Yoꞌeeli 2:12 - Kafa Linguistics Project

¹² Doono Yeeri ishichiye: “Andoo tunetaa coomoona, eefona, muushenoona, ceeni ittoshi mulloona ta waan wottebote” iye.

Yoꞌeeli 2:12 ပူးပေါင်းရင်းမြစ်များ

2 Saameeli 24:10

Asheenaꞌo haddeyemmon bi tuniitoyee gubb, Daawit mullo biin ittibatehe. Biyoo Doono Yeerich ishichiye: “Ebi ta tuniiti mooyona oogeti axaaxoon shuuneto taane. Doono Yeero, ne guuno ta gondoon maaribe; mullaalli ashi shuunoon shuuneto taane” iye.

2 Kiinoo 30:6

Taatoochi getoommon, wocheyechinaꞌo taatoonaa iraasheenaꞌonochi koorichoon yechiꞌi, Israꞌeelee showoo bullinaa Yihudee showoo bullinooch hammiyeete. Koorichoo ishichii beetone: “Israꞌeeleenaꞌote, Asooree taateenaꞌo kishoochee muriccii echeti curo ittoshi waan bi wottemmoyich, Abrahami, Yisaaqinaa Israꞌeelinochi Nuggishoo Doono Yeer waan wottebote.

2 Kiinoo 6:27

shimaayoochaa waayebe; ne guuninaꞌochi axaaxoon, ne asheenaꞌo tuneti Israꞌeeleenaꞌochi axaaxoon maaribe; boonoshi hammemmi, kaame ne gommon boonoshich dojjibe; boonoshi iristo tuniyaꞌa ne asheenaꞌoyich ne immeti showooch amiyon dichibe.

Asteeri 4:16

“Hamiree Suusa beeti Ayihudeenaꞌo bullin ikkittinoona kicibe; taachoo coomibote; keejje areddoonaa keejje xumoonon amoonolla maayaahote; uchaahote; taannaa ta naayinaꞌo tuneti maache bushiisheenaꞌona ebiyoommon coomemmo noone. Aroyee gubb, sheeroona bacheto bi tunetaanoona, taatoo waan giyemmi taane; ta qitenoo qitibona” iyan.

Keyo 33:5

Ebiyoo Doono Yeeri Muusich “Israꞌeeleenaꞌon, ‘Ittoshi babberoo ittoshi tunetoyich, qillifee yexx bedoonona ittoshina tookkii ta hammeto gaata, ittoshin aalliyesho taane. Andoo ittoshi geddiibeeti shashoon kichibote. Ittoshi toommooch amoon ta tuniyemmo gaata maaccemmo taane’ gete” bi itoyichiye.

Isiyaasi 22:12

Arooba Beshe Mawe Nuggishoo Doono Yeeri, qelloon cakke dookoon taheree, eefi ittoshi cookemmoyich ittoshin ceeggitone.

Isiyaasi 58:4

Ittoshi coomiibeeto kaaroyich, koyoonaa hakka guutoon guriphonoyichiye. And ebi ittoshi coomii beetoommon coomibee, ittoshi qaaro damba bi waayeyemmoyich quyeyaahote.

Erimiyaasi 3:22

“Gibeneyaani bushiisheenaꞌote, ta waan wottebote; gibeneyaano tunoochee ittoshin shiwemmo taane” iye. Ebiyoche ne, no Nuggishoo Doono Yeeri ne tunetoyich, ne waan waato noone.

Erimiyaasi 36:7

Doono Yeeri hini ashi toommooch gettiti kaaroonaa naxoona oogeto bi tunetoyich, diqqich Doono Yeeri aafooch corootemminaꞌo, asho bi ikkikkoonoo bi gondoochee wottemmo tunemmone” iye.

Erimiyaasi 4:1

Doono Yeeri ishichiye: “Israꞌeelo! Ne wottemmo gaata, ta waan wottebe. Ciigiiti mooyon ta aafoochee ne wokkiigaata, yallyallimoon ne qayigaata,

Erimiyaasi 4:2

‘Beeyechi Doono Yeeri beege’ iyaꞌa iberoona, dayinnetoona, cadiqoonoo ne wogegaata, aageteenaꞌo taanna diireyemminaꞌone; taannoo yebenemminaꞌone” iye.

