Yibbaatoo 7:9 - Kafa Linguistics Project

⁹ Ebich ne Nuggishoo Doono Yeeri baach Nuggishoo bi tunoon, gibeneeti Nuggishoo bi tunoonoo batteyaahine. Biin shunnii beetinaꞌonaa bi getoon quyee beetinaꞌonoyich hume shiijjerooch beddaahaa, bi wogoon ceechemmone; kuxeyaani bi shunoonoo bekkiyemmone.

Yibbaatoo 7:9 ပူးပေါင်းရင်းမြစ်များ

Halloo 17:7

Neennaa neyee gubbi ne shiijjereenaꞌonoyich Nuggishoo ta tunemmoyich, neennaa taanna daggooch, gubbi ne shiijjereenaꞌo bullinaa taanna daggoochoo, bulli yemeenee wogoon giyemmo taane.

Halloo 28:15

Waayebe; ta neenna tookkaa beeto taane; ne hammaabeeti xaaꞌoo bulliich neen quyemmo taane; hini showooch neen wochiree deebemmo taane; ta getteto bullin neech ta tuniimmi wottoon, ciroona neen qayaachemmo taane” iye.

Halloo 9:15

Ebiyooba taannaa ittoshina daggooch, wotta taannaa meenon taheti, kashechi halleenaꞌo bullina daggooch beeti ta wogoon gabemmo taane; aalliyee aaco meenon taheto bullin wochinnoon aalliyaachemmone.

1 Taateenaꞌo 8:23

ishichiye: “Israꞌeelee Nuggishoo Doono Yeero, damba shimaayooch tuneba desh showooch neenoommi Nuggishoo aalloone. Boonoshi ceeni mulloona neen dabbiibeeti ne guuninaꞌoyich ne giyeti wogoon ceechaabeeti, shoodechi Nuggishoo neene.

1 Kiinoo 16:15

Bi giyiti wogoon bulli yemeenooch, bi gettiti qaaroonoo hume shiijjerooch beddaahaa, batteyaache.

2 Kiinoo 6:14

ishichiye: “Israꞌeelee Nuggishoo Doono Yeero, shimaayooch tuneba showooch neenoommi Nuggishoo aalloone. Boonoshi ceeni mulloona neen dabbiibeeti ne guuninaꞌoyich ne giyeti wogoon ceechaabeeti, shoodechi Nuggishoo neene.

Nehimi 1:5

Tawoo ishichiyo: “Shimaajji Nuggishoo Doono Yeero, neen shunnii beetinaꞌonaa ne getoon quyee beetinaꞌonoyich ne giyeti wogoon ceechaabeeti, kuxeyaani ne shunoonoo bekkiyaabeeti, oogoonaa shattiitona tuneti Nuggishoocho,

Nehimi 9:32

“Andoo no Nuggishoocho, ne giyeti wogoon quyaabeeti, ne shoodoonoo bekkiyaabeeti, ooge hakkechi, shattiiti Nuggishoocho, Asooree taateenaꞌochi yemeenoochee tiijjiꞌi hanaach beddaahaa, no toommooch, no taateenaꞌo toommooch, no ogoogeenaꞌo toommooch, nooch maddeebeeti ne qeesheenaꞌo toommooch, no keemechinaꞌo toommooch, no qaabbechinaꞌonaa ne asheenaꞌo bullinochi toommooch shaggiti iritoo, ne aafoochaa giishechoon shaahiree bekkaaye.

Shoddo 103:18

Ebiyoo bi wogoon quyee beetinaꞌonaa bi getoon ceechii beetinaꞌonochi toommoochiye.

Shoddo 105:8

Bi giyiti wogoon bulli yemeenooch, bi gettiti qaaroonoo hume shiijjerooch beddaahaa, batteyaache.

Shoddo 119:75

Doono Yeero, ne dayinneto tato bi tunoon ariyaabeeto taane; taan ne sheerito gibeneeto ne tunetoyichiye.

Shoddo 146:6

Showoon, shimaayoonaa baharoonon, arooch beeto bullinoo hallito, bulli yemeenoon bi qaaroon quyeebeeto, biine.

Shoddo 36:6

Ne cadiqittino ooge guudinaꞌoommone; ne dayinnetoo aachi dechi duchoommone; Doono Yeero, ashoonaa gijjoonon wodiihine.

Keyo 20:6

Tunebaani taan shunnii beetinaꞌonaa ta getoon quyee beetinaꞌonoyich, hume shiijjerooch beddaahaa ta shoodoon bekkiibeeto taane.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Erimiyaasi 32:18

humeenaꞌoyich ne shoodoon bekkiihine; tunebaani niheenaꞌochi xuꞌoyich boonoshiyee gubbi boonoshi bushiisheenaꞌon sheerihine; oogechi, hakkechi Nuggishoocho, ne shigo Beshe Mawe Doono Yeerine.

