Yoꞌeeli 2:1 - Kafa Linguistics Project

¹ Doono Yeerichi aabo waa beetone; ebiyoo katinnitone. Tsiyoonaa tiroon (waaringoon) hugote! Shametoonoo Doono Yeerichi yaafe geppoochaa hugote! Yihudee showooch beetinaꞌo bulli qewebeete.

Yoꞌeeli 2:1 ပူးပေါင်းရင်းမြစ်များ

1 Kiinoo 15:28

Ebiyoommi gommona Israꞌeeleenaꞌo bulli emirii ililiibee, tiroonaa shametoonon huggiibee, qaaxilloon, giishi ximboonaa ooge ximboonon yexxii kaachiibee, Doono Yeerichi taabootoon Yerusaalem deebiyeete.

Shoddo 119:120

Ta ashittino neen shatona qewehe; ne dayinnetoon beeggaꞌa shattehoye.

Shoddo 87:1

Doono Yeeri bi katemoon yaafeeti guudi toommooch shuunetone.

Keyo 10:14

Boonoshiyoo waa Gibitsee showoo bullin tuqqiyeete; mattiquttoon tuneꞌi showoo bulliich ceenniyeete. Ebi shaahe meeti gechoo ebiyee aaf tunee ariyaanoone; gubbichoo wotta tuneyaachemmone.

Isiyaasi 13:6

Doono Yeerichi aabo katinnitoyich, eefebote; Beshe Hakkechi Yeer waanee aallo woyemmone.

Isiyaasi 13:9

Showoon shokko echiyoyich, axaaxechinaꞌon bi daggoochee aalliyoyich, maacmanjoon tuneꞌi, naxoona, kupphe kaaroona ceenniꞌi ebiyoche Doono Yeerichi aabo waa beetone.

Isiyaasi 2:12

Beshe Mawe Doono Yeeri, geecechinaꞌo bullinaa cooddii beetinaꞌo bullinon, ciixee beetinaꞌo bullinoo bi cooniyemmi aabo beetone.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Isiyaasi 66:5

Doono Yeerichi qaaroon shattii beetinaꞌote, bi qaaroon waayebote: “Ittoshin shixxiibeeti, ta shigoyich ittoshin yookkiibeeti ittoshi maneenaꞌo ‘Ittoshi emiroon no beeggemmoyich, eke Doono Yeeri bi oogoon bekkiibe’ itinaꞌone; tunebaani yeellemminaꞌo boonoshi qelloona boonoshine.

Erimiyaasi 16:10

“Ebi asheenaꞌoyich ebi qaaro bullin ne gettemmona neech: ‘Ebi bulli ooge gonde mooyon Doono Yeeri amoyich no toommooch gettiye? No xuꞌo amoone? No Nuggishoo Doono Yeeri toommooch no shuuneti axaaxoo amoone?’ gettemminaꞌone.

Erimiyaasi 16:7

Koniyoona ayiniton goggiyoyich aakkee koshon deebaachemmone; bi nihoo woyee bi indee qititoyich, goggiiya uyoon deebaachemmone.

Erimiyaasi 4:5

“Yihudee showoonaa Yerusaaleminoochaa awaajjibote! Showoo bulliichoo shametoon hugote! Oogichishoo cookibee: ‘Ittoshi waataa kiceeree manje katemeenaꞌooch wocone’ getote!

Hiziqeeli 12:23

Ebich boonoshich ishichibe: ‘Nuggishoo Doono Yeeri ishichiye: Ebi shaahiyee yibbaatoon echiyemmo taane; ebiyee bekk Israꞌeelee showoochaa getteyaachemmone’ gete. Boonoshichoo ‘Yaaꞌoo bulli ceennemmi aabo katinnitone.

Hiziqeeli 21:12

Ashi bushoocho, ebi mooyo ta asheenaꞌochi toommooch, Israꞌeelee iraasheenaꞌo bulli toommooch, bi waatoyich cookibe; woowo, gete. Eboshi ta asheenaꞌona tookkii beshiitaa goraadoyich ichetinaꞌone; ebich ne getoon qice.

Hiziqeeli 30:3

Ebi aabo katinnitone; Doono Yeerichi aabo katinnitone; ebiyoo qubee aaboone; aageteenaꞌoyichoo aallee aaboone.

