Yibbaatoo 9:26 - Kafa Linguistics Project

²⁶ Tawoo Doono Yeer waan ishichaꞌa corootiyo: ‘Nuggishoo Doono Yeero, ne oogoonaa kupphe ne kishoonon bekkiyoona biishaꞌa, Gibitsee kichaa ne deebeti ne hajjee asheenaꞌon aalliyaahine.

Yibbaatoo 9:26 ပူးပေါင်းရင်းမြစ်များ

2 Saameeli 7:23

Ne hajjee asheenaꞌon tuniyoyich guuchittinoochee ne biisheti Israꞌeeleenaꞌoommi asho showee toommooch aalloone. Boonoshich ne tuniiti, oogeti, worganikkiti mooyona ne shigo showee toommo bulliich arichetone. Ne hajjee asheenaꞌo boonoshi tunemmoyich, Gibitsee ne biisheti asheenaꞌo aaf boonoshi hammimmona, bare asheenaꞌonaa boonoshi nuggisheenaꞌonon boonoshi aafoochee gashaa kichihine.

1 Taateenaꞌo 8:51

Xuuroon wociibeeti qaaqqee sheelloommi Gibitsee ne kichiti ne hajjee asheenaꞌone.

1 Taateenaꞌo 8:53

Nuggishoo Doono Yeero, no qaabbechinaꞌon Gibitsee ne kichiyooba, ne guuno Muusina ne gettetoommon, ne hajjee asheenaꞌo boonoshi tunemmoyich, showee toommeexi aagetoo bulliyee boonoshin bariito neene” iye.

Nehimi 1:10

“Boonoshiyoo ooge ne hakkoonaa kupphe ne mochoona ne biisheti ne guuninaꞌonaa ne asheenaꞌonane.

Shoddo 106:23

Boonoshin aalliyoochee bi kaaro wottemmoyich, bi kaacciti Muusi bi aafooch bi neexeyaan gaata, boonoshin aalliyesho bi tunoon gettiye.

Shoddo 28:9

Ne asheenaꞌon wodiibe; ne iristeenaꞌon diiribe; boonoshich qiddoon tunebe; bulli yemeenoon boonoshin shiimebe.

Shoddo 57:1

Taach ariqqebe; Yeero, taach ariqqebe; ta kashe ne shoobooch bi giyetoyich, yubee yongoommi aallo beshemmi wottoon, ne qoshee yiiroon shoobo tuniyemmo taane.

Shoddo 77:15

Yaaqobinaa Yooseefinochi yareenaꞌo tuneti ne asheenaꞌon, ne mochoona biisheto neene.

Shoddo 78:35

Yeeri boonoshi Deebe Xaqqo bi tunoon, Beshoo Yeeri boonoshin Biishee Wodiyecho bi tunoon, shalligiyeete.

Shoddo 99:6

Muusinaa Haroonina bi qeesheenaꞌo daggooch beetinaꞌone; Saameeliyoo bi shigoon ceeggii beetinaꞌo daggooch beetone; boonoshiyoo Doono Yeer waan cookaa, boonoshi cookoon waayehe.

Keyo 15:13

“Ne shoodoona ne biisheti ne asheenaꞌon, yaabito neene; ne hakkoona ne biishetinaꞌon yaafe ne beeyi xaaꞌooch yaabito neene.

Keyo 33:13

Gidoon daneto ta tunegaata, neen ta ariyemmonaa ne aafoochaa gaawe aafoona ciiche ta beeyemmonoyich, and ne gommon taach ne bekkiyemmoyich neen qollehoye. Wotta hini aagetoo ne aagetoo bi tunoon gabibe” iye.

Keyo 34:9

ishichiinoo iye: “Ta Doonocho, ne aafoochaa gidoon ta danegaata, hini asheenaꞌo babbereenaꞌo boonoshi tunetaanoona, ta Doonocho, noonna tookki hambe. No xuꞌoonaa no axaaxoonon maaribe. Ne hajjee aagetoon tuniiree noon ciine” iye.

Isiyaasi 44:23

Doono Yeeri ebin bi tuniitoyich, Doono Yeeri Yaaqobin bi wodiitoyich, Israꞌeeleenaꞌo daggooch bi oogoon bi bekkiitoyich, shimaayeenaꞌote, biich shoddebote; showee ducheenaꞌote, oogii cookibote. Guudinaꞌote, kubbeenaꞌonaa bi daggooch beeti mixinaꞌonote, ililibote.

Isiyaasi 63:19

Nowoo, neech hajjeyaani, ne shigoonoo ceekkeyaani ashoommon tuneto noone.

