Yihudi 1:3 - Kafa Linguistics Project

³ Ta shunechinaꞌote! No qoodeebeeti wodeechon ittoshich kooroyich oogeti gabee toommooch beechaa, Yeeri yaafeenaꞌoyich ikke wottoon bi immiti, shaddeyaani gibenoyich ittoshi qiiccemmoyich, ittoshin ciicciibee kooroo taach qaawiibeeto tuneꞌi bekkehe.

Yihudi 1:3 ပူးပေါင်းရင်းမြစ်များ

Nehimi 13:25

Boonoshin kaareho; uppeho; ikkikkeenaꞌonoo yexxeho; boonoshi qelloonoo shetteho; ishichaanoo iyo: “Israꞌeelee taatoo Solomooni axaaxoon bi shuuneto, ebiyoommi dallaawe maacheenaꞌochi naboona toone? Biinoommi taatoo meeti aageteenaꞌo daggooch aabiichona aalloone; biyoo bi Nuggishoona shuchetone; Yeeri Israꞌeelee showoo bulliich biin taatiitone; tunebaani dallaawe maacheenaꞌo biin muriciiꞌi axaaxooch yaabiyeete. Ittoshiyoo dallaawe maacheenaꞌon shaagona, ebi shaahe gonde mooyon ittoshi tuniyoon, no Nuggishoyichoo gibeneyee ittoshi qayon waayi beddoone? Ittoshi maache bushiisheenaꞌon boonoshi anaami bushiisheenaꞌoyich immaahote; boonoshi maache bushiisheenaꞌon ittoshi anaami bushiisheenaꞌoyichoo shaakkiyaahote; ittoshiyoo shaaggaahote” iyaꞌa Yeeri aafooch boonoshin wogiiho.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Isiyaasi 45:22

“Nuggishoo ta baachalli baroo aallo bi tunetoyich, showee tuggo bulliich beetinaꞌote, ta waan wotteree wodibote.

Erimiyaasi 9:3

“Kootoon kootoyich boonoshi heciyoon maꞌoochoommon ciixxiyeete; iberoo tuneyaanoon kooto showee toommooch taatehe; gondee gondee qeyiyeete; taanoo ariyaaneenaꞌone iye” Doono Yeeri.

Mishiraachechinaꞌo 17:3

Macaafooch kooreeton kichii gettiibee, “Kiristoosi xuuxee beegonaa qitoochee timona biich qaawiihe” iibee boonoshich manjiihe. “Ta ittoshich gettaabeeti Yesuusi aroo Kiristoosine” ii beehe.

Mishiraachechinaꞌo 18:28

Boonoshin bi gaacheto, Yesuusi aroo Kiristoosi bi tunoon Yaafe Macaafoochee manjiibee, asheenaꞌo aafooch Ayihudeenaꞌon xoobiyoonane.

Mishiraachechinaꞌo 20:27

Ebiyoo Yeerichi gaboochee amoonolla echiyaanoon bullin ittoshich ta gettetoyichiye.

Mishiraachechinaꞌo 28:28

“Illa hini Yeeri bi wodiyee wochoon Aageteenaꞌoyich bi daachiyoon ariibote; boonoshiyoo waayee beetinaꞌone” iye.

Mishiraachechinaꞌo 4:12

“Wodoo baroo koni waaneenona daneyaache; noon wodiyoon hakkemmo, asheenaꞌoyich Yeer waanee icheti shigo shimaayoyee desh baroo aalloone” iye.

Mishiraachechinaꞌo 6:7

Yeerichi qaaro gaminnii gaminnii hammiye; Yerusaalem beeti Yesuusichi dabbeenaꞌo meettii meettii waaheete. Qeesheenaꞌo daggoochee meetinaꞌo mishiraachee qaaroyich deꞌa iꞌi Yesuusi toommooch mulloon tooꞌiiheete.

Mishiraachechinaꞌo 9:13

Tunetaa Hanaani wochiꞌi, “Ta Doonocho, hini uro Yerusaalem beeti yaafeeti ne asheenaꞌo toommooch ambiche gondoon bi shuuneto gaata meeti asheenaꞌo waanee waayeto taane;

Mishiraachechinaꞌo 9:22

Tunetaa Sawuli kupphee kupphee waahe; Damaasiqa beeti Ayihudeenaꞌoyich Yesuusi aroo Kiristoosi bi tunoon xiishii arichiibee, boonoshi gettemmon muccii beehe.

1 Qorontoosi 15:3

Wotta taach icheti bulliyee beshe mishiraachee qaaroon beshii ittoshich immeto taane. Ebiyoo Yaafe Macaafooch bi kooreetoommon, Kiristoosi no axaaxoyicha iꞌi qitiye; duukkehe; Yaafe Macaafooch bi kooreetoommon, keejje qemooba qitoochee tiyiye.

Galaati 2:5

Tunetaa mishiraachee qaaree iberoo ittoshi waan manjiree bi beeyemmoyich, ciroona boonoshich deꞌa iyaꞌa hajjeyaano noone.

Galaati 3:28

Ittoshi bulli Kiristoos Yesuusina, ikkoo tuneto ittoshine. Ebich Ayihudee asho geto woyee Giriikee asho geto aalloone; guuchi yaroo geto woyee doonji yaroo geto aalloone; anaamo geto woyee maachee geto aalloone.

Galaati 6:11

Am shaahe ogooge biroona ta hajjee kishoona ta koorito gaata ciinote!

