Yibbaatoo 8:15 - Kafa Linguistics Project

¹⁵ Biyoo qoppiibeeti dingeroonaa barahee machoona beeti, shaꞌetaa ciireyaani shattiibeeti barahoona, neen yaabiye. Ebi aachaalli shuuꞌi showoochaa shiishe xaqqoochee aaco neech bi xuupphemmoyich tuniihe.

Yibbaatoo 8:15 ပူးပေါင်းရင်းမြစ်များ

Shoddo 105:41

Xaqqoon bi gaahaa aaco xuupphiye; woce aacochoommon barahooch wocciye.

Shoddo 114:8

Aroo xaqqoon kote aach, shiishe xaqqoonoo tunee aach, wochitone.

Shoddo 136:16

Bi asheenaꞌon barahoona yaabito, bulli yemeenoon shoodechone.

Isiyaasi 30:6

Negeeb beeti cooxinaꞌochon Doono Yeer waanee getteeti wocho ebine: “Daahereenaa daaheroona, xekereenaa awureebeeti dingeroona beeti iritee showoonaa xuuxee showoonon besheree, boonoshi gaannoon kuree toommooch, boonoshi yaaphoon gaalee toommooch xaaniree boonoshich gaacaani asheenaꞌo waan hammemminaꞌone.

Isiyaasi 35:7

Michiibeeti qacoo gamini gejjoon tunemmone; shacheweti showoochee aaco xuupphemmone; boqqelleenaꞌo kufee xaaꞌooch, mocoo, kohoonaa duukkoona collemmone.

Isiyaasi 43:19

Ebiyoche, andire mooyon tuniyemmo taane; ebiyoo and bekkemmone; ebi ittoshich aricheyaache? Barahee daggoona gommon kichemmo taane; aroochoo aaco xuupphemmoyich tuniyemmo taane.

Erimiyaasi 2:6

‘Gibitsee showoochee noon deebiti, shuuꞌi showoona, barahoonaa oppechi showoona, wotta amichaalli showoonaa dunne manderoona, koniyoona aroona besheyaani showoona, arooch asho koteyaani showoonoo, noon yaabiti Doono Yeeri aaye?’ getaaneenaꞌone.

Hosee'i 13:5

Barahoochaa, shuuꞌi showoochaanoo ittoshin shiimehoye.

Haddoo 20:11

Muusiyoo bi gumboon kaama tiijjiꞌi, xaqqoon gutte wottoon mutehe. Ooge aaco xuupphiꞌi kechiye. Iiteenaꞌonaa boonoshi gijjeenaꞌona uchiyeete.

Haddoo 21:6

Aroochee Doono Yeeri qoppiibeeti dingereenaꞌon boonoshi daggooch bi deejjaa, meeti Israꞌeeleenaꞌon qoppii wuxiyeete.

1 Qorontoosi 10:4

boonoshi bulliyoo ikke ayaanee uyoon uchiyeete; ebinoo boonoshin dabbiibeeti ayaanee Xaqqee Inderoochee uchitinaꞌone; are ayaanee Xaqqee Inderoo Kiristoosine.

Yibbaatoo 1:19

Muusi Israꞌeeleenaꞌoyich ishichiye: “Doono Yeeri Kooreebi guudoochee tiyi no hammemmoyich bi gettitoommon, nowoo aroochee tiyaa, ebi ittoshi beeggiti gaminoonaa shattiitona tuneti barahoon beshaꞌa, Amooreenaꞌochi geppe showooch waahone. Aroochee Qadeesh Barina shaggehone.

Yibbaatoo 32:13

“Xoobooch keyiree showoon ittoshi hajjemmoyich tuniihe; naqqe showooch gocheti maayoon maahote. Xaqqee gogginoochee eeyon ittoshi maayemmon tuniihe; xaqqechi showooch zayitee mixo ittoshich bi collemmoyich tuniihe.