Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yihudi 1:20 - Kafa Linguistics Project

20 Tunebaani ta shunechinaꞌote! Ittoshiyoo bulliyee beshoon yaafeeti gommona Yeeri toommooch mullee tooꞌiyoona dico ittoshich bi daakkeyemmoyich, ittoshinaa ittoshina gaacheyoona kupphebote; Yaafe Ayaanoona yaabeeree corootibote.

အခန်းကိုကြည့်ပါ။ ကော်ပီ




Yihudi 1:20
28 ပူးပေါင်းရင်းမြစ်များ  

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.


Yeeriyoo Yesuusi toommooch mulloon boonoshi tooꞌiyoona boonoshi mulloon axaaxoochee xalliitone; ebich noonnaa boonoshinon barbariyaanoone.


Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.


Yeerichi qaaro gaminnii gaminnii hammiye; Yerusaalem beeti Yesuusichi dabbeenaꞌo meettii meettii waaheete. Qeesheenaꞌo daggoochee meetinaꞌo mishiraachee qaaroyich deꞌa iꞌi Yesuusi toommooch mulloon tooꞌiiheete.


Arooba Yihudee showoo, Galiilee showoonaa Shamaaree showoo bullinooch beeti kittinnee guuphinaꞌo shatoochee kasheheete, manjiyeete; Doonoyichoo hajjeebee Yaafe Ayaanoona goggeebee qeyii qeyii meettiyeete.


Kiristoosiyolla bi qelloon emirikkaanoone; Yaafe Macaafooch bi kooreetoommon, “Ne toommooch boonoshi qoonniti qoono ta toommooch kindiye” getaa kooreetoommon tunehe. Ebich no ikkikkoo kittinnee no manoon no eenniyemmoyich biich gaaccemmi gaawe mooyon shuuneree biin emirikkibone.


Ittoshin bi bushoo tuniiti Ayaanoon ittoshich immiyalli, wochinnoon ittoshi shattemmoyich guuchittinee ayaanoon ittoshich imaanoone; ebich ebi are Ayaano noon yaabaa, Yeerin “Taabbo, ta Nihoocho!” iyaꞌa ceeggaabeeto noone.


wotta Yeeriyoo no Doono Yesuus Kiristoosi wotteree bi woyemmi aabooba ikke bachaallo ittoshi tunemmoyich, ciirooch beddaahaa ittoshin manjiiree neechemmone.


“Bulli mooyo daaggeetone;” tunebaani bulli mooyo gaaccemmo toonoone. “Bulli mooyo daaggeetone;” tunebaani bullin mooyo eenniyemmo toonoone.


Ishigaata, aabichibote? Ta ayaanoona corootemmo taane; ta mulloona wotta ariibee corootemmo taane; ta ayaanoona Yeerich shoddemmo taane; ta mulloona wotta ariibee Yeerich shoddemmo taane.


Illa ta maneenaꞌote! Ikkooch ittoshi kiceehooba, ikkoo shoddehe; baroo wotta dojjiye; baroo Yeeri biich bekkiiti mooyon gettiye; baroo baribare noonoona yibbaatehe; baroo baribare noonoona yibbaateeton biichii wokkeelliye. Eboshi bulli kittinneenaꞌon eenniyoyich gaaccemminaꞌo tunebeete.


Ittoshiyoo Yeerichi bushiishoo ittoshi tunetoyich, “Taabbo, ta Nihoocho!” getiree ittoshi ceeggemmi bi Bushoochi Ayaanoon ittoshi mullooch deejjitone.


Ebin bi tuniito, Kiristoosichi quumo tuneti kittinnee guupho eennemmoyich, yaafeenaꞌon maddee shuunoyich qanniyoyichiye.


Ashittinee quumo bulli tatoona bi shuunemmoyich tuniibeeto Kiristoosine; quumeenaꞌo bulli gaweto maqqoonane; ebich quumo bi qelli qelloona bi yeshi yeshi shuunoon bi shuunemmona ashittino bulli diccii beetone; shunoonoo eennii beetone.


Waayee beetinaꞌoyich diiroo tunemmi, asheenaꞌon eenniyemmi, boonoshichoo gaaccemmi gaaweti mooyon getotalli, amee gonde mooyolla ittoshi noonoochee kechaaye.


Yeerin qollebee bulli aaboon Yaafe Ayaano immiibeeti hakkoona corootibote. Ebi gaboonoo yaafeenaꞌo bullich Yeerin qollebee qaalliree corootoona kupphebote.


biinna cammon awure eeniree, ittoshi doyitoommon bi toommooch mullee tooꞌiyoona manjibote; Yeerich galletoon woddiiree imbote.


Ebich and ittoshi wotta tunii beetoommon, ittoshinaa ittoshina ikkoo baroon goggiibe; ikkoo baroon eenniibe.


Wotta tochee tochoonaa ciiraalli shiijjereenaꞌochi kiinoon haddoonooch boonoshi qelloon beshiiree boonoshi imaachemmoyich gete. Eboshiyoommi mooyinaꞌo hayoon tiijjeheetalli, gibenoona shuuneebeeti Yeerichi shuunoyich boonoshi gaaccemmi gaaco aalloone.


Kiristoosi toommooch ibere ne mullee tooꞌiyoon gabaabeeto taane; shiichiꞌi ne indinde Loyidinaa ne indee Ewuniqina boonoshi mulloon Kiristoosi toommooch tooꞌiitinaꞌone; and ne wotta ebiyoommon Kiristoosi toommooch ne mulloon ne tooꞌiyoonoo xiishito taane.


Yeeri kaaccitinaꞌo Kiristoosi toommooch mullee tooꞌiyoona boonoshi kupphemmoyich, wotta Yeerin oogiibeeti beemon beemooch bechiibeeti iberoon boonoshi ariyemmoyich tuniyoyich wocheeti, Yeerichi guuno, Yesuus Kiristoosichi mishiraachecho tuneti Phawuloosi waanee:


Bi mullee tooꞌiyoon shuunee toommooch heechiito bi tunoon beegaachine? Ebich bi shuuneti shuunoona bi mullee tooꞌiyoo shappaalli ceeno tunetone.


Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:


Ta shunechinaꞌote! No qoodeebeeti wodeechon ittoshich kooroyich oogeti gabee toommooch beechaa, Yeeri yaafeenaꞌoyich ikke wottoon bi immiti, shaddeyaani gibenoyich ittoshi qiiccemmoyich, ittoshin ciicciibee kooroo taach qaawiibeeto tuneꞌi bekkehe.


Kecee hamoyich daaggeeto koniyoona bi beegaata, kecceeꞌi hamo echeyaani mooyone; goraadoona bi qitemmoyich daaggeeto koniyoona bi beegaata, goraadoona qitemmone. Yaafeenaꞌochi gibeneyoonaa haaꞌiyoona bi qaaweebeeto ebiyoobane.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