Yibbaatoo 9:6 - Kafa Linguistics Project

⁶ Illa ebich, ne Nuggishoo Doono Yeeri ebi gaawe showoon ne woraashemmoyich neech bi immiibeeto, ne cadiqittinoyich tunee bi qayon ariibe. Ne babberoo neene” iye.

Yibbaatoo 9:6 ပူးပေါင်းရင်းမြစ်များ

2 Kiinoo 30:8

Ittoshi qaabbechinaꞌo tunetoommon, babberoo tuneyaahote. Ittoshi qelloon Doono Yeerich hajjiibote; bulli yemeenoon bi yaafiti yaafee kexooch wobote; kupphe bi kaaro ittoshi waanee bi wottemmoyich, ittoshi Nuggishoo Doono Yeerich goyinnebote.

2 Kiinoo 36:13

Sedeqiyaasi Yeerina biin wogiiti taatoo Nabukadinatsori toommooch hukkoon shuunehe. Israꞌeelee Nuggishoo Doono Yeer waan wottoon qajjii, bi mulloon manjiiꞌi babberoo tunehe.

Shoddo 78:8

Boonoshi qaabbechinaꞌochi shiijjeroochoommon, babbereenaꞌo, hukkechinaꞌo, kaameyaani mullechinaꞌo, Yeerichoo gibeneyaani ayaanechinaꞌo, tuneyaachemminaꞌone.

Keyo 32:9

Doono Yeeriyoo daakkiꞌi Muusich ishichiye: “Ebi asheenaꞌon beeggeto taane; boonoshiyoo babbereenaꞌone.

Keyo 33:3

Ejjoonaa eeyona xuupphiibeeti showooch hambote. Tunebaani babberoo ittoshi tunetoyich, gommoochaa ittoshin ta aalliyaachemmoyich, ittoshina tookki hamaachemmo taane” iye.

Keyo 34:9

ishichiinoo iye: “Ta Doonocho, ne aafoochaa gidoon ta danegaata, hini asheenaꞌo babbereenaꞌo boonoshi tunetaanoona, ta Doonocho, noonna tookki hambe. No xuꞌoonaa no axaaxoonon maaribe. Ne hajjee aagetoon tuniiree noon ciine” iye.

Hiziqeeli 2:4

Boonoshi getaa giyaaneenaꞌonaa babbereenaꞌonane; newoo boonoshich, ‘Nuggishoo Doono Yeeri ishichiye’ ne gettemmoyich neen daachiibeeto taane.

Hiziqeeli 20:44

Israꞌeelee macceenaꞌote, ittoshi gonde goomoommonaa shuunoommona tuneyaanoon, ta shigoyicha getiree ittoshich ta tuniyemmi mooyona Doono Yeeri ta tunoon ariyemmo ittoshine, iye Nuggishoo Doono Yeeri’ itone gete” iye.

Hiziqeeli 36:22

“Ebich Nuggishoo Doono Yeeri ta gettaa beeton Israꞌeelee yareenaꞌoyich gete: Israꞌeelee yareenaꞌote, ta shuunaabeeto ittoshi hammiti aageteenaꞌo daggoochaa bi naakkemmoyich ittoshi tuniiti yaafe ta shigoyicha iyaꞌanalli ittoshicha iyaꞌa toonoone.

Mishiraachechinaꞌo 7:51

“Illa hini ittoshi mullo muumeti, ittoshi waamoo ulleti babbereenaꞌote! Ittoshi qaabbechinaꞌochoommon ittoshiyoo wotta bulli aaboon Yaafe Ayaanoyich deꞌa getaano ittoshine.

Yibbaatoo 10:16

Illa ebich, ebiyee damba Doono Yeerich deꞌa getote. Babberittinoonoo qayote.

Yibbaatoo 3:18

“Ebi arooba Roobeelinaa Gaadinochi yoodeenaꞌoyich, Minaasi yoodoochee qatinaꞌonoyichoo ishichaa getteho: ‘No Nuggishoo Doono Yeeri hini showoon ittoshi hajjoo tuniiꞌi immitone. Meeti gijjeenaꞌo ittoshich beemon ariibeeto taane; ittoshi mecheenaꞌonaa bushiisheenaꞌona ebi gijjeenaꞌona tookki hini ittoshich ta immeti katemeenaꞌooch beebeete. Illa and ginee anaamo tuneti ittoshi asheenaꞌo ginee qiicoon cuyeree, ittoshi maneenaꞌo tuneti Israꞌeeleenaꞌoyee aaf shiichi, Yoordaanoosin kimiree boonoshi hammemmoyich tuniibote.

Yibbaatoo 31:27

Am shaahe hukkechonaa babberoona ittoshi gaata ariibeeto taane. Ebiyoche, and kashoona ittoshina tookkaa ta beetaa, hanaach Doono Yeeri toommooch hukkoon tiijjito ittoshine. Illa ta qitiichaa aabichehe!

Yibbaatoo 9:13

“Doono Yeeriyoo daakkiꞌi ishichiye: ‘Ebi asheenaꞌon beeggeto taane. Iberoon babbereenaꞌone.

Yibbaatoo 9:24

Ittoshin ta ariiti aaboochee tiijjiꞌi and beddaahaa, wochii wochiꞌi Doono Yeeri toommooch hukkoon tiijjito ittoshine.