Yibbaatoo 9:3 - Kafa Linguistics Project

³ Michii aalliibeeti qaaqqoochoommon ne aafooch shiichiꞌi hammiibeeto ne Nuggishoo Doono Yeeri bi tunoon hanaach ariibe. Biyoo boonoshin ne aafoochee koyi wochiree aalliyemmone. Doono Yeeri neech bi gibenikkitoommon, boonoshin yoohi kichemmo neene; kaateree boonoshi aallemmoyichoo tuniyemmo neene.

Yibbaatoo 9:3 ပူးပေါင်းရင်းမြစ်များ

Keyo 23:23

Ta maraakoo ne aaf shiichemmone; neenoo Amooreenaꞌocho, Hiteenaꞌocho, Ferizeenaꞌocho, Kanaaneenaꞌocho, Hiweenaꞌochonaa Yebuseenaꞌochona tuneti showooch giijjemmone; tawoo boonoshin hidi aalliyemmo taane.

Keyo 24:17

Doono Yeerichi oogee yiiroo guudi toommooch michiibeeti qaaqqoochoommon tuneꞌi, Israꞌeeleenaꞌoyich bekkee beehe.

Isiyaasi 27:4

Ebiyee bekk kaareyaachemmo taane; abo angixonaa guccinonoo ta toommooch tibeeta! Boonoshi toommona shaꞌeree ikkooch boonoshin michesho taane.

Isiyaasi 30:27

Ebiyoche, Doono Yeeri qaaqqoo aaxxoommon aaxxeebeeti kaaroona, kaama tuqiibeeti cufoona, wohoochee waa beetone; bi kookkooch kaaro ceennitone; bi heciyoo michiibeeti qaaqqoommone.

Isiyaasi 30:30

Doono Yeeri ooge bi qaaroon waayiyemmone; aaxxeebeeti bi kaaroona, michiibeeti qaaqqee aaxxoona, yuboona, yattoona, muume baderoonoo kindiibeeti bi mochoo bekkemmone.

Isiyaasi 30:33

Wodde yemeenoyee aaf Asooree taatoo miccemmi qaaqqee xaaꞌoon qannitone; ebi xaaꞌoo gaminoonaa hoonoona tunemmona aroochoo qaaqqoonaa wodde mixona beetone; waageroo ufoommon ufeebeeti Doono Yeerichi hiinno qaaqqoon yeshiyemmone.

Isiyaasi 33:14

Tsiyoon beeti axaaxechi asheenaꞌo shattiyeete; Yeerich qeyaaneenaꞌo qeweheete; boonoshiyoo “No daggoochee michiibeeti qaaqqee daggooch beemon hakkemmo konine? No daggoochee bulli aabooch michiibeeti qaaqqoona tookkii beemon hakkemmo konine?” iyeete.

Mikiyaasi 2:13

Tiichiꞌi gommon kichecho boonoshi aafooch shiichiree boonoshi keccetoochee boonoshin yaabi kichemmone. Boonoshiyoo katemee kelloon tiishi besheree keyi hammemminaꞌone. Boonoshi Taatoo tuneti Doono Yeeri boonoshi aafooch shiichiree boonoshin yaabemmone.

Maatiyoosi 15:10

Aroochee wotta Yesuusi dofee asheenaꞌon bi waan ceeggiꞌi, “Ta getaa waayebote! Shalligibote!

Maariqoosi 7:14

Wotta Yesuusi dofee asheenaꞌon bi waan ceeggiꞌi, “Ittoshi bulli ta waanee waayebote! Shalligibote!

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

Efesooni 5:17

Ebich Doono Yesuusichi daaggoo amo gaata shalligibotalli, mullaalloon tuneyaahote.

Yibbaatoo 1:30

Ittoshi aafooch shiichiꞌi hammiibeeti ittoshi Nuggishoo Doono Yeeri, ittoshi aafoona ittoshi ciinnii beetaa, Gibitsee showoonaa barahoonoochaa bi tuniitoommon, bi, bi qelloona ittoshi qoodoon koyemmone. Hini xaaꞌooch ittoshi shaggimmi wottoon, ittoshi shaꞌeti gommo bullin, nihoo bi bushoon tiqqoommon, ittoshi Nuggishoo Doono Yeeri am shaahoon ittoshin tiqqeꞌi bi deebito gaata, ittoshi aafoona beeggito ittoshine’ iyoye.