Erimiyaasi 14:21

Ne shigoyicha geti noon hoxeyaahine; ne oogee qeenon cooniyaahine; noonna tookkii ne giyeti wogoon gabiballi happiyaahine.

Erimiyaasi 15:1

Aroochee Doono Yeeri taach ishichiye: “Muusinaa Saameelina ta aafooch neexetaanona ta mullo hini asheenaꞌo waan wotteyaachemmone. Ta aafoochee daachiibe; hambeete.

Shoosho 2:20

Yerusaalemiyoo “Doono Yeero, ciine: Ebiyoommon ne tuniito koni toommoochiye? Maacheenaꞌo boonoshi gaggereenaꞌon, aaxxii boonoshi dichiti bushiisheenaꞌon, maayi beddiyeete? Qeesheenaꞌonaa keemechinaꞌona Doonochi yaafee kexoochaa qita beddiyeete?

Mikiyaasi 6:4

Gibitsee ittoshin kichiyoye; guuchittinoochee ittoshin biishehoye; Muusi, Harooninaa Miiriyamina ittoshi aafooch shiichemmoyich tuniihoye.

Yibbaatoo 13:5

Tunebaani guuno tunee hajjeeꞌi beebee ittoshi echeti Gibitsee ittoshin biisheꞌi deebiti, ittoshi Nuggishoo Doono Yeeri toommooch hukkoon ittoshi shuunemmoyich bi gettitoyich, wotta ittoshi Nuggishoo Doono Yeeri gettiti gommoochee gubb ittoshi wottemmoyich tuniiya bi qaawitoyich, ebiyoommi keemechon woyee gumi gummechon wuxibote. Ebin tuniyoona, ebiyoommi gonde mooyonoo ittoshi daggoochee wokkiibote.

Yibbaatoo 15:15

Newoo ne qelloona guuno tunaꞌa Gibits ne beemon, ne Nuggishoo Doono Yeeri aroochee neen biisheꞌi bi kichoonoo batteyaahine. Hanaach ebi getoon neech ta gettaabeeto ebichiye.

Yibbaatoo 21:8

Doono Yeero, Gibitsee biishaꞌa ne kichiti ne asheenaꞌo tuneti Israꞌeeleenaꞌon maaribe. Noon maariree hini qititi uroochi damoon no waanee qaawiyaahine’ geteete. Ebi uroochi damoyich maaroon danemminaꞌone.

Yibbaatoo 32:9

Tunebaani Israꞌeeli Doono Yeerichi hajjoone, Yaaqobiyoo bi hajjee iristoone.

Yibbaatoo 7:8

Tunebaani Doono Yeeri ittoshin bi shunnitoyich, wotta ittoshi qaabbechinaꞌoyich bi giyiti wogoon quyee bi beetoyich, Gibitsee showeexi guuchittinoochee, Gibitsee taatoo kishoocheenoo kupphe bi kishoona ittoshin biisheꞌi kichiye.

Yibbaatoo 9:12

“Aroochee Doono Yeeri taach ishichiye: ‘Tibe; kaateree hiniichee hambe. Gibitsee ne deebeti asheenaꞌo gonde mooyon shuunoona duubetinaꞌone; boonoshich ta getteti ta getoochee kaateꞌi badd wottetinaꞌone; boonoshichoo shahalloon shuunetinaꞌone’ iye.

Yibbaatoo 9:27

Ne guuninaꞌo Abrahamin, Yisaaqinaa Yaaqobinon shalligibe. Hini asheenaꞌochi babberittinoon, gondoonaa axaaxoonon ciinnaahine.

Yibbaatoo 9:29

Ebiyeenoo wotta, ebi asheenaꞌo ooge ne giidoonaa giidechi ne mochoonon bekkiyoona Gibitsee kichaa ne deebeti, ne hajjee asheenaꞌone’ iyoye.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 9:12

ikke wottoon ciichiꞌi, shimaayooch beeti Yaafe Xaaꞌeexi Yaafooch emmisheenaꞌonaa gubbeneenaꞌonochi damoona tuneyaanoon, bi hajjee damoona giyiye; arooch giyiꞌi bulli yemeenoon axaaxoochee biicheyoon nooch daniihe.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;

1 Saameeli 7:9

Saameeliyoo xammiibeeti, ikke bagee bushoon daammii guuriꞌi, amolla echeyaanoon micciibeeti deejjoon tuniiꞌi Doono Yeerich deejjiye. Aroochee Israꞌeeleenaꞌon bi gaachemmoyich Doono Yeer waan corootiye. Doono Yeeriyoo bi corootoon waayehe.