Yoꞌeeli 2:11 - Kafa Linguistics Project

¹¹ Bi ginee naayinaꞌo aafoochaa, Doono Yeeri gigeebee, bi qaaroon waayiihe; bi ginee naayo mattiquttoone; ebi bi getoon ceechii beetinaꞌo giidechinaꞌone. Doono Yeerichi aabo oogeton shattii giiriitone; ebi aaboochee wodemmo konine?

Yoꞌeeli 2:11 ပူးပေါင်းရင်းမြစ်များ

Shoddo 18:14

Bi shangeenaꞌon awureꞌi bi etteenaꞌon shacciye; phaqqoo phaqqemmoyich tuniiꞌi, boonoshin shaccii aalliihe.

Shoddo 46:6

Aageteenaꞌo dulliyeete; taatittineenaꞌo dihiyeete; bi qaaroon bi waayiitaa showoo muujjiye.

Shoddo 68:18

Damba ne keyiyooba, neenna tookkii kecoon daammehine; hukkechinaꞌo waaneenolla echiyaanoon asheenaꞌo waanee wojjoon deqqehine; Nuggishoo Doono Yeeri ne, arooch beeyemmo neene.

Isiyaasi 13:4

Guudinaꞌo toommooch dofee aageteenaꞌo qaaro waayee beeton ellebote; taatee showeenaꞌoochee kiceeti, caageebeeti asheenaꞌochi qaaroon waayebote. Beshe Mawe Doono Yeeri ginechinaꞌon ginee koyooch qannii beetone.

Isiyaasi 42:13

Doono Yeeri ginee anaamochoommon kechemmone; ginee anaamochoommon kaaroona shiixxii tiyitone; cookemmone; bi qaaroon oogichi bunnemmone; bi etteenaꞌo toommooch sharemmone.

Isiyaasi 7:18

Aroobee yemeenooch Doono Yeeri Abbaayi aachi gashoochee Gibitseenaꞌon yaammochoommon, Asooreenaꞌonoo boonoshi showoochee maxochoommon shennoona ceeggemmone.

Erimiyaasi 25:30

“Ebich ne hini qaaro bullin boonoshi toommooch keembe; boonoshich ishichibe: ‘Doono Yeeri dambaa cookii beetone; yaafe bi beeyi xaaꞌoochaa bi qaaroon waayii beetone; bi bageenaꞌo toommooch oogichii cookii beetone; woyinoon hiiccii beetinaꞌochoommon, showooch beetinaꞌo bulli toommooch cookii beetone.

Erimiyaasi 30:7

Ebi aabo am shaahoon shattiihe! Ebiyoommi aabo aalloone; ebi Yaaqobichi iritee aaboone; tunebaani bi aroochee wodemmone.

Erimiyaasi 50:34

Tunebaani boonoshin Biishecho kupphoone. Bi shigoo Beshe Mawe Doono Yeerine; showoon tooꞌii kashiyoyich, boonoshi taggoon kupphii taggemmone; tunebaani Baabloonee showooch beetinaꞌon geewiyemmone.

Hiziqeeli 22:14

Neen ta naxehooba kuppheree neexoon hakkenne? Ne mochoo kupphoon hakkehe? Doono Yeeri ta getteto taane; ebinoo tuniyemmo taane.

Yoꞌeeli 1:15

Beshe Hakkechi Yeeri aalliyoon deebemmi, Doono Yeerichi aabo shaggitone. Ebi aaboyich woowo!

Yoꞌeeli 1:6

Mattiqutte gechoo, no showoon tuqqitone; ginee naayo womoommon giidoona waatone; boonoshi gasho, daaheree gashoommone; boonoshi gammo, maache daaherechoommone.

Yoꞌeeli 2:1

Doono Yeerichi aabo waa beetone; ebiyoo katinnitone. Tsiyoonaa tiroon (waaringoon) hugote! Shametoonoo Doono Yeerichi yaafe geppoochaa hugote! Yihudee showooch beetinaꞌo bulli qewebeete.

