Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yibbaatoo 8:18 - Kafa Linguistics Project

18 Gaannoon ne danemmoyich neech giidoon immiibeeti ne Nuggishoo Doono Yeerin batteyaahine. Ebin bi tuniibeeto, ne qaabbechinaꞌoyich bi wogeti wogoon ceechoyichiye; ebinoo hanaach beddaahaa tunii beetone.

အခန်းကိုကြည့်ပါ။ ကော်ပီ




Yibbaatoo 8:18
19 ပူးပေါင်းရင်းမြစ်များ  

Ebiyoo gutte balle maache emmisheenaꞌo, hiye emmishee baaddeenaꞌo, gutte balle maache bageenaꞌo, hiye bagee baaddeenaꞌo,


Gaannoonaa oogoona daneebeeto ne waaneeniye; newoo bullin hajjito neene; asho koninolla oogiyoyich, hakkoonoo imoyich, hakkoonaa giidoona ne kishoochiye.


Amasiyaasiyoo Yeer ashoyich, “Israꞌeelee ginee naayinaꞌoyich ta immeti ebi shaahe gijjochi aabicheeba?” iye. Yeer ashoo, “Doono Yeeri ebiyee beshoon neech imon hakkiye” iꞌi wochiye.


Ginoon ta koyemmoyich ta kishoon, koyoon ta koyemmoyich ta mochoon dojjiti, ta Deebe Xaqqo Doono Yeeri galleteebe!


Showoon boonoshi woraashito boonoshi goraadoona toonoone; wudoon boonoshi daneto boonoshi mochoona toonoone; boonoshina emiraa, ne aafoon boonoshich ne biriitoyich, ebin tuniito, ne qanne kishoonaa ne mochoonane.


Doono Yeerichi diiroo gaannechon tuniihe; ayinoonoo arooch daakkaache.


Xuuxee gooroo waataan beetaa, “Taan emirikkaache” ne gettemmi natinaꞌo waataan beetaa, ne gurimaashittinee yemeenooch neen Halliton gabibe!


Hini showee toommoochee bare mooyon beeggeho; ebiyoo, woco afaafinechinaꞌoyich, koyoo ginee anaaminaꞌoyich, kosho mullechinaꞌoyich, gaanno beelleenaꞌoyich, gaawe aafoona ciicheyoo ariyechinaꞌoyich, tunee bi qayoniye. Bulli mooyon daniibeeto deconaa ixoonane.


Boonoshi qaabbechinaꞌo Baꞌaaloyich goyinnoona ta shigoon battetoommon, boonoshiyoo ikkoo baroyich maacciibeeti gumona ta asheenaꞌo ta shigoon battemminaꞌo boonoshich shaahii beetone.


Aree, maayoon, woyinee uyoonaa zayitoonon biich immeto, Baꞌaaloyich bi kichiibeeti aachoonaa birewoonon biich woddiito ta tunoon ariyaaneene.


Ebich and Doono Yeero, taach ne immeti showooch shaggiti maayoochee cilloon neech deebeto taane’ gettemmo neene. Mokkoon ne Nuggishoo Doono Yeeri aafooch kotiichi, aroochaa biich goyinnebe.


Ne gedaani gaawe mooyo bi maacooch ceenniti kexinaꞌo arooch beetinaꞌone; ne iiyaani aachi oppeenaꞌo, ne bechaani woyinee qombeenaꞌonaa zayitee mixinaꞌona arooch beetinaꞌone. Doono Yeeri arooch neen bi giijjaa, maa ne miyiyooba,


Muusiyoo daakkiꞌi ishichiye: “Ebi geteenaꞌon ellaa waayaꞌa ceechaa ne quyegaata, ne Nuggishoo Doono Yeeri ne qaabbechinaꞌoyich bi gibenikkitoommon, bi wogoon kuxaanoon neechoo tuniyemmone; kuxeyaani bi shunoonoo bekkiyemmone.


Tunebaani Doono Yeeri ittoshin bi shunnitoyich, wotta ittoshi qaabbechinaꞌoyich bi giyiti wogoon quyee bi beetoyich, Gibitsee showeexi guuchittinoochee, Gibitsee taatoo kishoocheenoo kupphe bi kishoona ittoshin biisheꞌi kichiye.


Muusiyoo Israꞌeeleenaꞌoyich ishichiye: “Doono Yeeri ittoshi qaabbechinaꞌoyich imoyich wogeꞌi bi gibenikkiti showooch giyi ittoshi beeyemmonaa ittoshi meettemmonoyich, ittoshi hajjemmoyichoo, hanaach ittoshich ta gettaabeeti getoon manjii waayebote.


Israꞌeeleenaꞌo Doono Yeeri aafooch axaaxoon shuuneheete. Boonoshi Nuggishoo Doono Yeerin batteꞌi Baꞌaaloonaa Asheerinochi shahalloon goyinnee maddeheete.


Doono Yeeri Geediyoonich ishichiye: “Neenna tookkii beeti asho meettitone. Israꞌeeleenaꞌo ‘No hajjee giidoonane no wodito’ getiree ta toommooch boonoshi geecaachemmoyich, Miidiyameenaꞌon boonoshi kishooch beshiiree imaachemmo taane.


Doono Yeeri girechon tuniihe; gaannechonoo tuniihe; giishiihe; oogiinoo iye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