Shoosho 3:23

Bi ariqqo bi shoodoo maaddi maaddoona andiree beetone; Doono Yeeri oogichii gibeneetone.

Daaneeli 9:4

Ta Nuggishoo Doono Yeer waan no axaaxoon aanniibee corootiyo. Tawoo ishichiyo: “Ta Doonocho, oogoonaa shattiitona tuneti Nuggishoo neene. Neen shunnii, ne getoon ceechii beetinaꞌoyich kuxeyaani ne shunoon bekkiibeeto, ne wogoyichoo gibeneeto neene.

Roomi 8:28

Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

1 Qorontoosi 1:9

Bi Bushoo no Doono Yesuus Kiristoosina tookki ikkittino ittoshich bi beeyemmoyich, ittoshin ceeggiti Yeeri ebin ceechoyich gibeneetone.

1 Qorontoosi 10:3

Boonoshi bulli ikke ayaanee maayoon maaheete;

1 Qorontoosi 8:3

tunebaani koniyoona Yeerin bi shunigaata, are uro Yeerina arichetone.

2 Qorontoosi 1:18

Yeeri gibeneeto bi tunetoyich, ittoshich no gettaabeeti qaaro eeha iichii, wotta toonoone ii beeti gutte heciyoona toonoone.

Yibbaatoo 32:39

“ ‘Illa ta ikkeeto baach Nuggishoo ta tunoon, tayee bare nuggishoo aallo bi tunoon beegote. Wuxiyoye; mayiihoye; wodiinoo iyoye; ta kishoochee dichoon hakkemmo koniyoona aalloone.

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

Yibbaatoo 4:35

“Ebi mooyon ittoshi beeggemmoyich bi tuniito, Doono Yeeri bi baach Nuggishoo bi tunoonaa biyee damba baroo aallo bi tunoonon ittoshi ariyemmoyichiye.

Yibbaatoo 4:39

“Illa and damba shimaayooch tuneba desh showooch, Doono Yeeri baach Nuggishoo bi tunoon, bare nuggishoo aallo bi tunoonoo shalligibe. Ebinoo ne mullooch manjii yeshe.

Yibbaatoo 5:10

Tunebaani taan shunnii beetinaꞌonaa ta getoon waayee beetinaꞌonoyich hume shiijjerooch beddaahaa ta shunoon bekkiibeeto taane.

1 Tasaloonqi 5:24

Ittoshin ceeggiti Yeeri gibeneetone; biyoo ebin ittoshich ceechemmone.

2 Tasaloonqi 3:3

No Doono gibeneetone; biyoo ittoshin kupphiyemmone; gondoochi nihoo kishoocheenoo ittoshin quyemmone.

2 Ximootiyoosi 2:13

Gibeneeto tuno no qayigaata, bi qelloon nookkeyaachemmo bi tunetoyich, bi gibeneeto tuneree beeyemmone” getteeti yibbaatoo iberoone.

Titoosi 1:2

Ebi mullee tooꞌiyoonaa iberoon ariyoona bulli yemeenee kashoon danee gibenee toommooch neexetone; ebi kashoyichoo kootaani Yeeri, yemeeno bulliyee aaf gibenikkitone.

Hibireena'o 10:23

Gibenikkiti Yeeri gibeneetone; ebich shuuraanoon manjiree no gibenaabeeti mooyon miixoon qajjaayone.

Hibireena'o 11:11

Saari, gibenikkiti Yeeri gibeneeto bi tunoon iberiiꞌa, amoommon shimon hakkaani geenaa baayeti ure bi tunetaanoona, Yeeri toommooch mulloon tooꞌiyoona yeqqefoyich hakkoon danahan.

Hibireena'o 6:18

Illa hini are gutte mooyinaꞌo shaddeyaachemminaꞌone; Yeeri kootoone getaachemmi mooyinaꞌone; ebich no aafooch beeti gibenoon danoyich Yeerichi shoobooch giyeti no, oogeton goggemmo noone.

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

1 Yowannisi 1:9

Tunetaa no axaaxoon Yeerich no aannigaata, biyoo no axaaxoon maaroonaa no gondo bulliichee noon xalliyoonoyich, gibeneetonaa cadiqoonane.

Woraaferasheenaꞌo 2:1

Doono Yeerichi maraakoo Galigalee Bokiim hammiꞌi Israꞌeeleenaꞌoyich ishichiye: “Gibitsee ittoshin kichaꞌa, ittoshi qaabbechinaꞌoyich imma ta wogeti showooch ittoshin deeboye. Tawoo ‘Ittoshina tookkaa ta giyeti wogoon happaachemmo taane.

Woraaferasheenaꞌo 5:31

“Doono Yeero, neen shixxii beetinaꞌo bulli ebiyoommon aallebeete; neen shunnii beetinaꞌo maaddee aabee aaxxoommon aaxxebeete” iyeete. Ebina aabbe nati wottoon showoo kashehe.