Yoꞌeeli 2:2

Ebi aabo shitirippimii mandereti aabo, quboonaa dunne manderoona tuneti aaboone. Maaddee aabo guudinaꞌooch kooyoommon giidechi meeti ginee naayo woyemmone. Wonnee tiijjiꞌi ebiyoommi mooyo bekkee ariyaanoone; ebiyee bekkoo bekkeyaachemmone.

Yoꞌeeli 2:25

Giidechi ginee naayo tuneti, shiwureebeeti gechoon, huggii aalliibeeti gechoon, gurimaashe gechoonaa temichoonon, ittoshich ta deejjiti natinaꞌooch boonoshi aalliiti maayoon, ta ittoshich qoccemmo taane.

Yoꞌeeli 2:31

Oogoonaa shattiitona tuneti, Doono Yeerichi aabo womoyee shiichi, aabe manderemmine; ageneyoo damoo tunemmine.

Yoꞌeeli 3:14

Nalloo kindemmi bamboochaa bi nallemmi, Doono Yeerichi aabo shaggitone; ebich mattiqutte asho arooch kiceetone.

Yoꞌeeli 3:16

Doono Yeeri Tsiyoonaa ciddiye; bi qaaroon oogichiꞌi cookiye. Yerusaalemaanoo gigehe. Shimaayoo, showoo shuuriye. Tunebaani Doono Yeeri bi asheenaꞌoyich shoobi xaaꞌoo tunemmone; Israꞌeeleenaꞌoyichoo mishigo tunemmone.

Amootsi 1:2

Amootsiyoo ishichiye: “Doono Yeeri Tsiyooni guudi toommoochaa daaheroochoommon ciddii beetone; Yerusaalemaa gigeebee bi qaaroon waayii beetone. Gijjoo quyeebeeti gaddeexi mocoo shoollitone; Qermeloosi guudi toommeexi mocoo shuuqqitone” iye.

Amootsi 5:18

Doono Yeerichi aaboon qaatiibeeti ittoshich woowo! Ebi aaboon ittoshi qaatiibeeto amoyichiye? Ebi aabo ittoshich manderee aaboani bekko toonoone.

Amootsi 5:20

Doono Yeerichi aabo bekko tuneyaanoon manderoo, aaxxo amolla aalli dunne manderoo toone?

Abidiyi 1:15

“Aageteenaꞌo bulli toommooch, Doono Yeeri ta, nallemmi aabo shaggitone; ne shuuneto ne toommooch shuuneyemmone; ne shuunetoommon danemmo neene.

Naahoomi 1:6

Bi kaaree aafooch neexoon hakkemmo konine? Qaaqqoo gaamoommon gaamiibeeti bi kaaroon hakkemmo konine? Bi kaaree shiixxoo qaaqqoo kindoommon kindiye; bi aafooch xaqqee guudo tiishee yiikkeehe.

Milikiyaasi 3:2

Tunebaani aroo xuuroon wociibeeti qaaqqoommo, tahoon machii xalliibeeti saamunoommo bi tunetoyich, woyemmi aaboon haaꞌiyoon hakkemmo konine? Bi bekkehoobochi neexoon hakkemmo konine?

Haddoo 24:23

Aroochee ishichiꞌi yibbaatooch giyiye: “Yeeri ebin tuniihooba, woowo, kashoona beeyemmo, konine?

1 Tasaloonqi 4:16

Yeerichi getee qaaro, maraakeenaꞌochi ukkiroo qaaro, Yeerichi tiree qaaroo waayeyemmone; arooba Doono Yesuusi bi qelloona shimaayoochee kindemmone; Kiristoosina tuneechii qititinaꞌo shiichiree tiyemminaꞌone.

Yaaꞌoo 18:8

Ebich ikke areddoon qitoo, muusheno, shaacoo tuneti naxeenaꞌo, bi toommooch shaggemminaꞌone; bi toommoochoo nallemmi Doono Yeeri giidecho bi tunetoyich, qaaqqoo biin maayemmine.

Yaaꞌoo 6:17

Shattii giiriiti boonoshi kaaree shiixxee aabo waatone; konine neexoon hakkemmo?” iyeete.