Yibbaatoo 8:5 - Kafa Linguistics Project

⁵ Asho bi bushoon bi sheeroommon ne Nuggishoo Doono Yeeri neen bi sheeroon batteyaahine.

Yibbaatoo 8:5 ပူးပေါင်းရင်းမြစ်များ

2 Saameeli 7:14

Tawoo biich nihoo tunemmo taane; biyoo taach bushoon tunemmone. Gonde mooyon bi shuunehooba, nihoo bi bushoon sheeroommon, gumboona biin sheeremmo taane.

Shoddo 89:32

boonoshi axaaxoyich gumboona, boonoshi xuꞌoyichoo arengoona, boonoshin sheeremmo taane.

Shoddo 94:12

Doono Yeero, ne sheeraabeeto, ne sheeroon ne dojjaabeeti asho, diireetone.

Shaahiyoo 13:24

Bi bushoon sheeraano bi bushoon shixxii beetone; tunebaani bi bushoon shunniibeeto, kupphiiꞌi sheeriye.

Shaahiyoo 3:11

Ta bushoocho, Doono Yeerichi sheeroon hoxeyaahine; neen bi kaaree ciicciyooboo caammeyaahine.

Shaahiyoo 3:12

Nihoo bi shunniibeeti bushoon bi sheeroommon, Doono Yeeri bi shunnii beeton sheerii beetone.

Dojjecho 7:14

Yemeeno gaawehooba emiribe; yemeeno gondehooboo gaawichi gabibe; hininoo ohinoo tuniito Yeerine; ebich asho gubb tunemmi mooyo amoonolla ariyoon hakkaache.

Isiyaasi 1:3

Gattoo bi doonon arii beetone; kuroo bi doonochi magedoon arii beetone; tunebaani Israꞌeeleenaꞌo ariyaaneenaꞌone; ta asheenaꞌoo shalligaaneenaꞌone” iye.

Hiziqeeli 12:3

“Ebich ashi bushoocho, kecooch hammii beeton shaahiree ne qiicoon qanniibe; boonoshi ciini beetaa kecooch hammii beeton shaahiree areddoon tibe; boonoshi ciini beetaa keccetochoommon ne xaaꞌoochee bare xaaꞌooch hambe; hukkechi macceenaꞌo boonoshi tunetaanoona diqqich shalligemminaꞌone.

Hiziqeeli 18:28

Bi tuniiti gonde mooyon shalligiꞌi bi shuuneti axaaxoo bulliichee bi wottetoyich kashoona beeyehalli qitaachemmone.

1 Qorontoosi 11:32

Tunetaa yemeenee ciirooba, hini alemee asheenaꞌo toommooch bi nalliyooba, boonoshina tookkiree no toommooch bi nallaachemmoyich, and Doono Yesuusi no toommooch nalliibee sheerii beetone.

Yibbaatoo 4:23

Ittoshi Nuggishoo Doono Yeeri ittoshina tookkii bi giyiti wogoon ittoshi batteyaachemmoyich, ittoshi goyinne maddaachemmoyich bi bajjiti, amee shaahoonona shuuneebeeti shahalloon ittoshi shuuneyaachemmoyich ittoshi qelloon ariibote!

Yibbaatoo 4:36

Ittoshin sheeroyich, shimaayoochee bi qaaroon ittoshi waayemmoyich tuniihe. Showee toommoochaanoo giidechi bi qaaqqoon ittoshi beeggemmoyich tuniihe. Ittoshiyoo qaaqqee daggoochee bi qaaroon waayehote.

Yibbaatoo 4:9

“Doono Yeeri ‘Asheenaꞌon ta waan kicibe. Showee toommooch kashoona boonoshi beemmi yemeeno bullin taan shaton boonoshi doyemmoyich, boonoshi bushiishoonoo boonoshi dojjemmoyich, ta qaaroon boonoshich waayiyemmo taane’ iꞌi bi gettiyooba, ittoshi Nuggishoo Doono Yeeri aafooch, Kooreebi guudooch ittoshi neexeti aaboon batteyaahote. Ebi ittoshi aafoona ittoshi beeggiti mooyon ittoshi batteyaachemmoyich, wotta kashoona ittoshi beemmi yemeeno bullin ittoshi mulloochee bi aalleyaachemmoyich, kupphiiree ittoshi qelloon ariibote! Ebi mooyon ittoshi bushiishoonaa bushaa bushiishoonoyichoo dojjibote.

Yibbaatoo 8:6

“Illa ebich, bi gommona hamibee, biinoo shatibee, ne Nuggishoo Doono Yeerichi getoon waayebe.

Yaaꞌoo 3:19

“Ta shunnaabeeti asho bullin kaaraa ciiccaabeeto taane; sheeraanoo beeto taane. Illa gaamiton tunebe; axaaxee gommoocheenoo Yeer waan wottebe.