoone” boonoshi getaachemmoyich, ittoshi etteenaꞌochi mooyon shattoye’ iye.

Yaasi 7:9

Kanaaneenaꞌonaa hini showee daggeexi asheenaꞌo bullina ishin waayeree noon giichemminaꞌone; noon wuxi aalliyemminaꞌone. Illa ooge ne shigoyicha getiree amooniye ne tuniyemmo?” iye.