Yibbaatoo 9:1 - Kafa Linguistics Project

¹ “Israꞌeeleenaꞌote, elle waayebote. Hanaach ittoshiyee beshe giidechinaꞌonaa meetinaꞌona tuneti aageteenaꞌon yoohiichi, boonoshi showoon hajjiya Yoordaanoosi aacon kimma ii beeto ittoshine. Boonoshi katemeenaꞌo ogoogeenaꞌonaa shimaayooch shage xaqqee uxerechinaꞌonane.

Yibbaatoo 9:1 ပူးပေါင်းရင်းမြစ်များ

Keyo 32:1

Muusi wotteyaanoon, guudi toommooch bi yagoon boonoshi beeggiyooba, asheenaꞌo Haroon waan giddeꞌi ishichiyeete: “Tiyiree, no aafooch shiichi noon yaabemmi nuggisheenaꞌon nooch shuunebe. Gibitsee noon kichiti, are uro Muusi aabichii bi ito gaata ariyaano noone” iyeete.

Daaneeli 4:11

Ebi mixoo diccii oogee kuppheꞌi, bi cilloo shimaayooch shaggiye; showee tuggooch beddaahaanoo bekkehe.

Amootsi 2:9

“Ta asheenaꞌote, ittoshicha iyaꞌa yigoommi genjeenaꞌo, uxeree mixoommi manjeenaꞌo tuneti Amooree asheenaꞌon cammona waaxeree boonoshi aallemmoyich tuniihoye.

Haddoo 13:22

Negeebi barahoona beshee hammiꞌi, Kebiroon shaggiyeete. Anaaqee yareenaꞌo tuneti Ahimaani, Sheshaayinaa Talimayina arooch beetinaꞌone. Kebirooni katemoo shuuneeto, Gibits beeti Tsoꞌaani katemoo shuuneyoyee shabaatte naton shiichiꞌiniye.

Haddoo 33:51

“Israꞌeeleenaꞌoyich ishichibe: ‘Kanaanee showooch gimoyich Yoordaanoosin ittoshi kimigaata,

Yibbaatoo 1:28

Illa amoochiye no hammemmo? No wochaa daachiiti no maneenaꞌo katemeenaꞌo gaawichaa uxereetinaꞌo boonoshi tunoon, boonoshi guudoona beeti xaqqee uxeroo shimaayooch shago bi tunoon, arooch beeti asheenaꞌo noyee beshe giidechinaꞌonaa neex genjeenaꞌona boonoshi tunoonaa ebiyee beshoon wotta Anaaqee yareenaꞌon arooch boonoshi beegonon nooch getona no mullo keqqoona muujjemmoyich tuniitinaꞌone’ iyote.

Yibbaatoo 11:23

Doono Yeeri ebi aageteenaꞌo bullin ittoshi aafoochee yoohi kichemmone. Ittoshiyee beshe giidechinaꞌonaa woddeenaꞌona tuneti aageteenaꞌon yoohi kichemmo ittoshine.

Yibbaatoo 11:31

Ittoshi Nuggishoo Doono Yeeri ittoshich immiibeeti showooch giyi woraashiya Yoordaanoosin kimma ii beeto ittoshine. Are showoon hajjiꞌi arooch ittoshi kotehooba,

Yibbaatoo 27:2

Yoordaanoosin kimmiꞌi, ittoshi Nuggishoo Doono Yeeri ittoshich immiibeeti showooch ittoshi giyiyooba, ogooge xaqqeenaꞌon daami neechiichi, booroona dikkebote.

Yibbaatoo 3:18

“Ebi arooba Roobeelinaa Gaadinochi yoodeenaꞌoyich, Minaasi yoodoochee qatinaꞌonoyichoo ishichaa getteho: ‘No Nuggishoo Doono Yeeri hini showoon ittoshi hajjoo tuniiꞌi immitone. Meeti gijjeenaꞌo ittoshich beemon ariibeeto taane; ittoshi mecheenaꞌonaa bushiisheenaꞌona ebi gijjeenaꞌona tookki hini ittoshich ta immeti katemeenaꞌooch beebeete. Illa and ginee anaamo tuneti ittoshi asheenaꞌo ginee qiicoon cuyeree, ittoshi maneenaꞌo tuneti Israꞌeeleenaꞌoyee aaf shiichi, Yoordaanoosin kimiree boonoshi hammemmoyich tuniibote.

Yibbaatoo 4:1

Aroochee Muusi Israꞌeeleenaꞌoyich ishichiye: “Illa and Israꞌeeleenaꞌote, kashoona ittoshi beeyemmoyich, ittoshi qaabbechinaꞌochi Nuggishoo Doono Yeeri ittoshich bi immiibeeti showooch giyi ittoshi woraashemmoyichoo, ittoshich ta qociibeeti qociyoonaa ta dojjaabeeti doyoonon quyebote.