Yibbaatoo 20:1

Muusi Israꞌeeleenaꞌoyich ishichiye: “Gibitsee neen kichii deebiti ne Nuggishoo Doono Yeeri neenna tookkii bi tunetoyich, ne ettoona koyeya koyooch hammaꞌa, neechoyee beshiti gaarin, hareshoonaa ginee naayinaꞌonon ne beegigaata, shattaahine.

Yibbaatoo 20:4

Ittoshi Nuggishoo Doono Yeeri ittoshi etteenaꞌon kocha, wudoonoo ittoshi danemmoyich tuniiya ittoshina tookkii hammii beetone’ gete.

Yibbaatoo 4:24

Ebiyoo ittoshi Nuggishoo Doono Yeeri michii aalliibeeti qaaqqoommo bi tunetoyichiye; biyoo qanaatechi Nuggishoone.

Yibbaatoo 7:16

Ne Nuggishoo Doono Yeeri ne kishooch beshii immimmi asheenaꞌon wuxi aalliibe. Boonoshich ariqqeyaahine. Boonoshi nuggisheenaꞌoyich goyinneyaahine. Ebi neech olloon tunemmone.

Yibbaatoo 7:22

Ne Nuggishoo Doono Yeeri ebi asheenaꞌon giishii giishiibee ne aafoochee aalliyemmone. Ikke wottoon boonoshin ne aalliyemmoyich tuniyaachemmone. Ebiyoo kubbi cooxo meeti neen bi duꞌiyaachemmoyichiye.

Yibbaatoo 9:6

Illa ebich, ne Nuggishoo Doono Yeeri ebi gaawe showoon ne woraashemmoyich neech bi immiibeeto, ne cadiqittinoyich tunee bi qayon ariibe. Ne babberoo neene” iye.

2 Tasaloonqi 1:8

Arooba qaaqqee aaxxoona waaree, Yeerin ariyoo qaawaaneenaꞌonaa no Doono Yesuusichi mishiraachee qaaroyich deꞌa getaaneenaꞌonochi toommooch nichoon kichemmone.

Hibireena'o 12:29

Ebiyoo, iberoon no Nuggishoo michii aalliibeeti qaaqqoommo bi tunetoyichiye.

Yaasi 11:12

Yaasi ebi katemeenaꞌo bullinaa boonoshi taateenaꞌo bullinon kochii yechiye; Doono Yeeri guuno Muusi biich bi gettitoommon, goraadoona boonoshin ciroona wuxii aalliihe.

Yaasi 11:8

Doono Yeeriyoo boonoshin Israꞌeeleenaꞌo kishooch beshiiꞌi immiye. Boonoshiyoo ooge katemoo Sidooninaa Misrefoot Mayimi katemoonooch beddaahaa, wotta aabi-keyo waan beeti Mitsiphi bambooch beddaahaa wuxiibee yookkiyeete. Boonoshi daggoochee kashoona echeto ikkolla aalloone.

Yaasi 14:12

Ebich arooba Doono Yeeri bi gettitoommon, hini geppe showoon and taach imbe. Arooba Anaaqeenaꞌo arooch beetinaꞌo boonoshi tunoonaa boonoshi katemeenaꞌo xaqqoona uxereeti ogooge katemeenaꞌo boonoshi tunoonon waayeto neene. Doono Yeeri bi gettitoommon, diqqich taanna tookki tune taan bi gaachetaa, boonoshin yoohi kichemmo taane” iye.

Yaasi 3:11

Bulli showee Doonochi wogee taabooto ittoshiyee shiichiree Yoordaanoosi aacoch hammemmone.

Yaasi 3:14

Ebich Yoordaanoosin kimoyich, kaamboon geddiꞌi boonoshi koteti xaaꞌoon gawukkii boonoshi kechimmona, wogee taabootoon shaaggiti qeesheenaꞌo boonoshi aaf shiichii hammiyeete.

Woraaferasheenaꞌo 4:14

Areegaata, Diiboori Baraaqich ishichiyan: “Tibe! Doono Yeeri Siseerin ne kishooch beshiiꞌi bi immiti aabo hanaachiye. Doono Yeeri ne aafooch shiichiꞌi kechitone” iyan. Ebich Baraaqi aashire hume asheenaꞌon dabbiiꞌi, Taaboori guudi toommoochee kindiye.