Yibbaatoo 8:7 - Kafa Linguistics Project

⁷ Ne Nuggishoo Doono Yeeri gaawe showooch neen daammii beetone. Ebi are showoo geppoonaa bamboonoochee xuupphiibeeti woce aaco, aachi xuuphoonaa aachi tunoona beeti showoone.

Yibbaatoo 8:7 ပူးပေါင်းရင်းမြစ်များ

Halloo 49:11

Bi kuroon woyinee indooch tippemmone; kuree bushoonoo gaawe woyinee qombooch tippemmone; bi tahoon woyinee uyoona, bi gaaboonoo woyinee aafee hiicoona, machemmone.

2 Taateenaꞌo 18:32

Ebiyoo waaꞌa ittoshi showoon shaahiibeeti showooch, maayoonaa woyinee uyoona, koshonaa woyinee qomboona, zayitee mixonaa eeyona beeti showooch ittoshin ta daammemmi wottoon, qitaanoon kashoona ittoshi beeyemmoyichiye. “Doono Yeeri noon wodiyemmone” getona Hiziqiyaasi ittoshin bi dachigaata, waayeyaahote.

Shoddo 104:10

Aachi xuupheenaꞌo bambooch xuupphiyee, guudinaꞌo daggoona boonoshi woccemmoyich tuniihine.

Shoddo 106:24

Aroochee shucheti showoon hoxeheete; gibenikkeeti bi qaaroon gibeneyaaneenaꞌone.

Keyo 3:8

Ebich Gibitseenaꞌo kishoochee boonoshin kichoyich, Gibitseenoo boonoshin kichiree ejjoonaa eeyona xuupphiibeeti gaminoonaa qeemona tuneti, Kanaaneenaꞌocho, Hiteenaꞌocho, Amooreenaꞌocho, Ferizeenaꞌocho, Hiweenaꞌochonaa Yebuseenaꞌochona tuneti showooch daamoyich kindito taane.

Isiyaasi 36:17

Ebiyoo waaꞌa ittoshi showoon shaahiibeeti showooch, maayoonaa woyinee uyoona, koshonaa woyinee qomboona beeti showooch ittoshin ta daammemmi wottooniye.

Isiyaasi 5:1

Ta shunachochon, bi woyinee goyoochonoo shoddebona; ta shunechoyich woyinee goyo, qeemi geppee toommooch beehe.

Erimiyaasi 2:7

Arooch beeti maayoonaa gaawe mooyonon ittoshi maayemmoyich, qeemi showooch ittoshin deebehoye. Tunebaani ittoshi giyiꞌi ta showoon eeꞌiihote; ta showoonoo ciigiihote.

Hiziqeeli 17:5

“ ‘Aroochee Israꞌeelee showoochee yaroon daammiye; daammiꞌi wodde aaco beeti qeemi showooch bechiye.

Hiziqeeli 20:6

Ebiyooba Gibitsee boonoshin kichiree, boonoshich ta qanniiti ejjoonaa eeyona xuupphiibeeti showooch, showoo bulliyee beshe gaawe showooch boonoshin deeboyich wogehoye.

Yibbaatoo 8:6

“Illa ebich, bi gommona hamibee, biinoo shatibee, ne Nuggishoo Doono Yeerichi getoon waayebe.

Yibbaatoo 8:8

Wotta teepphoonaa sheqoona, woyinee qomboonaa balaasee mixona, romaanee mixonaa zayitee mixona, eeyoo beeti showoone.

Woraaferasheenaꞌo 18:10

Arooch shagiree diqqeꞌi beeti asheenaꞌon danemmo ittoshine; showoo gaminoone. Ashich qaawiibeeti mooyo amolla shappaani showoon Doono Yeeri ittoshi kishooch beshiiꞌi immitone” iyeete.