Yibbaatoo 4:38

Ittoshin arooch giijjiree, and ebi ittoshi woraashiti boonoshi showoon ittoshich imoyich, ittoshiyee beshe meetinaꞌonaa giidechinaꞌona tuneti aageteenaꞌon ittoshi aafoochee yookkii kichiye.

Yibbaatoo 6:10

“Ne Nuggishoo Doono Yeeri ebi showoon neech imoyich, ne qaabbechi Abrahamich, Yisaaqinaa Yaaqobinoyich wogetone. Ebi showooch ne hagaani, ogoogeenaꞌonaa gaawetinaꞌona tuneti katemeenaꞌo beetinaꞌone.

Yibbaatoo 7:1

Muusiyoo Israꞌeeleenaꞌoyich ishichiye: “Ne Nuggishoo Doono Yeeri ne woraashemmi showooch neen giijjemmone. Ebi are showooch neyee beshe giidechinaꞌonaa meetinaꞌona tuneti shabaatte aageteenaꞌo beetinaꞌone. Eboshiyoo: Hiteenaꞌo, Girigaasheenaꞌo, Amooreenaꞌo, Kanaaneenaꞌo, Ferizeenaꞌo, Hiweenaꞌonaa Yebuseenaꞌonane. Biyoo boonoshi bullin ne aafoochee yoohi kichemmone.

Yaasi 1:11

“Kaambee daggoona beshebote. Asheenaꞌoyich ‘Ittoshi Nuggishoo Doono Yeeri ittoshich immemmi showooch giyiree beemoyich, keejje qemoyee gubb Yoordaanoosin kimmemmo ittoshine. Ebich ittoshi shohoon qanniibote’ getote” iye.

Yaasi 1:15

Boonoshin ittoshi gaachemmo, ittoshi Nuggishoo Doono Yeeri ittoshich bi tuniitoommon, boonoshin bi kashiimmi wottoonaa ittoshi Nuggishoo Doono Yeeri boonoshich immimmi showoon boonoshi woraashimmi wottoononiye. Ebiyee gubb wotteree, Doono Yeeri guuno Muusi ittoshich immiti, Yoordaanoosi aacoochaa aabi-keyo waan beeti, hini ittoshi hajjiti showooch kotemmo ittoshine” iye.

Yaasi 14:12

Ebich arooba Doono Yeeri bi gettitoommon, hini geppe showoon and taach imbe. Arooba Anaaqeenaꞌo arooch beetinaꞌo boonoshi tunoonaa boonoshi katemeenaꞌo xaqqoona uxereeti ogooge katemeenaꞌo boonoshi tunoonon waayeto neene. Doono Yeeri bi gettitoommon, diqqich taanna tookki tune taan bi gaachetaa, boonoshin yoohi kichemmo taane” iye.

Yaasi 3:14

Ebich Yoordaanoosin kimoyich, kaamboon geddiꞌi boonoshi koteti xaaꞌoon gawukkii boonoshi kechimmona, wogee taabootoon shaaggiti qeesheenaꞌo boonoshi aaf shiichii hammiyeete.

Yaasi 3:16

wocciibeeti aaco neexehe. Tsaretaani katemee gaꞌooch beeti, Addaami getteebeeti wohi katemee katinooch aaco kiceeꞌi guteehe; dugilloon Arabee baharo, ebi geto Kiikki baharo waan, wocciibeeti aaco ciroona kuxee neexehe. Asheenaꞌoo Yaariki ciino waanaa kimmiyeete.

Yaasi 3:6

Ebichi hillooch Yaasi qeesheenaꞌoyich, “Wogee taabootoon shaagiree, asheenaꞌoyee shiichi aaf beshebote” iye. Boonoshiyoo wogee taabootoon shaaggiꞌi, asheenaꞌoyee aaf shiichii qaxiriyeete.

Yaasi 4:19

Ikkinnee ageno giyiti aashirinnee qemooba, asheenaꞌo Yoordaanoosin kimmiꞌi, Yaarikaa aabi-keyo waani gocooch, Galigala boonoshi kaamboon geddii koteheete.

Yaasi 4:5

boonoshich ishichiye: “Ittoshi Nuggishoo Doono Yeerichi taabootoyee aaf shiichi, Yoordaanoosi aachi daggooch hambote. Ittoshi ikkikkoona Israꞌeelee yoodee haddoona ikkikke xaqqoon tiijji ittoshi gogooch shaagote.