Hiziqeeli 33:11

‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Daaneeli 9:3

Ebich dookoon tahaa, tullee toommooch kotaꞌa, coomii, corootii, qollaabee ta aafoon ta Doono, ta Nuggishoo waan wochiyo.

Hosee'i 12:6

Ebich ne Nuggishoo Yeer waan wottebe; shunechonaa dayinnetechonon tunebe! Bulli aaboon ne Nuggishoon gibenebe!

Hosee'i 12:7

Doono Yeeri ishichiye: “Israꞌeeleenaꞌo koote machoona qocciibeeti Kanaanee asheenaꞌon shaahitinaꞌone. Tuushiyoonoo shunniyeete.

Hosee'i 14:1

Israꞌeeleenaꞌote, ittoshi axaaxee naboona ittoshi dihitoyich ittoshi Nuggishoo Doono Yeer waan wottebote!

Hosee'i 6:1

Asheenaꞌo ishichiyeete: “Ittoshi waataa Doono Yeer waan wottebone. Bi noon tiichitone; bi noon guuci wodiyemmone. Bi noon mayiitone; bi noon wodiyemmone.

Yoꞌeeli 1:13

Maayi buuroonaa woyinee uyee deejjoona, ittoshi Nuggishoochi yaafee kexoochee bi kuxetoyich, qeesheenaꞌote, dookoon taheree eefote! Deejjee gudee aafooch maddee beetinaꞌote, cooki eefote! Ta Nuggishoochi maddechinaꞌote, dookoon tahe waaree qebote!

Zakaariyaasi 7:5

“Showee asho bullinaa qeesheenaꞌonoyich ishichibe: ‘Besheti shabe natinaꞌooch, uuchinnee agenoonaa shabaattinnee agenoonooch ittoshi coomitonaa ittoshi eeppitona iberoochaa taachiye?

Milikiyaasi 1:9

“Qeesheenaꞌote, ebiyoommi wojjoon Yeerich giddiichi, eke ittoshich bi ariqqemmoyich qollebote. Ebi wojjoon ittoshi kishoochee deꞌiree ittoshi qolloon waayemmo ittoshich shaahii beete?” iye Beshe Mawe Doono Yeeri.

Mishiraachechinaꞌo 26:20

Shiichaꞌa Damaasiqa beetinaꞌoyich, gubb wotta Yerusaaleminaa Yihudee showoo bullinooch beetinaꞌoyich, wotta Aageteenaꞌoyich axaaxee gommoochee Yeer waan boonoshi wottemmonaa boonoshi wottoon bekkiibeeti shuunoon boonoshi shuunemmonoyich gettoye.

Woraaferasheenaꞌo 2:4

Doono Yeerichi maraakoo ebi mooyon Israꞌeeleenaꞌo bullich bi gettimmona, boonoshiyoo boonoshi qaaroon oogichii cookiꞌi eeppiyeete.

Woraaferasheenaꞌo 20:26

Aroochee Israꞌeeleenaꞌo bulli Beeteel hammiꞌi aroochaa eeppiyeete; Doono Yeeri aafooch koteheete; xumemmi wottoonoo coomiyeete; Doono Yeeri aafooch micciibeeti deejjoonaa ikkittinee deejjoonon giddiiheete.

1 Saameeli 7:3

Aroochee Saameeli Israꞌeeleenaꞌo bullich ishichiye: “Ibere mulloona Doono Yeer waan wottoon ittoshi qaawigaata, dallaawe nuggisheenaꞌonaa Ashitarooti misileenaꞌonon ittoshi waanee wokkiibote; ittoshi mulloonoo Doono Yeer waan wochibote; biich baach goyinne maddebote; biyoo Filsixeemeenaꞌo kishoochee ittoshin wodiyemmone” iye.

1 Saameeli 7:6

Ebich Mitsipha kiceeheete. Aacon kittiꞌi Doono Yeerich ukkii deejjiyeete. Arooboo coomiyeete. Boonoshiyoo “Doono Yeerin xuqqeto noone” iyeete. Saameeliyoo Mitsipha tuneꞌi Israꞌeeleenaꞌo mooyon nallii beehe.