Yibbaatoo 7:8 - Kafa Linguistics Project

⁸ Tunebaani Doono Yeeri ittoshin bi shunnitoyich, wotta ittoshi qaabbechinaꞌoyich bi giyiti wogoon quyee bi beetoyich, Gibitsee showeexi guuchittinoochee, Gibitsee taatoo kishoocheenoo kupphe bi kishoona ittoshin biisheꞌi kichiye.

Yibbaatoo 7:8 ပူးပေါင်းရင်းမြစ်များ

Halloo 19:16

Tunebaani Looxi nibbehe. Doono Yeeriyoo Looxich bi ariqqetoyich, hini are maraakeenaꞌo bi kishoon, bi mechee kishoonaa bi gutte bushiisheenaꞌo kishoonon yechiꞌi, katemoyee maach kichiyeete.

Halloo 19:29

Eechiꞌi Yeeri ebi Yoordaanoosi bakkooch beeti katemeenaꞌon bi aalliihooba, Abrahamin gabiye. Looxi beebee echeti katemoon hidii bi aalliihooba, ebi are naxoochee Looxin kichiye.

2 Saameeli 22:20

Biyoo gamini xaaꞌooch taan daammiye; taanna bi emiritoyich, taan wodiihe.

1 Taateenaꞌo 10:9

Neenna emiriꞌi, Israꞌeelee taatee qeenooch neen kotiiti, ne Nuggishoo Doono Yeeri diireebe. Doono Yeeri Israꞌeeleenaꞌon bulli yemeenoon shunniꞌi, dayinnetoonaa cadiqittinoona ne qeejjemmoyich boonoshi toommooch neen taatiihe” iyan.

1 Kiinoo 16:16

Abrahamina tookkii bi giyiti wogoon, Yisaaqich bi gibenikkiti gibenoon, batteyaache.

2 Kiinoo 9:8

Neenna emiriꞌi, bi shigoona ne taatemmoyich tuniiti, ne Nuggishoo Doono Yeeri diireebe. Ne Nuggishoo Israꞌeeleenaꞌon shunniꞌi, bulli yemeenoon manjiree boonoshi beeyemmoyich bi qaawitoyich, dayinnetoonaa cadiqittinoona ne qeejjemmoyich boonoshi toommooch neen taatiihe” iyan.

Shoddo 105:42

Ebiyoo bi guuno Abrahamich bi gibenikkiti yaafe gibenoon bi gabitoyichiye.

Shoddo 44:3

Showoon boonoshi woraashito boonoshi goraadoona toonoone; wudoon boonoshi daneto boonoshi mochoona toonoone; boonoshina emiraa, ne aafoon boonoshich ne biriitoyich, ebin tuniito, ne qanne kishoonaa ne mochoonane.

Shoddo 44:4

Yaaqobi wudoon danemmoyich tuniyaabeeti ne, ta Nuggishoo, ta Taatoo neene.

Keyo 13:14

“Gubbi yemeenooch ne bushoo ‘Ebi ama getone?’ iꞌi bi echegaata, ishichibe: ‘Gibitsee showee guuchittinoochee Doono Yeeri giidechi bi mochoona noon kichiye.

Keyo 13:3

Aroochee Muusi asheenaꞌoyich ishichiye: “Gibitsee showee guuchittinoochee ittoshi kechiti hini aaboon shalligibote. Ebiyoo, Doono Yeeri giidechi bi mochoona ebi showoochee ittoshin bi kichitoyichiye. Shittoo giyiti amee koshonolla maayaahote.

Keyo 20:2

“Gibitsee showee guuchittinoochee neen kichiti, ne Nuggishoo Doono Yeeri taane.

Keyo 32:13

Ne guuninaꞌo Abrahamin, Yisaaqinaa Israꞌeelinon shalligibe. Boonoshich, ‘Ittoshi shiijjereenaꞌon shimaayeexi xojjenoochoommon meechemmo taane; imma ta gibenikkiti hini showoo bullin ittoshi shiijjereenaꞌoyich immemmo taane; bulli yemeenoon boonoshi hajjoo tunemmone’ iyaꞌa neenna ne wogeti wogoon shalligibe” iye.

Keyo 6:6

“Ebich Israꞌeeleenaꞌoyich ishichi gete: Doono Yeeri ishichitone: ‘Ta, Doono Yeeri taane. Gibitseenaꞌochi guuchittinee waanjoochee ittoshin kichemmo taane; boonoshich guuno tunoochee ittoshin biishemmo taane. Qaaꞌi naxoon boonoshi toommooch deeboyich giidechi ta mochoon boonoshi toommooch tiijjemmo taane; ittoshinoo biishemmo taane.

