Yoꞌeeli 1:14 - Kafa Linguistics Project

¹⁴ Asho coomemmoyich awaajjibote! Yaafeeti kiceyoon kicibote! Geeneenaꞌonoo kicibote! Yihudee asheenaꞌo bullin, ittoshi Nuggishoo Doono Yeerichi yaafee kexooch kicibote! Doono Yeer waanoo cookibote!

Yoꞌeeli 1:14 ပူးပေါင်းရင်းမြစ်များ

2 Taateenaꞌo 10:20

Aroochee Yehi, “Baꞌaaloon oogiyoyich yaafeeti kiceyee aaboon awaajjibote” iꞌi gettiye. Boonoshiyoo awaajjiyeete.

2 Kiinoo 20:13

Yihudee asheenaꞌo bulli boonoshi mecheenaꞌona, boonoshi bushiisheenaꞌonaa gaggereenaꞌona tookkii Doono Yeeri aafooch neexee beeheete.

Nehimi 8:18

Batti batti aaboochee tiijjiꞌi ciirooch beddaahaa, Iziri qemi qemona Yeerichi Sheeree Macaafoon shemmee beehe. Boonoshiyoo baaroon shabaatte qemi wottoon baariyeete; shimittinnee qemooba sheerooch bi getteetoommon, yaafeeti kiceyee aaboon tuniiheete.

Asteeri 4:16

“Hamiree Suusa beeti Ayihudeenaꞌo bullin ikkittinoona kicibe; taachoo coomibote; keejje areddoonaa keejje xumoonon amoonolla maayaahote; uchaahote; taannaa ta naayinaꞌo tuneti maache bushiisheenaꞌona ebiyoommon coomemmo noone. Aroyee gubb, sheeroona bacheto bi tunetaanoona, taatoo waan giyemmi taane; ta qitenoo qitibona” iyan.

Erimiyaasi 14:2

“Yihudee showoo eeppiye; bi katemeenaꞌoo shooddeheete; bi macceenaꞌoo showooch kotaachii muusheneheete; Yerusaalemi katemoo oogichii bunnehe.

Erimiyaasi 36:9

Yihudee taatoo Yosiyaasichi bushoo Yoyaqiimi taateti uuchinnee natoobee yiixiyinnee agenooch, Yerusaalemi katemee asho bullinaa Yihudee katemeenaꞌoochee Yerusaalem waati asheenaꞌo bullina Doono Yeeri aafooch coomoon awaajjiyeete.

Yoꞌeeli 1:2

Geeneenaꞌote, ebin waayebote! Yihudee showooch beeti bulli asheenaꞌote, ebin ellebote! Ittoshi yemeenooch tuneba ittoshi qaabbechinaꞌochi yemeenooch, ebiyoommi mooyo tunee ariihe?

Leweenaꞌo 23:36

Qemi qemona shabaatte qemi wottoon, Doono Yeeri taach micciibeeti deejjoon giddiibote. Shabaattee ciirooba taach goyinnoyich yaafeeti kiceyoon kiceebote. Maayi buuroonoo giddiibote. Shuunoon shuuneyaahote.

Yoonaasi 3:5

Arooba Nanawi asheenaꞌo Yeeri gettiton iberiiheete. Asho bulli coomemmoyich gettiyeete. Asheenaꞌo boonoshi shuuneti gondoyich ayinitinaꞌo boonoshi tunoon bekkiyoyich, oogoochee giishooch beddaahaa bulli dookoon taheheete.

Yoonaasi 3:8

Asho bullinaa gijjoo bullina dookoon tahebeete; bulliyona kupphiiree Yeer waan corootibeete; asheenaꞌo bulli boonoshi gonde qocoonaa boonoshi gonde shuunoonon qayeete.

Sofoniyaasi 2:1

Hini yeellaalli aagetee asheenaꞌote, yongo maaxxoon tiijjii daamoommon tiijjaa hamaani beechi, qaaqqoo aaxxoommon aaxxeebeeti Doono Yeeri kaaro ittoshi toommooch kindaan beetaa, Doono Yeerichi kaaree aabo shagaan beetaa, Doono Yeer waan wottebote.