Yibbaatoo 8:19 - Kafa Linguistics Project

¹⁹ “Ittoshi Nuggishoo Doono Yeerin batteꞌi, goyinne maddeya bare nuggisheenaꞌo waan ittoshi wottegaata, ciroona aallemmo ittoshi tunoon ta hanaach ittoshich xiishaa gettaabeeto taane.

Yibbaatoo 8:19 ပူးပေါင်းရင်းမြစ်များ

Erimiyaasi 25:6

boonoshich goyinnoonaa maddoonoyich, bare nuggisheenaꞌon dabbiyaahote; ittoshi toommooch gonde mooyon bi tuniyaachemmoyich, ittoshi kishee shuunoo tuneti shahalloona bi kaaroon booddaahote’ iyeete. Ebi tunegaata ittoshin naxeyaachemmone.

Erimiyaasi 7:6

dallaawoon, nihaalloonaa xuumeenon xuꞌo ittoshi qayigaata, hini xaaꞌoochaa xalle damoon ukkoo ittoshi qayigaata, ittoshich aalloon deebemmi bare nuggishoon dabboo ittoshi qayigaata,

Daaneeli 9:2

bi taateti ikkinnee natooba, ta, Daaneeli, Yaafe Macaafoon shemmaabee, Yerusaalemi happeeree shabe naton yagemmi bi tunoon Doono Yeeri keemechi Erimiyaasina bi gettiti qaaroon shalligiyo.

Amootsi 3:2

“Showee toommooch beeti aagetee asheenaꞌo bulli daggoochee kaaccaꞌa shiimaa ta yecheto ittoshin baachiye. Ittoshi gondoyich ittoshin ta sheeraabeeto ebichiye” itone.

Sofoniyaasi 1:18

Doono Yeerichi kaaree aabooba, boonoshi aachoonaa birewoona boonoshin wodiyoon hakkaachemmone. Qaaqqoo aaxxoommon aaxxeebeeti bi qanaatee kaaroona showoo bulli mici aallemmone. Showee toommooch beeti asheenaꞌo bulli toommooch diqqoona aalloon deebemmone.

Sofoniyaasi 3:6

Doono Yeeri ishichiye: “Aagetee asheenaꞌon aalliito taane; boonoshi mishigoo happeetone; boonoshi gommo shaꞌemmo aalletaa, bi aqqemmoyich tuniito taane; boonoshi katemeenaꞌo ashaalli hulleenaꞌo tuneꞌi tiishetinaꞌone.

Milikiyaasi 4:4

Beshe Mawe Doono Yeeri ishichiye: “Israꞌeeleenaꞌo bullich bi tunemmoyich, Siini guudoochaa ta guuno Muusich ta immeti sheereenaꞌon, qociyeenaꞌonaa doyeenaꞌonon gabibote.

Luqaasi 13:3

Ittoshich gettoye: Ebi toonoone! Tunebaani axaaxee gommoochee Yeer waan wottoo ittoshi qayigaata, ittoshi bulli ebiyoommon aallemmo ittoshine.

Luqaasi 13:5

Ittoshich gettoye: Ebi toonoone! Tunebaani axaaxee gommoochee Yeer waan ittoshi wottoo qayigaata, ittoshi bulli ebiyoommon aallemmo ittoshine” iye.

Yibbaatoo 11:16

Bare nuggisheenaꞌoyich ittoshi goyinne maddemmoyich, ittoshi mullo ittoshin bi geechaachemmoyich ittoshi qelloon ariibote!

Yibbaatoo 31:20

Boonoshi qaabbechinaꞌoyich imma ta wogeti, ejjoonaa eeyona xuupphiibeeti showooch boonoshin ta deebetoyee gubb, maa michiꞌi boonoshi aangitoyee gubb, taan qayi, taanna tookkii boonoshi giyiti wogoon biishiree, bare nuggisheenaꞌo waan wottemminaꞌone.

Yibbaatoo 4:26

Ittoshi toommooch boonoshi miixemmoyich shimaayoonaa showoonon hanaach ceeggaabeeto taane; ebin deꞌa getaache ittoshi getigaata, Yoordaanoosin kimi hamiree ittoshi hajjemmi showoochee kaateree aallemmo ittoshine; arooch meeti yemeenoon koteyaachemmo ittoshine; ciroona aallemmo ittoshine.

Yaasi 23:13

ittoshi Nuggishoo Doono Yeeri ebiyee bekk boonoshin ittoshi aafoochee yoohi kichaachemmo bi tunoon ebin ariibote. Ittoshi Nuggishoo Doono Yeeri ittoshich bi immiti hini gaawe showoochee ittoshi aallemmi wottoon, ittoshich shaachoonaa olloonon, ittoshi gubboon yexxiibeeti arengoon, ittoshi aafoon kochiibeeti angixon tunemminaꞌone.

1 Saameeli 12:25

Tunebaani gondee shuunoochee wotteyaache ittoshi getigaata, ittoshinaa ittoshi taatoona aallemmo ittoshine” iye.