Hiziqeeli 33:3

biyoo showee toommooch goraado waataa beeggiꞌi shametoon bi hugaa, asheenaꞌonoo bi meeqqeqqiitaa,

Hiziqeeli 33:6

Tunebaani qayecho goraado womon beeggiichii shametoon hugo bi qayigaata, asheenaꞌonoo meeqqeqqiyoo bi qayigaata, goraado waaꞌi ashoon bi wuxigaata, are asho bi axaaxoona qitemmone; tunebaani uroochi damoon are qayecho kishoochee qaawemmo taane’ gete.

Hiziqeeli 7:10

“Ebiyoche deco! Israꞌeeli aallee aabo shaggitone; xuꞌoonaa hukkoona woddetone; geecoo diccii oogetone.

Hiziqeeli 7:12

“Aabo waatone; deco katinnitone; nebo meetinaꞌochi toommooch bi waatoyich kemeebeeto emiraaye; kemmiibeetoo ayinaaye.

Daaneeli 6:26

Ta taatee showoo bullichi daggooch beeti asho bulli Daaneelichi Nuggishoo Yeerin bi shattemmonaa bi oogiyemmonoyich awaajjoon kichito taane. “Biyoo bulli yemeenoon beeti, beeyechi Nuggishoone; bi taatittinoon koniyoona ciroona aalliyoon hakkaanoone; bi hajjiibeetoo ciirooch beddaahaane.

Daaneeli 9:16

No axaaxee naboonaa no qaabbechinaꞌochi xuꞌee naboona no guudoona beeti bare yoodee asheenaꞌo ne katemoo Yerusaaleminaa ne asheenaꞌonon qallayitinaꞌone. Ta Doonocho, ebich ebiyee aaf ne shuuneti cadiqee shuunoommoona, ne yaafee geppoo tuneti Yerusaalemi toommoochee ne kaaroon wochibe!

Daaneeli 9:20

Tawoo corootii ta beetaa, ta axaaxoonaa ta asheenaꞌo tuneti Israꞌeeleenaꞌo axaaxoonon aannii ta beetaa, bi yaafe geppoochon ta Nuggishoo Doono Yeerin qollaabee

Hosee'i 5:8

“Gibaahaa tiroon (waaringoon), Raamaa shametoon hugote! Beet Aweenaa, ‘Biiniyaamo, ne hillooch shaggitinaꞌone’ getibee bunnebote!

Hosee'i 8:1

Doono Yeeri ishichiye: “Shametoon huge! Ta asheenaꞌo boonoshina tookkii ta giyeti wogoon boonoshi biichitoyich, ta sheeroon boonoshi shaaddetoyich, etto booyochoommon Doono Yeeri ta yaafee kexooch yoobbii waa beetone.

Yoꞌeeli 1:15

Beshe Hakkechi Yeeri aalliyoon deebemmi, Doono Yeerichi aabo shaggitone. Ebi aaboyich woowo!

Yoꞌeeli 2:11

Bi ginee naayinaꞌo aafoochaa, Doono Yeeri gigeebee, bi qaaroon waayiihe; bi ginee naayo mattiquttoone; ebi bi getoon ceechii beetinaꞌo giidechinaꞌone. Doono Yeerichi aabo oogeton shattii giiriitone; ebi aaboochee wodemmo konine?

Yoꞌeeli 2:15

Tsiyoonaa tiroon hugote! Asho coomemmoyich awaajjibote! Yaafeeti kiceyoon kicibote!

Yoꞌeeli 2:31

Oogoonaa shattiitona tuneti, Doono Yeerichi aabo womoyee shiichi, aabe manderemmine; ageneyoo damoo tunemmine.

Yoꞌeeli 3:14

Nalloo kindemmi bamboochaa bi nallemmi, Doono Yeerichi aabo shaggitone; ebich mattiqutte asho arooch kiceetone.

Yoꞌeeli 3:17

“Arooba, yaafeeti Tsiyooni ta geppooch beeti, ittoshi Nuggishoo Doono Yeeri ta tunoon ariyemmo ittoshine. Ebiyooba Yerusaalemi yaafeeti tunemmine; dallaaweenaꞌo biin koyi wochaachemminaꞌone.

Amootsi 3:6

Katemee daggooch tiroo (waaringo) hukketaa waayeechi, asheenaꞌo keqqaacheheete? Doono Yeeri daaggaanoon, gonde mooyo katemee daggooch tunehe?

Amootsi 5:18

Doono Yeerichi aaboon qaatiibeeti ittoshich woowo! Ebi aaboon ittoshi qaatiibeeto amoyichiye? Ebi aabo ittoshich manderee aaboani bekko toonoone.