Efesooni 1:1

Yeerichi daaggoona Kiristoos Yesuusichi mishiraachecho tuneti Phawuloosi waanee, Kiristoos Yesuusina gibeneetinaꞌo tuneti Efesoon beeti yaafeenaꞌoyich:

Yibbaatoo 21:9

Ebina Doono Yeeri aafooch kaamoonaa tatoona tuneti mooyon tuniiree xalle ashi damoon ukkoona waabeeti xuꞌoon ne daggoochee wokkiyemmo neene” iye.

Yibbaatoo 9:10

Aroochee Doono Yeeri bi hajjee kishoona kooreeti gutte yalle xaqqeenaꞌon taach immiye. Iitoo kiceehooba, Doono Yeeri ebi are guudoochaa, qaaqqee daggoochaa tuneꞌi ittoshich bi gettiti mooyo bulli arooch beetone.

Filipphisiyoosi 1:1

Kiristoos Yesuusichi guuninaꞌo tuneti Phawuloosinaa Ximootiyoosina waanee, Filipphisiyoos beeti, kittinnee guuphon yaabii qeejjiibeeti geeneenaꞌonaa daaquuneenaꞌona tookkii, Kiristoos Yesuusina yaafeenaꞌo tunetinaꞌo bullich:

Filipphisiyoosi 1:27

Illa Kiristoosichi mishiraachee qaaroyich baach bedditon tuneree beebote. Ebi tunegaata, waa ittoshin ta beeggetaa woyee ittoshiyee ta wokketaa, ikke mulloona mishiraachee qaaree gibenoyich qiicceebee ikke ayaanoona manjiꞌi ittoshi neexoon waayemmo taane.

Qolaasiyaasi 1:2

Qolaasiyaas beeti, Kiristoosina yaafeetinaꞌonaa gibeneetinaꞌona tuneti maneenaꞌoyich: No Nihoo Yeeri waanee wojjoonaa diggoona ittoshich tunebe.

1 Tasaloonqi 2:2

Ittoshi waan no womoyee shiichaꞌa Filipphisiyoosaa wodde xuuxoon no beegonaa no naakkeyoonon ariibeeto ittoshine; kupphe qiicco no toommooch bi shaggitaanona, Yeeri immiti mishiraachoon ittoshich no gettemmoyich no Nuggishoo no waanee shaton bi wokkiitaa aafoon kuppheto noone.

1 Ximootiyoosi 1:18

Ta bushoo Ximootiyooso, ebiyee aaf neechon keemoona bi getteetoommon, hini wochoon neech adereto taane. Are keemoon shalligibee, kuppheree gaaweti koyoon koyebe.

1 Ximootiyoosi 6:12

Kiristoosi toommooch mullee tooꞌiyoona koniyoona qiiccee dichaani kuppho tuneree, bulli yemeenee kashee wojjoon yeshe. Yeeri hini bulli yemeenee kashoon ne danemmoyich neen ceegaa, meeti miixeenaꞌo aafoochaa Kiristoosichon gaawichaꞌa miixeto neene.

2 Ximootiyoosi 1:13

Kiristoos Yesuusina daneebeeti mullee tooꞌiyoonaa shunoona manjiree beebe. Ta waanee ne waayeti gaawe qaaroon tachiꞌi getonaa dojjoona taan shaahibe.

Titoosi 1:4

Kiristoos Yesuusi toommooch mulloon no tooꞌiyoona ibere ta bushoo tuneti Titoosich: Nihoo Yeerinaa noon Wodiyechi Kiristoos Yesuusina waanee wojjoonaa diggoona neech tunebe.

Hibireena'o 13:22

Ta maneenaꞌote! Ebin qaminona ittoshich koorito taane. Ebich ebi ta ciicoon haaꞌiyoona ittoshi waayemmoyich ittoshin qollaabeeto taane.

Hibireena'o 6:9

Tunebaani ta shunechinaꞌote! Ittoshich ebiyoommi magge qaaroona ta gettetaanona, Yeerina wodiꞌi ittoshi daneti wojjoo beshaa beshoo bi tunoon xiishito taane.

1 Pheexiroosi 5:12

Ittoshin ciiccaabee, hini wojjoo ibere Yeerichi wojjoo bi tunoon ittoshich miixaabee, gibeneeti manoommon ta tuniiti Sillaasichi kishoona hini qamini wochoon ittoshich kooraa daachiibeeto taane. Ebi are Yeerichi wojjoona manjiree neexebote.

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

2 Pheexiroosi 2:21

Cadiqee gommon boonoshi ariitoyee gubb, boonoshich icheti yaafe getoochee gubb boonoshi wottoyee, are cadiqee gommon boonoshi ariyaan gaata, boonoshich gaaweshone.

Yihudi 1:1

Yesuus Kiristoosichi guuno, Yaaqobichi manoo Yihudi waanee, Nihoo Yeeri shunnitinaꞌonaa ceeggitinaꞌonoyich, Yesuus Kiristoosina quyeebeeti kittinneenaꞌo bullich:

Yihudi 1:17

Tunebaani ta shunechinaꞌote! Ittoshi no Doono Yesuus Kiristoosi wocheti mishiraachechinaꞌo ebiyee aaf boonoshi gettiti qaaroon gabibote.

Yihudi 1:20

Tunebaani ta shunechinaꞌote! Ittoshiyoo bulliyee beshoon yaafeeti gommona Yeeri toommooch mullee tooꞌiyoona dico ittoshich bi daakkeyemmoyich, ittoshinaa ittoshina gaacheyoona kupphebote; Yaafe Ayaanoona yaabeeree corootibote.

Yaaꞌoo 12:11

Boonoshiyoo deejjeeti Bagoochi damoonaa boonoshi miixeti Yeerichi qaaree naboona biin kochii wochiyeete; qitooch beddaahaanona boonoshi kashoon aaxxiyaaneenaꞌone.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.