Yoꞌeeli 1:7 - Kafa Linguistics Project

⁷ No woyinee qomboon shokko echiiheete; no balaasee mixinaꞌonoo kuxxii aalliiheete; boonoshi ateenaꞌo naccemmi wottoon, gorii kichiyeete.

Yoꞌeeli 1:7 ပူးပေါင်းရင်းမြစ်များ

Shoddo 105:33

Boonoshi woyinoonaa boonoshi balaasoonon yexxiye; boonoshi showeexi mixinaꞌon tiichiye.

Keyo 10:14

Boonoshiyoo waa Gibitsee showoo bullin tuqqiyeete; mattiquttoon tuneꞌi showoo bulliich ceenniyeete. Ebi shaahe meeti gechoo ebiyee aaf tunee ariyaanoone; gubbichoo wotta tuneyaachemmone.

Keyo 10:15

Showoo bulli aaqqimmi wottoon, showoon guuppiyeete. Baderoo yexxiichaa echeton, budooch colletonaa mixooch beeti aafo bullinon hidii maa aalliiheete. Gibitsee showoo bulliich, mixooch woyee showeexi collooch, ikke waamona echeyaanoone.

Isiyaasi 24:7

Woyinee qomboo shuuqqitone; woyinee uyo aalletone; emiriibee echetinaꞌo bulli tuummitinaꞌone.

Isiyaasi 32:12

Emirikkiibeeti qeemi showoonaa woyinee budo bullinoyich, ittoshi getoon qici eefote.

Isiyaasi 5:6

Shokkoon echiyemmo taane; qepheyaachemmone; showoo ucheyaachemmone; guccinonaa angixona collemmone; amiyo dihaachemmoyich qubeenaꞌoyich gettemmo taane.

Erimiyaasi 8:13

Doono Yeeri ishichiye: “Boonoshin aalliyemmo taane; boonoshiyoo aafaalli woyinee qomboomminaꞌone; aafaalli, bi waamoo shuuqqiti balaasee mixoomminaꞌone. Ebich boonoshich ta immeto boonoshi kishoochee muriccemmone” iye.

Hosee'i 2:12

‘Ta shunechinaꞌo waanee ta daneti gatiyoone’ bi ii beeti, woyinee qomboonaa balaasee mixinaꞌonon aalliyemmo taane. Eboshinoo kubboon tuniyemmo taane. Kubbi cooxinaꞌoo maayemminaꞌone.

Yoꞌeeli 1:12

Woyinee qomboonaa balaasee mixona shuuqqitone; romaanoo, yeebbee mixo, appilo, aafeebeeti mixo bulliyoo shuuqqii qititone; ebich emiroo ashi waanee wokkitone.

Amootsi 4:9

“Wooqoonaa cindoonon deejjaꞌa ittoshi maayoon aalliihoye. Ittoshi daaddee goyoonaa woyinee goyoonon, balaasee mixonaa zayitee mixonon gechoo aalliihe. Tunebaani ta waan wotteyaano ittoshine, iye Doono Yeeri.

Imbaaqoomi 3:17

Balaasee mixo aafemmon bi qajjitaanona woyinee qombooch aafo aalletaanona zayitee mixo bi dobbetaanona budooch maayo shago qajjitaanona bago dogoochee ciiretaanona miimo maggooch aalletaanona

Milikiyaasi 3:11

Ittoshi maayoon kashingixeenaꞌo aalliyemmoyich tuniyaachemmo taane. Ittoshi goyeexi woyinee qomboo gaawichiree aafemmone.