Yihudi 1:25 - Kafa Linguistics Project

²⁵ bi ikkeeto baach Nuggishoo tuneti, noon Wodiyechi Yeerich, bulli yemeenoyee aaf, andoo, bulli yemeenoonoo no Doono Yesuus Kiristoos waanaa oogee yiiroo, oogo, giidoonaa hakkoona tunebe. Ameena.

Yihudi 1:25 ပူးပေါင်းရင်းမြစ်များ

1 Kiinoo 29:11

Doono Yeero, shimaayoonaa showoonooch beeto bulli neecho bi tunetoyich, oogo, giidoo, oogee yiiroonaa wudoona neechone; taatittinoo neechone. Newoo bulliyee beshiti taatoo neene.

Shoddo 104:24

Doono Yeero, ne shuunoo am shaahe woddoone! Bullin ne ariyoona shuuneto neene; ne halliti mooyo showoona ceennitone.

Shoddo 147:5

No Doono oogoone; oogeti giidechone; bi ariyoyich daaro aalloone.

Shoddo 78:20

Xaqqoon bi yexaa aaco keyo, aaco oogichiꞌi ufo iberoone. Tunebaani koshon, bi asho nooch meenon, imon hakkehe?” iyeete.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 45:21

Getote; ittoshi taggoon yaaꞌote; ikkotteree koceebote. Ebin shiichiꞌi gettito konine? Ebin wonna awaajjito konine? Doono Yeeri ta toone? Tayee bare nuggishoo aalloone; Cadiqoonaa Wodiyechona tuneto, tayee bare nuggishoo aalloone.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

Luqaasi 1:47

taan wodiyechi Yeeri hoxeeti bi gonnee taan ciinniꞌi ta ayaanoon oogichiꞌi emirikkitone. Ooge Giidecho ta toommooch worganikkiti shuunoon tuniitone; bi shigoo yaafoone. Ebich hanaachina ikka getiree shiijjeroo bulli taan, ‘Yeeri diiritine’ gettemmone.

Yowannisi 4:22

Ittoshi, ittoshi ariyaanoyich goyinneebeeto ittoshine; tunebaani no, no arii beetoyich goyinnaabeeto noone. Ebiyoo wodoo bi daneebeeto Ayihudeenaꞌo waanaa bi tunetoyichiye.

Yowannisi 5:44

Ittoshi, ittoshi qelli qelli oogoon daneya qaawiyote; tunebaani bi ikkeeto tuneti Yeer waanee danemmi oogoon qaawaachote. Illa aabichiree taan iberiyoon hakkehote?

Roomi 11:33

Yeerichi wojjee gaanno, shalligoonaa ariyoona am shaahoon woddete! Tuniiya bi maacciti mooyon koniyoona maqqiꞌi ariyoon hakkaache; bi gommonoo qaawii danoon hakkemmo aalloone.

Roomi 11:36

Bulli mooyo halleeto bi waanee, biinna, biichiye. Biichoo bulli yemeenoon oogee yiiroo tunebe! Ameena.

Roomi 16:27

bi ikkeeto baach ariyecho tuneti Yeerich Yesuus Kiristoosina bulli yemeenoon oogee yiiroo tunebe. Ameena.

Efesooni 1:8

Yeeri bi wojjoon nooch woddiihe. Bi ariyoo bullinaa bi shalligoo bullina

Efesooni 3:10

Bi gabiton and kittinnee guupho waanaa bi shuunetaa, meeti baribare bi shalligoon shimaajji xaaꞌooch beeti iraasheenaꞌonaa ukkireenaꞌona ariyemmoyichiye;

Efesooni 3:21

shiijjereenaꞌo bulliich beddaahaa kittinnee guuphonaa Kiristoos Yesuusina waanee bulli yemeenoon oogee yiiroo tunebe. Ameena.

1 Ximootiyoosi 1:17

Bulli yemeenee Taatoo, aalleyaano, bekkeyaano, bi ikkeeto baach tuneti Nuggishoyich galletoonaa oogee yiiroona bulli yemeenoon tunebe. Ameena.

1 Ximootiyoosi 2:3

Ebiyoo asho bulli iberoon ariiree bi wodemmoyich shunniibeeti, noon Wodiyechi Yeeri aafoochaa gaawetonaa biin emirikkiibeeti mooyonane.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Titoosi 3:4

Tunebaani noon Wodiyechi Yeeri bi deꞌittinoona ashoon bi shunonon bi gaxxiyooba,

Hibireena'o 13:8

Yesuus Kiristoosi yiichoo, hanaachoo, bulli yemeenoonoo biine.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.

Yaaꞌoo 1:6

bi Nuggishoonaa bi Nihoona tuneti Yeerich maddeebeeti qeeshoonaa bi taatee ashoonon noon tuniiti Yesuus Kiristoosich bulli yemeenoon oogee yiiroonaa giidoona tunebe. Ameena.