Isiyaasi 43:4

Ne, taach aaxxoo, moogeetonaa shuchetona ne tunetoyich, asheenaꞌon ne qoodoyich, aageteenaꞌonoo ne keroyich, beshiiree immemmo taane.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Erimiyaasi 31:3

Doono Yeeri ta wonna boonoshich bekkaꞌa ishichiyo: Bulli aabee shunoona ittoshin shunneto taane; ta shoodoo bulli aabooch ittoshich manjemmone.

Hiziqeeli 36:22

“Ebich Nuggishoo Doono Yeeri ta gettaa beeton Israꞌeelee yareenaꞌoyich gete: Israꞌeelee yareenaꞌote, ta shuunaabeeto ittoshi hammiti aageteenaꞌo daggoochaa bi naakkemmoyich ittoshi tuniiti yaafe ta shigoyicha iyaꞌanalli ittoshicha iyaꞌa toonoone.

Mikiyaasi 6:4

Gibitsee ittoshin kichiyoye; guuchittinoochee ittoshin biishehoye; Muusi, Harooninaa Miiriyamina ittoshi aafooch shiichemmoyich tuniihoye.

Mikiyaasi 7:20

Wonnee yemeenooch no qaabbechinaꞌoyich wogaꞌa ne gibenikkitoommon, ne gibeneyoonaa kuxeyaani ne shunoonon Abrahaminaa Yaaqobinochi shiijjeroo tuneti nooch bekkiibeeto neene.

Sofoniyaasi 3:17

Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Milikiyaasi 1:2

Doono Yeeri bi asheenaꞌoyich ishichiye: “Ta ittoshin shunnaabeeto taane” iye. Tunebaani boonoshi “Noon ne shuno aaye?” iyeete. Doono Yeeri ishichiꞌi wochiye: “Esayi Yaaqobichi manoo toone? Tunebaani Yaaqobin shunnaachaa,

Maatiyoosi 11:26

Iberoone, ta Nihoocho; ebin tuniyoyich gaaweti ne daaggoo tunetone” iye.

Roomi 11:28

Israꞌeeleenaꞌo mishiraachee qaaroon boonoshi qajjitoyich Yeerichi shixechinaꞌo tunetinaꞌone; ebiyoo Ayihudee asho tuneyaani ittoshich gaaccitone. Tunebaani Yeeri bi kaacciti qaabbechinaꞌoyich bi gibenikkiti gibenoochee tiyitona Yeeri boonoshin shunnitone.

Yibbaatoo 1:8

Ittoshich ta immaabeeti showoo ebiyoche, Doono Yeeri ta, ittoshi qaabbechi Abrahamich, Yisaaqinaa Yaaqobinoyich, boonoshi shiijjereenaꞌoyichoo imma ta wogeti, ebi showoon hami woraashibote’ itone” iye.

Yibbaatoo 10:15

Tunebaani Doono Yeeri ittoshi qaabbechinaꞌon bi shunniti shunoo manjoo bi tunetoyich, showee toommooch beeti aageteenaꞌo bulli daggoochee, boonoshi shiijjeroo tuneti ittoshin kaacciye. Ebich and beddaahaa ittoshi biinna kaacheti asho ittoshine.

Yibbaatoo 23:6

Ebich ne beemmi yemeeno bullin diggoona boonoshi beeyemmoyich woyee mooyo boonoshich bi mashaamemmoyich tuniyaahine.

Yibbaatoo 33:3

Iberoon Doono Yeeri bi asheenaꞌon shunnii beetone; biich yaafeetinaꞌo bulli bi kishoochiye boonoshi beeto; boonoshiyoo bi baatooch goyinneheete; bi getoonoo waayeheete.

Yibbaatoo 4:20

Tunebaani ittoshi and ebi ittoshich bi tunetoommon bi hajjee ashoon ittoshi tunemmoyich, ittoshi Nuggishoo Doono Yeeri xuuroon wociibeeti qaaqqee sheelloommi Gibitsee ittoshin kichiꞌi deebitone.

Yibbaatoo 4:37

Ittoshi qaabbechinaꞌon bi shunnitoyich, boonoshi shiijjereenaꞌo tuneti ittoshin kaacciye. Ittoshina tookkii tuneꞌi bi hajjee giidoona Gibitsee ittoshin kichii deebiye.

Yibbaatoo 5:6

‘Gibitsee showeexi guuchittinoochee kichaꞌa neen deebeti ne Nuggishoo Doono Yeeri taane.

1 Yowannisi 4:19

Yeeri shiichii noon bi shunnitoyich, no biin shunnaabeeto noone; noonnaa noonnoo shunaabeeto noone.

1 Saameeli 12:22

Doono Yeeri ittoshin bi asho tuniiya shunnito bi tunetoyich, Doono Yeeri ooge bi shigoyicha getiree, bi asheenaꞌon qayaachemmone.