Yibbaatoo 7:3 - Kafa Linguistics Project

³ Boonoshi anaami bushiishoyich ne maache bushiisheenaꞌon shaakkiyoona woyee boonoshi maache bushiisheenaꞌon ne anaami bushiishoyich shaakkiyoona boonoshina tookki naacheyaahine.

Yibbaatoo 7:3 ပူးပေါင်းရင်းမြစ်များ

1 Taateenaꞌo 11:2

Doono Yeeri Israꞌeeleenaꞌoyich “Ittoshi mulloon boonoshi nuggisheenaꞌo waan wochemminaꞌo boonoshi tunetoyich, boonoshina tookki shaageyaahote” bi iti aagetee maacheenaꞌon Solomooni kashkuxoon shunniye.

1 Taateenaꞌo 16:31

Nebaaxi bushoo Yeroboꞌamichi axaaxoon dabboo kette mooyo shaahiꞌi biich bekkehe. Biyoo Sidoonee taatoo Etibaꞌaali bushee Elizabeelin shaaggiye; Baꞌaaloyich maddehe; goyinneenoo iye.

Iziri 10:3

Ebich no Nuggishoochi getoon shattiibeeti asheenaꞌonaa ta doono neennochi ciicoommon, ebi maacheenaꞌo bullinaa boonoshi bushiishoonon daachiyoyich, no Nuggishoo aafooch wogoon gibone; ebiyoo sheeroo gettii beetoommon tunebe.

Nehimi 10:30

“No guudoona beeti aageteenaꞌoyich no maache bushiishoon imaachone; wotta boonoshi maache bushiisheenaꞌon no anaami bushiishoyich shaakkiyaachone.

Woraaferasheenaꞌo 14:3

Tunebaani bi nihoonaa bi indeena “Hini dokireyaani Filsixeemeenaꞌo waan mechee qaawooch ne hammeto, no xibeenaꞌo daggooch woyee no asheenaꞌo bulli daggooch neech tunemmi bushee aalletenane?” iyeete. Tunebaani Samsooni bi nihoon “Ta mullo shunnito areen bi tunetoyich biin taach shaakkiibe” iye.