Amootsi 8:2

Biyoo taan “Amootso, ebi ne ciinnaabeeti mooyo amoone?” iꞌi echehe. Tawoo “Mokkee ceeni, manjeebeeti gaangiti michi aafoone” iyo. Aroochee Doono Yeeri taach ishichiye: “Ta asheenaꞌo tuneti Israꞌeeleenaꞌoyich ciiree yemeeno shaggitone. Ebiyee gubb boonoshin maaraachemmo taane.

Abidiyi 1:15

“Aageteenaꞌo bulli toommooch, Doono Yeeri ta, nallemmi aabo shaggitone; ne shuuneto ne toommooch shuuneyemmone; ne shuunetoommon danemmo neene.

Sofoniyaasi 1:14

Shattiiti Doono Yeerichi aabo katinnitone; oogichiꞌi katinnitone; afaafineꞌi shaggitone. Ebi are aabo caammiti aabo tunemmone. Ebi arooba giidechi ginee naayo bi gibenemmon mucceree oogichi cookemmone.

Sofoniyaasi 1:16

Ebi aabo, xaqqee uxerechi katemoonaa genje dilaaloonoochaa tiree qaaroonaa ginoochaa cookeebeeti qaaroona waayeyemmi aabo tunemmone.

Sofoniyaasi 1:7

Doono Yeerichi aabo shaggitone; Nuggishoo Doono Yeeri aafooch minnakanna gettaahote! Doono Yeeri bi asheenaꞌon gijjoon deejjoommon deejjiya qanniitone; Yihudee showoon boshemmi ettoon ceeggitone.

Sofoniyaasi 3:11

Ebi arooba, ta toommooch hukkoon tiijjiꞌi ittoshi shuuneti shuunoyich yeelle beetaachemmo ittoshine. Geecoona ciixee beetinaꞌon ittoshi daggoochee aalliyemmo taane; ittoshiyoo yaafoo tuneti ta guudi toommoochaa ebiyee damba geecaachemmo ittoshine.

Zakaariyaasi 14:1

Doono Yeerichi nallee aabo waa beetone. Boggechinaꞌo ittoshi waanee boonoshi boggiton ittoshi ciini beetaa qoodeyemminaꞌone.

Zakaariyaasi 8:3

Doono Yeeri ishichiye: “Tsiyooni katemooch wottemmo taane; Yerusaalem beeyemmo taane; Yerusaalemiyoo Gibeneeti Katemee, getaa ceekkemmine. Beshe Mawe Doono Yeeri ta guudo Yaafeeti Guudo getaa ceekkemmone” iye.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Haddoo 10:2

“Birewoon qiciree, gutte tiroon shuunebe. Ebi birewoochee shuuneti tireenaꞌon, iiteenaꞌon ceegonaa kaamboon happiree boonoshi tiyemmoyich tuniyoonoyich gaachebe.

Haddoo 10:3

Gutte tireenaꞌo hukkegaata, iiteenaꞌo bulli ne waan, danee duukkaanee kellooch kiceebeete.

1 Qorontoosi 14:8

Wotta koyee malletoon arichiibeeti qaaroona tiroo (waaringo) hukkeyoo qayigaata, asho aabichireeshiye ginee koyoyich bi qannemmo?

Filipphisiyoosi 2:12

Gaawe bi daaggoon ittoshi qaawemmoyich, are bi daaggoonoo ittoshi ceechemmoyich, bulli aaboon ittoshina shuuneebeeto Yeerine. Ebich shucheti ta maneenaꞌote! Bulli aaboon ta ciicoyich ittoshi deꞌa itoommon, ittoshina tookkaa ta beetaa baach tuneyaanoon beshoon and ittoshi waanee ta wohi beetaa, ta ciicoyich deꞌa getote. Ittoshi daneti wodoo ceeno bi tunemmoyich shati qewebee kuppheree shuunebote.

1 Tasaloonqi 5:2

Doonochi aabo bi woyemmo, gaayo xumoona bi womoommon tunoon manjiiꞌi ariibeeto ittoshine.

Yaaqobi 5:8

Ittoshiyoo wotta haaꞌiibote; Doono Yesuusi woyemmi aabo katinnito bi tunetoyich kupphebote.

1 Pheexiroosi 4:7

And illa bulli moochi ciiro katinnitone. Ebich corootoon ittoshi hakkemmoyich ittoshi qelloon quyoona qaalliree beebote.

Yaaꞌoo 6:17

Shattii giiriiti boonoshi kaaree shiixxee aabo waatone; konine neexoon hakkemmo?” iyeete.