Yibbaatoo 8:8 - Kafa Linguistics Project

⁸ Wotta teepphoonaa sheqoona, woyinee qomboonaa balaasee mixona, romaanee mixonaa zayitee mixona, eeyoo beeti showoone.

Yibbaatoo 8:8 ပူးပေါင်းရင်းမြစ်များ

Halloo 49:11

Bi kuroon woyinee indooch tippemmone; kuree bushoonoo gaawe woyinee qombooch tippemmone; bi tahoon woyinee uyoona, bi gaaboonoo woyinee aafee hiicoona, machemmone.

2 Saameeli 4:6

Kellechiyoo teepphoon woqqaabee taahaꞌa, biyoo tokketetine. Ebich Rekaabinaa bi manoo Banaahina nibboona kexooch giyiyeete.

1 Taateenaꞌo 5:11

Solomooniyoo Kiraami kechi asheenaꞌoyich hiye hume xaanee teepphoonaa zayitee michi aafoochee hiicheti, awudde balle hume neetiree zayitoonon immiye; ebinoo kuxaanoon nati natona Kiraamich immii beehe.

2 Taateenaꞌo 18:32

Ebiyoo waaꞌa ittoshi showoon shaahiibeeti showooch, maayoonaa woyinee uyoona, koshonaa woyinee qomboona, zayitee mixonaa eeyona beeti showooch ittoshin ta daammemmi wottoon, qitaanoon kashoona ittoshi beeyemmoyichiye. “Doono Yeeri noon wodiyemmone” getona Hiziqiyaasi ittoshin bi dachigaata, waayeyaahote.

Shoddo 147:14

Ne showee daaroon diggiihe; gaawe teepphoona neen michiihe.

Shoddo 81:16

Tunebaani ittoshich gaawe teepphoon maanjesho taane; xaqqee gogginoochee kechiibeeti eeyona ittoshin michiyesho taane” iye.

Isiyaasi 7:23

Aroobee yemeenooch hume sheqeelee birewa bede, hume woyinee qomboo beeti budon guccinonaa angixona bullemmone.

Erimiyaasi 2:7

Arooch beeti maayoonaa gaawe mooyonon ittoshi maayemmoyich, qeemi showooch ittoshin deebehoye. Tunebaani ittoshi giyiꞌi ta showoon eeꞌiihote; ta showoonoo ciigiihote.

Erimiyaasi 5:17

Budeexi ne maayoonaa kexeexi ne maayoonon, maa aalliyemminaꞌone; ne anaami bushiisheenaꞌonaa ne maache bushiisheenaꞌonon wuxemminaꞌone; ne bageenaꞌonaa ne miiminaꞌonon bashi maayemminaꞌone; ne woyinoonaa ne balaasoonon aalliyemminaꞌone; ne gibenaabeeti manje ne katemeenaꞌon happi, asheenaꞌon goraadoona wuxemminaꞌone” iye.

Hiziqeeli 27:17

“ ‘Yihudinaa Israꞌeelina neenna tookkii giixee beeheete; Minitee showee teepphoon, shaawi mooyon, eeyon, zayitoonaa huutoonon qiicoona neech shaddii beeheete.

Hosee'i 2:8

Aree, maayoon, woyinee uyoonaa zayitoonon biich immeto, Baꞌaaloyich bi kichiibeeti aachoonaa birewoonon biich woddiito ta tunoon ariyaaneene.

Mikiyaasi 4:4

Asho bi ikkikkoona, bi woyinee qombee yiirooch, bi balaasee michi xepphoochoo kotemmone; biin keqqichemmo koniyoona aalloone. Beshe Mawe Doono Yeeri ebin gibenikkitone.

Imbaaqoomi 3:17

Balaasee mixo aafemmon bi qajjitaanona woyinee qombooch aafo aalletaanona zayitee mixo bi dobbetaanona budooch maayo shago qajjitaanona bago dogoochee ciiretaanona miimo maggooch aalletaanona

Haddoo 13:23

Aroochee Eshikooli bambooch waaheete; woyinee aafo shushiti ikke yuunjoon kuxxiyeete. Gutte asheenaꞌo yaroona shaaggiyeete; wotta daakkiꞌi romaanee michi aafoonaa balaasee aafoonon deebiyeete.

Yowannisi 6:13

Ebina asheenaꞌo maati uuche sheqee koshoochee echeti ooyoon kiciꞌi aaraa gutte ogooge mokkoona ceechiyeete.

Yowannisi 6:9

“Uuche gishiishi xekee sheqee koshonaa gutte haashoonon yechiti bushoo hiniich beetone; tunebaani hinin shaahe asheenaꞌoyich ebi amoon hallehe?” iye.

Yibbaatoo 32:13

“Xoobooch keyiree showoon ittoshi hajjemmoyich tuniihe; naqqe showooch gocheti maayoon maahote. Xaqqee gogginoochee eeyon ittoshi maayemmon tuniihe; xaqqechi showooch zayitee mixo ittoshich bi collemmoyich tuniihe.

Yibbaatoo 32:14

Gurimoon miimoochee, ejjoonoo emmishoochee, aangechi bagoonaa emmishoonon, Bashaanee gaaweti bagee baaddoon, gaawe teepphoonaa woyinee uyoonon ittoshich maanjii uchiye.

Yibbaatoo 6:3

Ebich Israꞌeeleenaꞌote, ebi ta getoon elle waayebote. Quyeshoo getote. Ebin ittoshi tuniigaata, mooyo ittoshich kaamemmone; ittoshi qaabbechinaꞌochi Nuggishoo Doono Yeeri gibenikkitoommon, ejjoonaa eeyona xuupphiibeeti showoochaa oogichi meettemmo ittoshine.

Yibbaatoo 8:7

Ne Nuggishoo Doono Yeeri gaawe showooch neen daammii beetone. Ebi are showoo geppoonaa bamboonoochee xuupphiibeeti woce aaco, aachi xuuphoonaa aachi tunoona beeti showoone.

Yibbaatoo 8:9

Koshon miyi ne maayemmi showoo, amoonolla ne mucceyaachemmi showoone. Ebi are showooch beeti xaqqeenaꞌoochee xuuroo danee beetone. Arooch beeti geppe showoochee gooshoon iijjemmo neene.